👉ਭਾਜਪਾ ਰਹੀ ਤੀਜ਼ੇ ਸਥਾਨ ਉਪਰ ਅਤੇ ਅਕਾਲੀ ਦਲ ਨੂੰ ਚੌਥੇ ਥਾਂ ‘ਤੇ ਕਰਨਾ ਪਿਆ ਸਬਰ
Ludhiana News: Ludhiana west by election result; ਆਪ ਵਿਧਾਇਕ ਗੁਰਪ੍ਰੀਤ ਸਿੰਘ ਗੋਗੀ ਦੀ ਬੇਵਕਤੀ ਮੌਤ ਕਾਰਨ ਖਾਲੀ ਹੋਈ ਲੁਧਿਆਣਾ ਪੱਛਮੀ ਸੀਟ ਦੀ ਉਪ ਚੋਣ ‘ਚ ਮੁੜ ਆਮ ਆਦਮੀ ਪਾਰਟੀ ਨੇ ਬਾਜ਼ੀ ਮਾਰ ਲਈ ਹੈ। ਇਸ ਵਾਰ ਪਾਰਟੀ ਵੱਲੋਂ ਆਪਣੇ ਮੌਜੂਦਾ ਰਾਜ਼ ਸਭਾ ਮੈਂਬਰ ਸੰਜੀਵ ਅਰੋੜਾ ਨੂੰ ਚੋਣ ਮੈਦਾਨ ਵਿਚ ਉਤਾਰਿਆ ਸੀ, ਜਿੰਨ੍ਹਾਂ ਕਾਂਗਰਸ ਦੇ ਭਾਰਤ ਭੂਸ਼ਣ ਆਸ਼ੂ ਨੂੰ 10,634 ਵੋਟਾਂ ਦੇ ਅੰਤਰ ਨਾਲ ਮਾਤ ਦਿੱਤੀ।
ਇਹ ਵੀ ਪੜ੍ਹੋ ਸੋਸ਼ਲ ਮੀਡੀਆ ਉੱਤੇ ਅਸ਼ਲੀਲ ਸਮੱਗਰੀ ਪਾਉਣ ਵਾਲਿਆਂ ਵਿਰੁਧ ਸਖੱਤ ਹੋਈ ਪੰਜਾਬ ਸਰਕਾਰ, ਹੋਵੇਗੀ ਤੁਰੰਤ ਕਾਰਵਾਈ
ਸੰਜੀਵ ਅਰੋੜਾ ਨੂੰ 35,144 ਵੋਟਾਂ ਮਿਲੀਆਂ ਜਦ ਕਿ ਉਨ੍ਹਾਂ ਦੇ ਨਿਕਟ ਵਿਰੋਧੀ ਆਸ਼ੂ ਨੂੰ 24,510 ਵੋਟਾਂ ਮਿਲੀਆਂ। ਇਸ ਹਲਕੇ ਤੋਂ ਭਾਜਪਾ ਦੇ ਜੀਵਨ ਗੁਪਤਾ 20,299 ਵੋਟਾਂ ਲੈ ਕੇ ਤੀਜ਼ੇ ਸਥਾਨ ‘ਤੇ ਰਹੇ। ਹਰ ਵਾਰ ਦੀ ਤਰ੍ਹਾਂ ਅਕਾਲੀ ਦਲ ਨੂੰ ਮੁੜ ਨਮੋਸ਼ੀ ਦਾ ਸਾਹਮਣਾ ਕਰਨਾ ਪਿਆ ਤੇ ਇਸਦੇ ਉਮੀਦਵਾਰ ਪਰਉਪਕਾਰ ਸਿੰਘ ਘੁੰਮਣ ਨੂੰ ਸਿਰਫ਼ 8198 ਵੋਟਾਂ ਮਿਲੀਆਂ ਹਨ। ਲੰਘੀ 19 ਜੂਨ ਨੂੰ ਪਈਆਂ ਵੋਟਾਂ ਦੀ ਗਿਣਤੀ ਅੱਜ ਸੋਮਵਾਰ ਨੂੰ ਲੁਧਿਆਣਾ ਦੇ ਖਾਲਸਾ ਗਰਲਜ਼ ਕਾਲਜ ਵਿਖੇ 14 ਗੇੜਾਂ ਵਿਚ ਹੋਈ।
