👉ਪਿਛਲੇ 24 ਘੰਟਿਆਂ ‘ਚ ਹੀ ਲੁੱਟਖੋਹ ਦੀਆਂ ਚਾਰ ਵਾਰਦਾਤਾਂ ਨੂੰ ਦਿੱਤਾ ਸੀ ਅੰਜਾਮ
👉ਗਰੀਬ ਸਬਜੀ ਵੇਚਣ ਵਾਲੇ ਦੀ ਲੁੱਟਖੋਹ ਦੌਰਾਨ ਆਪਣੇ ਹੀ ਸਾਥੀ ਦੇ ਵੱਜੀ ਸੀ ਗੋਲੀ
Bathinda News:ਬਠਿੰਡਾ ਪੁਲਿਸ ਨੇ ਪਿਛਲੇ ਕਈ ਮਹੀਨਿਆਂ ਤੋਂ ਬਠਿੰਡਾ ਅਤੇ ਆਸਪਾਸ ਦੇ ਇਲਾਕਿਆਂ ਵਿਚ ਚਿੱਟੀ ਪਜੈਰੋ ਗੱਡੀ ‘ਤੇ ਸਵਾਰ ਹੋ ਕੇ ਲੁੱਟਖੋਹ ਦੀਆਂ ਘਟਨਾਵਾਂ ਨੂੰ ਅੰਜਾਮ ਦੇਣ ਵਾਲੇ ਗਿਰੋਹ ਨੂੰ ਕਾਬੂ ਕਰ ਲਿਆ ਹੈ। ਇਸ ਗਿਰੋਹ ਦਾ ਮੁਖੀਆ ਬਠਿੰਡਾ ਦੀ ਗਾਂਧੀ ਮਾਰਕੀਟ ਵਿਚ ਸਥਿਤ ਇੱਕ ਨਾਮੀ ਮੈਡੀਕਲ ਸਟੋਰ ਦਾ ਮਾਲਕ ਦਸਿਆ ਜਾ ਰਿਹਾ, ਜੋਕਿ ਐਸ਼ਪ੍ਰਸਤੀ ਦੇ ਲਈ ਹੀ ਲੁੱਟਖੋਹ ਕਰਦਾ ਸੀ। ਐਤਵਾਰ ਨੂੰ ਇੱਕ ਪ੍ਰੈਸ ਕਾਨਫਰੰਸ ਰਾਹੀਂ ਮਾਮਲੇ ਦੀ ਜਾਣਕਾਰੀ ਦਿੰਦਿਆਂ ਡੀਐਸਪੀ ਸਿਟੀ ਸੰਦੀਪ ਸਿੰਘ ਭਾਟੀ ਅਤੇ ਐਸਐਚਓ ਕੈਨਾਲ ਕਲੌਨੀ ਸਬ ਇੰਸਪੈਕਟਰ ਹਰਜੀਵਨ ਸਿੰਘ ਨੇ ਪੱਤਰਕਾਰਾਂ ਨੁੰ ਦਸਿਆ ਕਿ ਬੀਤੇ ਕੱਲ ਮਿਤੀ 30-08-2025 ਨੂੰ ਵਕਤ ਕਰੀਬ ਸੁਭਾ 03:00 ਵਜੇ ਲਾਲ ਸਿੰਘ ਪੁੱਤਰ ਰੇਸ਼ਮ ਸਿੰਘ ਵਾਸੀ ਪਿੰਡ ਨਰੂਆਣਾ ਆਪਣੇ ਮੋਟਰ ਸਾਇਕਲ ਤੇ (ਕੱਦੂ) ਸਬਜੀ ਵੇਚਣ ਸਬਜੀ ਮੰਡੀ ਬਠਿੰਡਾ ਵਿਖੇ ਜਾ ਰਿਹਾ ਸੀ।
ਇਹ ਵੀ ਪੜ੍ਹੋ ਹੜ੍ਹਾਂ ਦਾ ਕਹਿਰ; ਮੁੱਖ ਮੰਤਰੀ ਭਗਵੰਤ ਮਾਨ ਨੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੂੰ ਲਿਖਿਆ ਪੱਤਰ, ਮੰਗੇ 60 ਹਜ਼ਾਰ ਕਰੋੜ
