Amritsar News: ਅੰਮ੍ਰਿਤਸਰ ਜ਼ਿਲ੍ਹੇ ਦੇ ਇੱਕ ਪਿੰਡ ਦੇ ਨੌਜਵਾਨ ਨਾਲ ਜੱਗੋ-ਤੇਹਰਵੀਂ ਹੋਈ ਹੈ। ਘਰ ਦੇ ਵਿਚ ਖੁਸੀਆਂ ਦਾ ਮਾਹੌਲ ਸੀ, ਕੜਾਹੀ ਚੜੀ ਹੋਈ ਸੀ ਤੇ ਖੁਸੀਆਂ ਦੇ ਗੀਤ ਗਾਏ ਜਾ ਰਹੇ ਸਨ ਤੇ ਇੱਕ ਦਿਨ ਬਾਅਦ ਬਰਾਤ ਜਾਣੀ ਸੀ ਪਰ ਅਚਾਨਕ ਹੋਣ ਵਾਲੇ ਸਹੁਰੇ ਪ੍ਰਵਾਰ ਤੋਂ ਸੁਨੇਹਾ ਆਉਂਦਾ ਹੈ ਕਿ ਇਹ ਵਿਆਹ ਨਹੀਂ ਹੋ ਸਕਦਾ। ਪੁੱਛਣ ‘ਤੇ ਦਸਿਆ ਜਾਂਦਾ ਹੈ ਕਿ ਲਾੜੇ ਦੀ ਹੋਣ ਵਾਲੀ ਦੁਲਹਨ ਰਾਤ ਨੂੰ ਘਰੋਂ ਰਫ਼ੂਚੱਕਰ ਹੋ ਗਈ ਹੈ। ਜਿਸ ਘਰ ਵਿਚ ਕੁੱਝ ਸਮਾਂ ਪਹਿਲਾਂ ਸ਼ਗਨਾਂ ਦੇ ਗੀਤ ਗਾਏ ਜਾ ਰਹੇ ਸਨ, ਉਥੈ ਹੁਣ ਮਾਤਮ ਪਸਰ ਗਿਆ। ਲਾੜੇ ਵਾਲੇ ਹੁਣ ਸਹੁਰੇ ਜਾਣ ਦੀ ਬਜਾਏ ਥਾਣੇ ਚੱਲ ਪਏ। ਇਹ ਸਾਰੀ ਫ਼ਿਲਮੀ ਕਹਾਣੀ ਛੇਹਰਟਾ ਇਲਾਕੇ ਅਧੀਨ ਪੈਂਦੇ ਪਿੰਡ ਖਾਪੜਖੇੜੀ ਦੇ ਇੱਕ ਸਧਾਰਨ ਪ੍ਰਵਾਰ ਨਾਲ ਵਾਪਰੀ ਹੈ।ਪਿੰਡ ਦੇ 31 ਸਾਲਾ ਹਰਪ੍ਰੀਤ ਸਿੰਘ ਦਾ ਰੋ-ਰੋ ਕੇ ਬੁਰਾ ਹਾਲ ਹੈ। ਘਰ ਵਿਚ ਵਿਆਹ ਦੀ ਰੌਣਕ ਵਧਾਉਣ ਲਈ ਆਏ ਰਿਸ਼ਤੇਦਾਰ ਹੁਣ ਪ੍ਰਵਾਰ ਨੂੰ ਦਿਲਾਸਾ ਦੇ ਰਹੇ ਹਨ। ਹਰਪ੍ਰੀਤ ਦੀ ਮੰਗਣੀ ਕਰੀਬ ਅੱਠ ਮਹੀਨੇ ਪਹਿਲਾਂ ਸੁਲਤਾਨਵਿੰਡ ਰੋਡ ਸਥਿਤ ਡਰੰਮਾ ਵਾਲਾ ਬਜ਼ਾਰ ਦੀ ਰਹਿਣ ਵਾਲੀ ਕਿਰਨਦੀਪ ਕੌਰ ਨਾਲ ਹੋਈ ਸੀ।14 ਫਰਵਰੀ ਨੂੰ ਲੜਕੀ ਵਾਲਿਆਂ ਨੇ ਮੁੰਡੇ ਨੂੰ ਸ਼ਗਨ ਪਾਉਣ ਆਉਣਾ ਸੀ ਤੇ 15 ਨੂੰ ਬਰਾਤ ਲੜਕੀ ਵਾਲਿਆਂ ਦੇ ਘਰ ਢੁੱਕਣੀ ਸੀ।
ਇਹ ਵੀ ਪੜ੍ਹੋ ਪ੍ਰੇਮੀ ਹੱਥੋਂ ਕ+ਤ+ਲ ਹੋਣ ਵਾਲੀ ‘ਲੜਕੀ’ ਦੇ ਮਾਪਿਆਂ ਨੇ ਲਾਸ਼ ਤੋਂ ਬਾਅਦ ਹੁਣ ‘ਅਸਥੀਆਂ’ ਲੈਣ ਤੋਂ ਵੀ ਕੀਤਾ ਇੰਨਕਾਰ
