👉ਖੇਤੀ ਕਰਨ ਗਿਆ ਗਲਤੀ ਨਾਲ 21 ਜੂਨ ਨੂੰ ਕਰ ਗਿਆ ਸੀ ਸਰਹੱਦ ਪਾਰ
Firozpur News: ਲੰਘੀ 21 ਜੂਨ ਨੂੰ ਕੰਡਿਆਲੀ ਤਾਰ ਤੋਂ ਪਾਰ ਖੇਤੀ ਕਰਨ ਗਏ ਨੌਜਵਾਨ ਅੰਮ੍ਰਿਤਪਾਲ ਸਿੰਘ ਦੀ ਪਾਕਿਸਤਾਨੀ ਪੁਲਿਸ ਦੇ ਕਬਜ਼ੇ ਵਿਚ ਹੋਣ ਦੀ ਪੁਸ਼ਟੀ ਹੋ ਗਈ ਹੈ। ਪਿੰਡ ਖੈਰੇ ਕੇ ਉਤਾੜ ਦਾ ਇਹ ਨੌਜਵਾਨ ਗਲਤੀ ਨਾਲ ਸਰਹੱਦ ਪਾਰ ਕਰ ਗਿਆ ਸੀ, ਜਿਸਨੂੰ ਲੱਭਣ ਦੇ ਲਈ ਉਸਦੇ ਮਾਪਿਆਂ ਸਹਿਤ ਬੀਐਸਐਫ਼ ਦੇ ਵੱਲੋਂ ਲਗਾਤਾਰ ਯਤਨ ਕੀਤੇ ਜਾ ਰਹੇ ਸਨ। ਸੂਚਨਾ ਮੁਤਾਬਕ ਹੁਣ ਬੀਐਸਐਫ਼ ਦੇ ਨਾਲ ਹੋਈ ਫਲੈਗ ਮੀਟਿੰਗ ਦੇ ਦੌਰਾਨ ਪਾਕਿਸਤਾਨ ਰੈਂਜਰਜ਼ ਨੇ ਇਸ ਗੱਲ ਦੀ ਪੁਸ਼ਟੀ ਕੀਤੀ ਹੈਕਿ ਪਾਕਿਸਤਾਨੀ ਸਰਹੱਦ ਵਿਚ ਦਾਖਲ ਹੋਣ ਕਾਰਨ ਉਕਤ ਨੌਜਵਾਨ ਨੂੰ ਪਾਕਿਸਤਾਨ ਦੀ ਪੁਲਿਸ ਦੇ ਹਵਾਲੇ ਕੀਤਾ ਗਿਆ ਹੈ। ਆਪਣੇ 23 ਸਾਲਾਂ ਇਕਲੌਤੇ ਪੁੱਤ ਦੇ ਅਚਾਨਕ ਗਲਤੀ ਨਾਲ ਪਾਕਿਸਤਾਨ ਚਲੇ ਜਾਣ ਕਾਰਨ ਮਾਪਿਆਂ ਦਾ ਰੋ-ਰੋ ਕੇ ਬੁਰਾ ਹਾਲ ਹੈ।
ਇਹ ਵੀ ਪੜ੍ਹੋ bikram majithia case ; Ex CM Channi ਦਾ ਦਾਅਵਾ ਕਿ ਉਹ ਨਸ਼ੇ ਵੇਚਣ ਵਾਲਿਆਂ ਦੇ ਖਿਲਾਫ਼
ਅੰਮ੍ਰਿਤਪਾਲ ਸਿੰਘ ਦੇ ਪਿਤਾ ਜੁਗਰਾਜ ਸਿੰਘ ਨੇ ਮੀਡੀਆ ਨਾਲ ਗੱਲਬਾਤ ਕਰਦਿਆਂ ਕੇਂਦਰ ਅਤੇ ਪੰਜਾਬ ਸਰਕਾਰ ਕੋਲੋਂ ਮੰਗ ਕੀਤੀ ਹੈ ਕਿ ਉਸਦੇ ਪੁੱਤਰ ਨੂੰ ਵਾਪਸ ਲਿਆਉਣ ਦੇ ਲਈ ਉਪਰਾਲੇ ਕੀਤੇ ਜਾਣ। ਪ੍ਰਵਾਰ ਦੇ ਵਿਚ ਅੰਮ੍ਰਿਤਪਾਲ ਸਿੰਘ ਤੋਂ ਇਲਾਵਾ ਉਸਦੀ ਛੋਟੀ ਭੈਣ ਹੈ। ਅੰਮ੍ਰਿਤਪਾਲ ਸਿੰਘ ਦਾ ਕੁੱਝ ਸਮਾਂ ਪਹਿਲਾਂ ਹੀ ਵਿਆਹ ਹੋਇਆ ਦਸਿਆ ਜਾ ਰਿਹਾ। ਪਿਤਾ ਜੁਗਰਾਜ ਸਿੰਘ ਮੁਤਾਬਕ ਉਹ ਦਿਲ ਦਾ ਮਰੀਜ਼ ਹੋਣ ਕਾਰਨ ਪਿਛਲੇ ਤਿੰਨ-ਚਾਰ ਸਾਲਾਂ ਤੋਂ ਖੇਤੀ ਦਾ ਕੰਮ ਅੰਮ੍ਰਿਤਪਾਲ ਸਿੰਘ ਹੀ ਦੇਖ ਰਿਹਾ ਸੀ ਤੇ ਉਹਨਾਂ ਦੀ ਜਮੀਨ ਕੰਡਿਆਲੀ ਤਾਰ ਤੋਂ ਪਾਰ ਹੈ। ਘਟਨਾ ਵਾਲੇ ਦਿਨ 21 ਜੂਨ ਨੂੰ ਜਿਆਦਾ ਗਰਮੀ ਹੋਣ ਕਾਰਨ ਉਹ ਭੁਲੇਖੇ ਨਾਲ ਪਾਕਿਸਤਾਨ ਵਾਲੇ ਪਾਸੇ ਚਲਾ ਗਿਆ। ਸ਼ਾਮ ਨੂੰ ਬੀਐਸਐਫ਼ ਦੇ ਅਧਿਕਾਰੀਆਂ ਦਾ ਹੀ ਉਨ੍ਹਾਂ ਦੇ ਘਰ ਫ਼ੋਨ ਆਇਆ ਸੀ ਕਿ ਅੰਮ੍ਰਿਤਪਾਲ ਸਿੰਘ ਵਾਪਸੀ ਸਮੇਂ ਰਜਿਸਟਰ ‘ਤੇ ਬਿਨ੍ਹਾਂ ਦਸਤਖਤ ਕਰੇ ਆ ਗਿਆ।
ਇਹ ਵੀ ਪੜ੍ਹੋ ਮਾਲਵਾ ਦੇ ਸਭ ਤੋਂ ਵੱਡੇ ਸਰਕਾਰੀ ਹਸਪਤਾਲ ਦੀਆਂ OPD ਸੇਵਾਵਾਂ ਅੱਜ ਰਹਿਣਗੀਆਂ ਬੰਦ
ਪ੍ਰੰਤੂ ਜਦ ਉਨ੍ਹਾਂ ਦਸਿਆ ਕਿ ਉਹ ਤਾਂ ਘਰ ਹੀ ਨਹੀਂ ਆਇਆ ਤਾਂ ਪੜਤਾਲ ਕੀਤੀ ਤਾਂ ਦੂਜੇ ਦਿਨ ਪੈਰ੍ਹਾਂ ਦੇ ਨਿਸ਼ਾਨ ਤੋਂ ਪਤਾ ਲੱਗਿਆ ਕਿ ਉਹ ਗਲਤੀ ਨਾਲ ਪਾਕਿਸਤਾਨ ਵੱਲ ਚੱਲ ਗਿਆ। ਇਸ ਸਬੰਧ ਵਿਚ ਜਦ ਬੀਐਸਐਫ਼ ਦੇ ਅਧਿਕਾਰੀਆਂ ਨੇ ਪਾਕਿਸਤਾਨ ਰੈਂਜਰਜ਼ ਨਾਲ ਸੰਪਰਕ ਕੀਤਾ ਸੀਤਾਂ ਪਹਿਲਾਂ ਜਵਾਬ ਦੇ ਦਿੱਤਾ ਪਰ ਹੁਣ 27 ਜੂਨ ਨੂੰ ਹਿਰਾਸਤ ਵਿਚ ਹੋਣ ਦੀ ਪੁਸ਼ਟੀ ਕਰ ਦਿੱਤੀ ਹੈ। ਦਸਣਾ ਬਣਦਾ ਹੈ ਕਿ ਇਸਤੋਂ ਕੁੱਝ ਦਿਨ ਪਹਿਲਾਂ ਇੱਕ ਬੀਐਸਐਫ਼ ਦਾ ਜਵਾਨ ਵੀ ਫਾਜਲਿਕਾ ਇਲਾਕੇ ਦੇ ਕੰਡਿਆਲੀ ਤਾਰ ਇਲਾਕੇ ਵਿਚ ਕਿਸਾਨਾਂ ਨਾਲ ਗਿਆ ਗਲਤੀ ਨਾਲ ਪਾਕਿਸਤਾਨੀ ਦਰੱਖਤ ਹੇਠ ਬੈਠ ਗਿਆ ਸੀ, ਜਿਸਤੋਂ ਬਾਅਦ ਉਸਨੂੰ ਪਾਕਿਸਤਾਨੀ ਰੈਂਜਰਜ਼ ਨੇ ਆਪਣੀ ਹਿਰਾਸਤ ਵਿਚ ਲੈ ਲਿਆ ਸੀ ਤੇ ਕਾਫ਼ੀ ਕੋਸ਼ਿਸਾਂ ਦੇ ਬਾਅਦ ਰਿਹਾਅ ਕਰਵਾਇਆ ਗਿਆ ਸੀ।
👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਸਾਡੇ whatsapp & telegram group ਨਾਲ ਜੁੜੋਂ।
🛑https://chat.whatsapp.com/EK1btmLAghfLjBaUyZMcLK
🛑https://t.me/punjabikhabarsaarwebsite
☎ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 94642-76483 ‘ਤੇ ਸੰਪਰਕ ਕਰੋ।