ਇਸ ਦੌਰਾਨ ਜਦ ਉਹ ਬਾਦਲ ਪੁਲ ਉੱਪਰ ਚੜਣ ਲੱਗਾ ਤਾਂ ਇਕ ਪਜੈਰੋ ਗੱਡੀ ‘ਚ ਸਵਾਰ ਚਾਰ ਨੌਜਵਾਨਾਂ ਨੇ ਉਸਨੂੰ ਘੇਰ ਲਿਆ ਅਤੇ ਉਸਦੇ ਕੋਲੋਂ ਜਬਰੀ ਮੋਬਾਇਲ ਤੇ ਪੈਸੇ ਖੋਹਣ ਲੱਗੇ। ਪ੍ਰੰਤੂ ਇਸ ਮੌਕੇ ਉਪਰ ਹੀ ਪੀੜਤ ਲਾਲ ਸਿੰਘ ਨੇ ਇੱਕ ਲੁਟੇਰੇ ਕਾਰਤਿਕ ਸਿੰਗਲਾ, ਜੋਕਿ ਗਾਂਧੀ ਮਾਰਕੀਟ ਬਠਿੰਡਾ ਵਿਖੇ ਸਿੰਗਲਾ ਮੈਡੀਕਲ ਦੇ ਨਾਂ ‘ਤੇ ਮੈਡੀਕਲ ਸਟੋਰ ਚਲਾਉਂਦਾ ਹੈ, ਨੂੰ ਪਛਾਣ ਲਿਆ। ਜਿਸਤੋਂ ਬਾਅਦ ਉਹ ਘਬਰਾ ਗਏ ਤੇ ਆਪਣੇ ਕੋਲ ਮੌਜੂਦ ਦੇਸੀ ਪਿਸਤੌਲ ਦੇ ਨਾਲ ਲਾਲ ਸਿੰਘ ‘ਤੇ ਫ਼ਾਈਰ ਕਰਨ ਲੱਗੇ ਪ੍ਰੰਤੂ ਘਬਰਾਹਟ ਵਿਚ ਉਨ੍ਹਾਂ ਦਾ ਫ਼ਾਈਰ ਆਪਣੇ ਹੀ ਇੱਕ ਸਾਥੀ ਦੇ ਲੱਗ ਗਿਆ, ਜਿਸਦੀ ਪਹਿਚਾਣ ਦਿਨੇਸ਼ ਕੁਮਾਰ ਵਜੋਂ ਹੋਈ। ਮੁਲਜਮਾਂ ਨੇ ਤੁਰੰਤ ਉਸਨੂੰ ਗੱਡੀ ਵਿਚ ਸੁੱਟ ਕੇ ਭੱਜ ਗਏ। ਪੁਲਿਸ ਅਧਿਕਾਰੀਆਂ ਮੁਤਾਬਕ ਪਹਿਲਾਂ ਦਿਨੇਸ਼ ਨੂੰ ਇਲਾਜ ਲਈ ਸਿਵਲ ਹਸਪਤਾਲ ਲਿਜਾਇਆ ਗਿਆ, ਜਿਸਤੋਂ ਬਾਅਦ ਕੋਸਮੋ ਹਸਪਤਾਲ ਵਿਚ ਇਲਾਜ਼ ਸ਼ੁਰੂ ਕਰਵਾਇਆ।ਪੁਲਿਸ ਕੋਲ ਜਦ ਸੂਚਨਾ ਪੁੱਜੀ ਤਾਂ ਤੁਰੰਤ ਕਾਰਵਾਈ ਕਰਦਿਆਂ ਮੁਲਜਮਾਂ ਨੂੰ ਥੋੜੇ ਸਮੇ ਵਿਚ ਹੀ ਗ੍ਰਿਫਤਾਰ ਕਰ ਲਿਆ, ਜਿੰਨ੍ਹਾਂ ਦੀ ਪਹਿਚਾਣ ਕਾਰਤਿਕ ਸਿੰਗਲਾ, ਦਿਨੇਸ਼ ਕੁਮਾਰ, ਮੋਹਿਤ ਕੁਮਾਰ ਤੇ ਮਾਨਵ ਮੈਡੀ ਵਾਸੀ ਬਠਿੰਡਾ ਵਜੋਂ ਹੋਈ।
ਇਹ ਵੀ ਪੜ੍ਹੋ Punjab ਦੇ ਸਕੂਲਾਂ ਵਿਚ ਮੁੜ ਹੋਈਆਂ ਛੁੱਟੀਆਂ, ਹੁਣ ਇਸ ਤਰੀਕ ਨੂੰ ਖੁੱਲਣਗੇ ਸਕੂਲ
