ਪੰਜਾਬੀ ਖ਼ਬਰਸਾਰ ਬਿਉਰੋ
ਬਠਿੰਡਾ, 19 ਸਤੰਬਰ : ਸੂਬਾ ਸਰਕਾਰ ਵਲੋਂ ਕਰਵਾਈਆਂ ਜਾ ਰਹੀਆਂ “ਖੇਡਾਂ ਵਤਨ ਪੰਜਾਬ ਦੀਆਂ” ਨੌਜਵਾਨ ਖਿਡਾਰੀਆਂ ਤੇ ਖਿਡਾਰਨਾਂ ਲਈ ਬਹੁਤ ਹੀ ਸਹਾਈ ਸਿੱਧ ਹੋ ਰਹੀਆਂ ਹਨ। ਇਹ ਜਾਣਕਾਰੀ ਡਿਪਟੀ ਕਮਿਸ਼ਨਰ ਸ਼੍ਰੀ ਸ਼ੌਕਤ ਅਹਿਮਦ ਪਰੇ ਨੇ ਸਾਂਝੀ ਕੀਤੀ। ਚੱਲ ਰਹੀਆਂ ਇਨ੍ਹਾਂ ਖੇਡਾਂ ਦੇ ਨਤੀਜਿਆਂ ਬਾਰੇ ਜਾਣਕਾਰੀ ਦਿੰਦਿਆਂ ਜ਼ਿਲ੍ਹਾ ਖੇਡ ਅਫ਼ਸਰ ਸ. ਰੁਪਿੰਦਰ ਸਿੰਘ ਨੇ ਦੱਸਿਆ ਕਿ ਵੇਟ ਲਿਫਟਿੰਗ ਮੁਕਾਬਲੇ 37 ਕਿਲੋ ਵਿੱਚ ਗੌਰਵ ਪਹਿਲੇ ਅਤੇ ਰਿਤੀਕ ਕੁਮਾਰ ਦੂਸਰੇ ਸਥਾਨ ਤੇ ਰਹੇ। ਇਸੇ ਤਰ੍ਹਾਂ 43 ਕਿਲੋ ਵਿੱਚ ਗੌਰਵ ਪਹਿਲੇ ਅਤੇ ਗੁਰਪ੍ਰੀਤ ਸਿੰਘ ਦੂਸਰੇ ਸਥਾਨ ਤੇ ਰਿਹਾ। ਉਨ੍ਹਾਂ ਅੱਗੇ ਦੱਸਿਆ ਕਿ 49 ਕਿਲੋ ਵਿੱਚ ਰਾਜ ਪਹਿਲੇ, ਹਰਪ੍ਰੀਤ ਸਿੰਘ ਦੂਜੇ ਅਤੇ ਹਰਸ਼ ਕਾਟੀਆ ਤੀਸਰੇ ਸਥਾਨ ਤੇ ਰਹੇ। ਇਸੇ ਤਰ੍ਹਾਂ 55 ਕਿਲੋ ਵਰਗ ਵਿੱਚ ਧਰੁਵ ਕਾਟੀਆਂ ਪਹਿਲੇ, ਅਮਨਿੰਦਰ ਸਿੰਘ ਦੂਜੇ ਅਤੇ ਸਚਿਨ ਤੀਸਰੇ ਸਥਾਨ ਤੇ ਰਿਹਾ। 61 ਕਿਲੋ ਵਰਗ ਵਿੱਚ ਰਾਜਦਵਿੰਦਰ ਸਿੰਘ ਨੇ ਪਹਿਲਾ, ਦੀਪਕ ਕੁਮਾਰ ਨੇ ਦੂਸਰਾ ਅਤੇ ਹਰਸ਼ਦੀਪ ਸਿੰਘ ਨੇ ਤੀਜਾ ਸਥਾਨ ਪ੍ਰਾਪਤ ਕੀਤਾ। 