ਪ੍ਰੰਤੂ 14 ਫ਼ਰਵਰੀ ਨੂੰ ਹੀ ਲੜਕੀ ਵਾਲਿਆਂ ਦੇ ਘਰੋਂ ਉਕਤ ਸੁਨੇਹਾ ਪੁੱਜ ਜਾਂਦਾ ਹੈ ਕਿ ਉਨ੍ਹਾਂ ਦੀ ਧੀ ਕਿਰਨਦੀਪ ਕੌਰ ਘਰੋਂ ਲਾਪਤਾ ਹੋ ਗਈ ਹੈ। ਵਿਆਹ ਵਾਲੇ ਮੁੰਡੇ ਦੇ ਪਰਿਵਾਰ ਨੇ ਦੋਸ਼ ਲਗਾਇਆ ਹੈ ਕਿ ਕੁੜੀ ਦੇ ਪਹਿਲਾਂ ਹੀ ਕਿਸੇ ਲੜਕੇ ਨਾਲ ਪ੍ਰੇਮ ਸੰਬੰਧ ਸਨ ਤੇ ਵਿਆਹ ਤੋਂ ਇਕ ਦਿਨ ਪਹਿਲਾਂ ਵਿਆਹ ਵਾਲੇ ਮੁੰਡੇ ਨੂੰ ਇਕ ਨੌਜਵਾਨ ਦਾ ਫ਼ੋਨ ਵੀ ਆਇਆ ਸੀ, ਜਿਸਨੇ ਆਪਣੀ ਤੇ ਉਸਦੀ ਹੋਣ ਵਾਲੀ ਪਤਨੀ ਦੇ ਵਿਚਕਾਰ ਪ੍ਰੇਮ ਸਬੰਧਾਂ ਦਾ ਜਿਕਰ ਕਰਕੇ ਉਸਨੂੰ ਰਾਸਤੇ ਵਿਚ ਹਟਣ ਲਈ ਕਿਹਾ ਸੀ। ਲੜਕੇ ਦੇ ਪਰਿਵਾਰ ਦਾ ਕਹਿਣਾ ਹੈ ਕਿ ਇਸ ਘਟਨਾ ਕਾਰਨ ਪਿੰਡ ਵਿੱਚ ਉਨ੍ਹਾਂ ਦੀ ਬਦਨਾਮੀ ਹੋਈ ਹੈ ਅਤੇ ਉਨ੍ਹਾਂ ਨੂੰ ਲੱਖਾਂ ਰੁਪਏ ਦਾ ਆਰਥਿਕ ਨੁਕਸਾਨ ਵੀ ਝੱਲਣਾ ਪਿਆ ਹੈ। ਲਾੜੇ ਦੇ ਪ੍ਰਵਾਰ ਨਾਲ ਵਾਪਰੀ ਇਸ ਅਣਹੌਣੀ ਘਟਨਾ ਦੀ ਥਾਣਾ ਘਰਿੰਡਾ ਅਧੀਨ ਅਉਂਦੀ ਪੁਲਿਸ ਚੌਕੀ ਖਾਸਾ ਵੱਲੋਂ ਜਾਂਚ ਕੀਤੀ ਜਾ ਰਹੀ ਹੈ। ਥਾਣੇਦਾਰ ਸਰਬਜੀਤ ਸਿੰਘ ਨੇ ਪੱਤਰਕਾਰਾਂ ਨੂੰ ਦੱਸਿਆ ਕਿ ਲੜਕੇ ਪ੍ਰਵਾਰ ਦੀ ਸ਼ਿਕਾਇਤ ਦੇ ਆਧਾਰ ‘ਤੇ ਹੁਣ ਕੁੜੀ ਵਾਲਿਆਂ ਨੂੰ ਬੁਲਾਇਆ ਗਿਆ ਹੈ, ਬਾਅਦ ਕਾਨੂੰਨ ਅਨੁਸਾਰ ਬਣਦੀ ਕਾਰਵਾਈ ਕੀਤੀ ਜਾਵੇਗੀ।
👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਹੇਠ ਦਿੱਤੇ Link ਉੱਪਰ Click ਕਰੋ।
Whatsapp Channel 👉 🛑https://whatsapp.com/channel/0029VbBYZTe89inflPnxMQ0A
Whatsapp Group👉 🛑https://chat.whatsapp.com/EK1btmLAghfLjBaUyZMcLK
Telegram Channel👉 🛑https://t.me/punjabikhabarsaarwebsite
☎ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 98786-15057 ‘ਤੇ ਸੰਪਰਕ ਕਰੋ।