ਪੁਲਿਸ ਅਧਿਕਾਰੀਆਂ ਮੁਤਾਬਕ ਦਿਨੇਸ਼ ਮੁੱਖ ਮੁਲਜਮ ਕਾਰਤਿਕ ਕੋਲ ਮੈਡੀਕਲ ਸਟੋਰ ‘ਤੇ ਕੰਮ ਕਰਦਾ ਜਦਕਿ ਮੋਹਿਤ ਇੱਕ ਪ੍ਰਾਈਵੇਟ ਲੈਬ ਵਿਚ ਨੌਕਰੀ ਕਰਦਾ। ਇਸੇ ਤਰ੍ਹਾਂ ਮਾਨਵ ਮੈਡੀ ਪਲੰਬਰ ਦਾ ਕੰਮ ਕਰਦਾ ਹੈ। ਪੁਲਿਸ ਅਧਿਕਾਰੀਆਂ ਨੇ ਇਹ ਵੀ ਦਸਿਆ ਕਿ ਬੀਤੀ ਰਾਤ ਹੀ ਮੁਲਜਮਾਂ ਨੇ ਬਠਿੰਡਾ ਵਿਚ ਤਿੰਨ ਲੁੱਟ ਖੋਹ ਦੀਆਂ ਘਟਨਾਵਾਂ ਨੂੰ ਅੰਜਾਮ ਦਿੱਤਾ, ਜਿਸ ਵਿਚ ਲਾਲ ਸਿੰਘ ਤੋਂ ਇਲਾਵਾ ਆਪਣੀ ਲੜਕੀ ਨਾਲ ਐਕਟਿਵਾ ‘ਤੇ ਜਾ ਰਹੇ ਸੁਖਰਾਮ ਸਿੰਘ ਵਾਸੀ ਨਰੂਆਣਾ ਨੂੰ ਵੀ ਧੀ ਸਮੇਤ ਲੁੱਟਿਆ ਗਿਆ। ਇਸਤੋਂ ਇਲਾਵਾ ਥਾਣਾ ਨਥਾਣਾ ਵਿਚ ਵੀ ਇੱਕ ਵਾਰਦਾਤ ਨੂੰ ਅੰਜਾਮ ਦਿੱਤਾ। ਥਾਣਾ ਮੁਖੀ ਨੇ ਦਸਿਆ ਕਿ ਮੁਲਜਮਾਂ ਨੇ ਪਿਛਲੇ ਕੁੱਝ ਮਹੀਨਿਆਂ ਦੌਰਾਨ ਹੀ ਦਰਜ਼ਨਾਂ ਘਟਨਾਵਾਂ ਨੂੰ ਅੰਜਾਮ ਦਿੱਤਾ ਤੇ ਮੁਢਲੀ ਪੁਛਗਿਛ ਦੌਰਾਨ ਮੁਲਜਮ ਇਹ ਵਾਰਦਾਤਾਂ ਐਸ਼ਪ੍ਰਸਤੀ ਲਈ ਕਰਦੇ ਸਨ। ਪੁਲਿਸ ਨੇ ਪਜੈਰੋ ਗੱਡੀ (ਨੰਬਰ PB 02-CP-6007) ਨੂੰ ਵੀ ਬਰਾਮਦ ਕਰ ਲਿਆ ਹੈ। ਪੁਲਿਸ ਨੇ ਇੰਨ੍ਹਾਂ ਕੋਲੋਂ 3 ਮੋਬਾਇਲ ਫੋਨ, ਵਾਰਦਾਤ ਕਰਨ ਸਮੇਂ ਵਰਤੇ ਹਥਿਆਰ 01 ਦੇਸੀ ਕੱਟਾ 12 ਬੋਰ, 2 ਕਾਪੇ, 1 ਕਿਰਪਾਨ, 1 ਤਲਵਾਰ ਅਤੇ 5 ਹੋਰ ਮੋਬਾਇਲ ਫੋਨ ਬਰਾਮਦ ਕੀਤੇ ਹਨ।
👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਸਾਡੇ whatsapp & telegram group ਨਾਲ ਜੁੜੋਂ।
🛑https://chat.whatsapp.com/EK1btmLAghfLjBaUyZMcLK
🛑https://t.me/punjabikhabarsaarwebsite
☎ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 94642-76483 ‘ਤੇ ਸੰਪਰਕ ਕਰੋ।
