👉ਜਿਆਦਾਤਰ ਪੰਚਾਇਤ ਸੰਮਤੀਆਂ ‘ਤੇ ਵੀ ਕੀਤਾ ਕਬਜ਼ਾ
Bathinda News: ਜ਼ਿਲ੍ਹਾ ਪ੍ਰੀਸ਼ਦ ਚੋਣ ਨਤੀਜਿਆਂ ਦੇ ਵਿਚ ਸ਼੍ਰੋਮਣੀ ਅਕਾਲੀ ਦਲ ਨੇ ਬਠਿੰਡਾ ਵਿਚ ਹੁੰਝਾਫ਼ੇਰ ਜਿੱਤ ਹਾਸਲ ਕੀਤੀ ਹੈ। ਜ਼ਿਲ੍ਹੇ ਵਿਚ ਪੈਂਦੀਆਂ ਕੁੱਲ 17 ਸੀਟਾਂ ਵਿਚੋਂ ਅਕਾਲੀ ਦਲ 13 ਸੀਟਾਂ ਉੱਪਰ ਜਿੱਤ ਪ੍ਰਾਪਤ ਕਰਨ ਵਿਚ ਸਫ਼ਲ ਰਿਹਾ। ਮੋੜ ਹਲਕੇ ਵਿਚ ਪੈਂਦੀਆਂ 4 ਸੀਟਾਂ ਵਿਚੋਂ 3 ਅਤੇ ਤਲਵੰਡੀ ਸਾਬੋ ਦੀਆਂ 3 ਵਿਚੋਂ ਇੱਕ ਆਪ ਦੇ ਹਿੱਸੇ ਆਈ ਹੈ। ਹਾਲਾਂਕਿ ਵਿਧਾਇਕ ਸੁਖਵੀਰ ਮਾਈਸਰਖਾਨਾ ਦੇ ਪਿੰਡ ਮਾਈਸਰਖਾਨਾ ਜੋਨ ਤੋਂ ਆਪ ਦਾ ਜ਼ਿਲ੍ਰਾ ਪ੍ਰੀਸ਼ਦ ਊਮੀਦਵਾਰ ਚੋਣ ਹਾਰ ਗਿਆ।
ਇਹ ਵੀ ਪੜ੍ਹੋ ਜ਼ਿਲ੍ਹਾ ਪ੍ਰੀਸ਼ਦ-ਸੰਮਤੀ ਚੋਣ ਨਤੀਜ਼ੇ; ਵੱਡੇ ਦਿੱਗਜ਼ਾਂ ਦੇ ਪਿੰਡਾਂ ਵਿਚੋਂ ਮਿਲੀ ਹਾਰ, ਮੁੱਖ ਮੰਤਰੀ ਦੇ ਪਿੰਡ ‘ਚ ਮਿਲੀ ਵੱਡੀ ਜਿੱਤ
ਚੋਣ ਨਤੀਜਿਆਂ ਮੁਤਾਬਕ ਹਲਕਾ ਬਠਿੰਡਾ ਦਿਹਾਤੀ ਦੀਆਂ ਜ਼ਿਲ੍ਹਾ ਪ੍ਰੀਸ਼ਦ ਦੀਆਂ 4 ਵਿਚੋਂ 4, ਭੁੱਚੋਂ ਮੰਡੀ ਵਿਚੋਂ 4 ਦੀਆਂ 4, ਫ਼ੂਲ ਦੀਆਂ 2 ਵਿਚੋਂ 2, ਤਲਵੰਡੀ ਸਾਬੋ ਹਲਕੇ ਦੀਆਂ 3 ਵਿਚੋਂ 2 ਸੀਟਾਂ ‘ਤੇ ਅਕਾਲੀ ਦਲ ਜਿੱਤ ਗਿਆ। ਅਕਾਲੀ ਦਲ ਦੇ ਜੇਤੂ ਉਮੀਦਵਾਰਾਂ ਵਿਚ ਤਲਵੰਡੀ ਸਾਬੋ ਹਲਕੇ ਜੋਨ ਸੀਗੋਂ ਵਿਚੋਂ ਬੂਟਾ ਸਿੰਘ, ਬੰਗੀ ਰੁਲਦੂ ਵਿਚੋਂ ਜਸਪਾਲ ਕੌਰ ਤੇ ਪੱਕਾ ਕਲਾਂ ਵਿਚੋਂ ਹਰਪ੍ਰੀਤ ਸਿੰਘ ਦੇ ਨਾਮ ਸ਼ਾਮਲ ਹਨ। ਇਸੇ ਤਰ੍ਹਾਂ ਬਠਿੰਡਾ ਦਿਹਾਤੀ ਹਲਕੇ ਵਿਚ ਫ਼ੂਸ ਮੰਡੀ ਜੋਨ ਤੋਂ ਗੁਰਵਿੰਦਰ ਕੌਰ, ਬਾਂਡੀ ਤੋਂ ਮਨਜੀਤ ਕੌਰ, ਜੈ ਸਿੰਘ ਵਾਲਾ ਜੋਨ ਤੋਂ ਗੁਰਇਕਬਾਲ ਸਿੰਘ ਬਰਾੜ, ਬਹਿਮਣ ਦੀਵਾਨਾ ਤੋਂ ਜਸਕਰਨ ਕੌਰ ਜੇਤੂ ਰਹੀ।
