Bathinda News: Bathinda MC Elections; ਲੰਘੀ 26 ਮਈ ਨੂੰ ਬਠਿੰਡਾ ਨਗਰ ਨਿਗਮ ਦੇ 49 ਵਾਰਡਾਂ ਲਈ ਹੋਈਆਂ ਚੋਣਾਂ ਦੇ ਨਤੀਜੇ ਅੱਜ ਸਾਹਮਣੇ ਆਉਣਗੇ। ਇੰਨਾਂ ਚੋਣਾਂ ਲਈ ਕੁੱਲ 243 ਉਮੀਦਵਾਰ ਚੋਣ ਮੈਦਾਨ ਵਿੱਚ ਨਿੱਤਰੇ ਹੋਏ ਹਨ। ਅਜ਼ਾਦ ਉਮੀਦਵਾਰਾਂ ਦੀ ਵੀ ਇਸ ਵਾਰ ਬਹੁਤਾਤ ਹੈ। ਇੱਕ ਵਾਰਡ ਨਿਰਵਿਰੋਧ ਜਿੱਤ ਕੇ ਹੌਸਲੇ ਵਿੱਚ ਦਿਖਾਈ ਦੇ ਰਹੀ ‘ਆਪ’ ਮੁੜ ਸ਼ਹਿਰ ਦੀ ‘ਸੱਤਾ’ ਉਪਰ ਸਵਾਰ ਹੋਣ ਦੀ ਆਸਵੰਦ ਹੈ, ਜਦਕਿ ਵਿਰੋਧੀ ਧਿਰਾਂ ਭਾਰਤੀ ਜਨਤਾ ਪਾਰਟੀ, ਕਾਂਗਰਸ ਤੇ ਅਕਾਲੀ ਦਲ ਦੇ ਆਗੂ ਵੀ ਆਪੋ ਆਪਣੀ ਜਿੱਤ ਦੇ ਦਾਅਵੇ ਕਰ ਰਹੇ ਹਨ।
ਇਹ ਵੀ ਪੜ੍ਹੋ ਭਾਜਪਾ ਪੰਜਾਬ ਵਿਚ ਲੀਡਰਸ਼ਿਪ ਨੂੰ ਆਊਟਸੋਰਸ ਕਰ ਰਹੀ ਹੈ: ਵੜਿੰਗ
ਇਸ ਵਾਰ ਬੇਲਟ ਪੇਪਰਾਂ ਰਾਹੀਂ ਵੋਟ ਪੈਣ ਕਾਰਨ ਚੋਣ ਨਤੀਜੇ ਸ਼ਾਮ ਤੱਕ ਹੀ ਸਾਫ਼ ਹੋਣ ਦੀ ਸੰਭਾਵਨਾ ਹੈ। ਉਂਝ ਗਰਮੀ ਹੋਣ ਕਾਰਨ ਇਸ ਵਾਰ ਵੋਟਿੰਗ ਪ੍ਰਤੀਸ਼ਤਤਾ ਕਾਫੀ ਘੱਟ ਰਹੀ ਹੈ। ਸ਼ਹਿਰ ਦੇ ਕੁੱਲ 2,26,701 ਵੋਟਰਾਂ ਵਿੱਚੋਂ ਸਿਰਫ਼ 1,32,517 ਵੋਟਰਾਂ ਨੇ ਆਪਣੀ ਵੋਟ ਦਾ ਇਸਤੇਮਾਲ ਕੀਤਾ ਹੈ। ਚੋਣ ਨਤੀਜੇ ਜੋ ਵੀ ਹੋਣ ਪ੍ਰੰਤੂ ਉਨ੍ਹਾਂ ਦਾ ਅਗਲੇ 6 ਮਹੀਨਿਆਂ ਬਾਅਦ ਹੋਣ ਜਾ ਰਹੀਆਂ ਵਿਧਾਨ ਸਭਾ ਚੋਣਾਂ ਉਪਰ ਪੈਣਾ ਸੁਭਾਵਿਕ ਹੈ। ਜਿਸਦੇ ਚੱਲਦੇ ਵਿਧਾਨ ਸਭਾ ਟਿਕਟ ਦੇ ਦਾਅਵੇਦਾਰ ਅੱਧੀ ਦਰਜ਼ਨ ਸਿਆਸੀ ਆਗੂਆਂ ਦਾ ਭਵਿੱਖ ਦਾਅ ‘ਤੇ ਲੱਗਿਆ ਹੋਇਆ ਹੈ।
ਇਹ ਵੀ ਪੜ੍ਹੋ ਮੁੱਖ ਮੰਤਰੀ ਭਗਵੰਤ ਸਿੰਘ ਮਾਨ ਨੇ ਜਲੰਧਰ ਵਿੱਚ ਖੇਡਾਂ ਨੂੰ ਉਤਸ਼ਾਹਿਤ ਕਰਨ ਲਈ ਦਿੱਤਾ ਵੱਡਾ ਤੋਹਫ਼ਾ
ਆਪ ਵੱਲੋਂ ਪਦਮਜੀਤ ਸਿੰਘ ਮਹਿਤਾ, ਭਾਜਪਾ ਵੱਲੋਂ ਸਰੂਪ ਸਿੰਗਲਾ, ਅਕਾਲੀ ਦਲ ਵੱਲੋਂ ਬਬਲੀ ਢਿੱਲੋ ਸਮੇਤ ਕਾਂਗਰਸ ਦੇ ਰਾਜਨ ਗਰਗ ਆਦਿ ਵੱਲੋਂ ਇੰਨਾਂ ਚੋਣਾਂ ਨੂੰ ਵਿਧਾਨ ਸਭਾ ਨੂੰ ਮੁੱਖ ਰੱਖ ਕੇ ਹੀ ਲੜਿਆ ਗਿਆ। ਬਹਰਹਾਲ ਸ਼ਹਿਰ ਦਾ ਵੋਟਰ ਕਿਸੇ ਸਿਆਸੀ ਆਗੂ ਜਾਂ ਧਿਰ ਨੂੰ ਆਪਣਾ ਸਮਰਥਨ ਦਿੰਦਾ, ਇਸਦੇ ਲਈ ਕੁਝ ਹੀ ਘੰਟਿਆਂ ਦਾ ਇੰਤਜ਼ਾਰ ਬਾਕੀ ਹੈ।