ਪਹਿਲੇ ਤਿੰਨ ਗੇੜ੍ਹਾਂ ਵਿਚ ਸੰਜੀਵ ਅਰੋੜਾ ਨੇ ਕਰੀਬ 2500 ਵੋਟਾਂ ਦੀ ਬੜੋਤਰੀ ਹਾਸਲ ਕੀਤੀ ਪ੍ਰੰਤੂ ਅਗਲੇ ਤਿੰਨ ਗੇੜ੍ਹਾਂ ਵਿਚ ਉਹ ਕਾਂਗਰਸ ਦੇ ਭਾਰਤ ਭੂਸਣ ਆਸ਼ੂ ਕੋਲੋਂ ਵੋਟਾਂ ਘਟਦੇ ਰਹੇ ਪ੍ਰੰਤੂ ਸੱਤਵੇਂ ਗੇੜ੍ਹ ਤੋਂ ਮੁੜ ਉਨ੍ਹਾਂ ਅਜਿਹੀ ਬੜਤ ਹਾਸਲ ਕੀਤੀ, ਜੋ ਆਖਰੀ ਗੇੜ੍ਹ ਤੱਕ ਜਾਰੀ ਰਹੀ। ਉੰਝ ਇੱਕ ਵਾਰ ਤੀਜ਼ੇ ਰਾਉਂਡ ਵਿਚ ਭਾਜਪਾ ਦੇ ਜੀਵਨ ਗੁਪਤਾ ਕਾਂਗਰਸ ਦੇ ਆਸ਼ੂ ਨੂੰ ਪਿੱਛੇ ਛੱਡ ਕੇ ਦੂਜੇ ਨੰਬਰ ਉਪਰ ਵੀ ਪੁੱਜਣ ਵਿਚ ਸਫ਼ਲ ਰਹੇ ਪ੍ਰੰਤੂ ਇਸਤੋਂ ਬਾਅਦ ਉਹ ਲਗਾਤਰ ਤੀਜ਼ੇ ਨੰਬਰ ਉਪਰ ਹੀ ਰਹੇ।
ਇਹ ਵੀ ਪੜ੍ਹੋ ਆਮ ਆਦਮੀ ਪਾਰਟੀ ਵੱਲੋਂ ਵੱਖ-ਵੱਖ ਵਿੰਗਾਂ ਦੇ ਅਹੁੱਦੇਦਾਰਾਂ ਦਾ ਐਲਾਨ
ਦਸਣਾ ਬਣਦਾ ਹੈ ਕਿ ਇਸ ਉਪ ਚੋਣ ਵਿਚ ਕੁੱਲ 14 ਉਮੀਦਵਾਰ ਮੈਦਾਨ ਵਿਚ ਡਟੇ ਹੋਏ ਸਨ ਪ੍ਰੰਤੂ ਮੁਤਾਬਕ ਆਪ, ਕਾਂਗਰਸ ਤੇ ਭਾਜਪਾ ਵਿਚਕਾਰ ਹੀ ਦਿਖਾਈ ਦਿੰਦਾ ਸੀ। ਆਪ ਦੀ ਸਮੂਹ ਦਿੱਲੀ ਲੀਡਰਸ਼ਿਪ ਅਰੋੜਾ ਨੂੰ ਜਿਤਾਉਣ ਦੇ ਲਈ ਅਖੀਰ ਤੱਕ ਲੁਧਿਆਣਾ ਵਿਚ ਡਟੀ ਰਹੀ। ਜਦੋਂਕਿ ਕਾਂਗਰਸ ਵਿਚ ਫੁੱਟ ਦੇਖਣ ਨੂੰ ਮਿਲੀ। ਭਾਜਪਾ ਨੈ ਵੀ ਆਪਣੀ ਮੌਜਦੂਗੀ ਬਣਾਈ ਰੱਖਣ ਲਈ ਪੂਰਾ ਜੋਰ ਲਾਇਆ ਪ੍ਰੰਤੂ ਸਫ਼ਲਤਾ ਨਹੀਂ ਮਿਲੀ।
👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਸਾਡੇ whatsapp & telegram group ਨਾਲ ਜੁੜੋਂ।
🛑https://chat.whatsapp.com/EK1btmLAghfLjBaUyZMcLK
🛑https://t.me/punjabikhabarsaarwebsite
☎ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 94642-76483 ‘ਤੇ ਸੰਪਰਕ ਕਰੋ।