ਇਹ ਵੀ ਪੜ੍ਹੋ ਕਬੱਡੀ ਖਿਡਾਰੀ ਦੇ ਕ+ਤ+ਲ ਮਾਮਲੇ ਵਿਚ ਪੁਲਿਸ ਮੁਕਾਬਲੇ ‘ਚ ਇੱਕ ਮੁੱਖ ਮੁਲਜ਼ਮ ਢੇਰ
ਦੂਜੇ ਪਾਸੇ ਭੁੱਚੋਂ ਮੰਡੀ ਹਲਕੇ ਦੇ ਜੋਨ ਭੁੱਚੋਂ ਕਲਾਂ ਤੋਂ ਗੁਰਜਿੰਦਰ ਸਿੰਘ, ਪੂਹਲਾ ਤੋਂ ਸਵਰਨ ਸਿੰਘ, ਕਿਲੀ ਨਿਹਾਲ ਸਿੰਘ ਤੋਂ ਸੁਖਵਿੰਦਰ ਕੌਰ ਤੇ ਬਲਾਹੜ ਵਿੰਝੂ ਜੋਨ ਤੋਂ ਬਲਜੀਤ ਕੌਰ ਜਿੱਤਣ ਵਿਚ ਸਫ਼ਲ ਰਹੀ ਹੈ। ਫ਼ੂਲ ਹਲਕੇ ਦੀ ਬੁਰਜ ਗਿੱਲ ਸੀਟ ਤੋਂ ਸੁਖਦੀਪ ਸਿੰਘ ਤੇ ਸਿਰੀਏਵਾਲਾ ਜੋਨ ਤੋਂ ਜਸਪਾਲ ਸਿੰਘ ਜੇਤੂ ਰਹੇ ਹਨ। ਮੋੜ ਹਲਕੇ ਦੀ ਜੇਕਰ ਗੱਲ ਕੀਤੀ ਜਾਵੇ ਤਾਂ ਮਾਈਸਰਖਾਨਾ ਜੋਨ ਤੋਂ ਅਕਾਲੀ ਦਲ ਦੇ ਹਰਭਜਨ ਸਿੰਘ, ਜਦਕਿ ਜੋਧਪੁਰ ਜੋਨ ਤੋਂ ਆਪ ਦੇ ਬੂਟਾ ਸਿੰਘ ਸੰਦੋਹਾ,ਕਰਾੜਵਾਲਾ ਤੋਂ ਗੁਰਦੀਪ ਕੌਰ ਅਤੇ ਮੰਡੀ ਕਲਾਂ ਜੋਨ ਤੋਂ ਰਾਣੀ ਕੌਰ ਜੇਤੂ ਰਹੇ। ਜੇਕਰ ਪੰਚਾਇਤ ਸੰਮਤੀ ਦੀ ਗੱਲ ਕੀਤੀ ਜਾਵੇ ਤਾਂ ਭੁੱਚੋਂ ਤੇ ਗੋਨਿਆਣਾ ਬਲਾਕ ਤੇ ਮੁਕੰਮਲ ਅਕਾਲੀ ਦਲ ਕਾਬਜ਼ ਹੋਇਆ।
👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਹੇਠ ਦਿੱਤੇ Link ਉੱਪਰ Click ਕਰੋ।
Whatsapp Channel 👉 🛑https://whatsapp.com/channel/0029VbBYZTe89inflPnxMQ0A
Whatsapp Group👉 🛑https://chat.whatsapp.com/EK1btmLAghfLjBaUyZMcLK
Telegram Channel👉 🛑https://t.me/punjabikhabarsaarwebsite
☎ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 98786-15057 ‘ਤੇ ਸੰਪਰਕ ਕਰੋ।