67 ਕਿਲੋ ਵਰਗ ਵਿੱਚ ਹਰਸ਼ਦੀਪ ਸਿੰਘ ਨੇ ਪਹਿਲਾ ਤੇ ਲਖਵਿੰਦਰ ਸਿੰਘ ਨੇ ਦੂਜਾ ਸਥਾਨ ਪ੍ਰਾਪਤ ਕੀਤਾ। ਫੁੱਟਬਾਲ 21-40 ਉਮਰ ਵਰਗ ਦੇ ਮੈਚਾਂ ਵਿੱਚ ਅੱਜ ਸਿਵਲ ਬਠਿੰਡਾ ਨੇ ਤਲਵੰਡੀ ਨੂੰ 4-0 ਨਾਲ, ਭੁੱਚੋ ਨੇ ਬਠਿੰਡਾ ਨੂੰ 1-0 ਨਾਲ ਤੇ ਗੋਨਿਆਣਾ ਨੂੰ ਮੌੜ ਮੰਡੀ ਨੇ 1-0 ਨਾਲ ਹਰਾਇਆ। ਜ਼ਿਲ੍ਹਾ ਖੇਡ ਅਫ਼ਸਰ ਨੇ ਅੱਗੇ ਦੱਸਿਆ ਕਿ ਹੈਂਡਬਾਲ ਅੰਡਰ-14 ਲੜਕਿਆਂ ਦੇ ਮਕਾਬਲੇ ਵਿੱਚ ਸੈਂਟ ਜੌਸਫ਼ ਨੂੰ ਫਾਈਨਲ ਵਿੱਚ ਹਰਾ ਕੇ ਸੈਂਟ ਜੇਵੀਅਰ ਬਠਿੰਡਾ ਨੇ ਪਹਿਲਾ ਸਥਾਨ ਹਾਸਿਲ ਕੀਤਾ, ਜਦੋਂ ਕਿ ਗਲੋਬਲ ਡਿਸਕਵਰੀ ਸਕੂਲ ਰਾਮਾਂ ਨੇ ਤੀਜਾ ਸਥਾਨ ਹਾਸਿਲ ਕੀਤਾ। ਅੰਡਰ-17 ਮੁਕਾਬਲੇ ਵਿੱਚ ਸੈਂਟ ਜੇਵੀਅਰ ਸਕੂਲ ਪਹਿਲੇ ਅਤੇ ਅੋਕਸਫੋਰਡ ਭਗਤਾ ਦੂਜੇ ਅਤੇ ਜੈ ਸਿੰਘ ਵਾਲਾ ਤੀਸਰੇ ਸਥਾਨ ਤੇ ਰਿਹਾ। ਅੰਡਰ-21 ਮੁਕਾਬਲੇ ਵਿੱਚ ਝੂੰਬਾ ਪਹਿਲੇ, ਬਹਿਮਣ ਦੀਵਾਨਾ ਦੂਜੇ ਅਤੇ ਗੁਰੂ ਨਾਨਕ ਪਬਲਿਕ ਸਕੂਲ ਬਠਿੰਡਾ ਤੀਜੇ ਸਥਾਨ ਤੇ ਰਹੇ। 21-40 ਮੁਕਾਬਲੇ ਵਿੱਚ ਪਿੰਡ ਬੀੜ ਬਹਿਮਣ ਪਹਿਲੇ, ਝੁੰਬਾ ਦੂਜੇ ਅਤੇ ਬਹਿਮਣ ਦੀਵਾਨਾਂ ਤੀਸਰੇ ਸਥਾਨ ਤੇ ਰਹੇ।

ਜਥੇਦਾਰ ਨੰਦਗੜ੍ਹ ਸਹਿਤ ਸਿੱਖ ਆਗੂਆਂ ਤੇ ਸੰਸਥਾਵਾਂ ਵਲੋਂ ਦੁੱਖ ਦਾ ਇਜ਼ਹਾਰ
ਪੰਜਾਬੀ ਖ਼ਬਰਸਾਰ ਬਿਉਰੋ
ਬਠਿੰਡਾ, 19 ਸਤੰਬਰ: ਸਿੱਖ ਪੰਥ ਦੀ ਵੱਖਰੀ ਹਸਤੀ ਦੇ ਪ੍ਰਤੀਕ ਨਾਨਕਸਾਹੀ ਕੈਲੰਡਰ ਦੇ ਰਚੇਤਾ ਸਰਦਾਰ ਪਾਲ ਸਿੰਘ ਪੁਰੇਵਾਲ ਦਾ ਅਕਾਲ ਚਲਾਣਾ ਹੋ ਗਿਆ ਹੈ। ਉਨ੍ਹਾਂ ਦੇ ਵਿਛੋੜੇ ’ਤੇ ਸਿੱਖ ਆਗੂਆਂ ਤੇ ਸੰਸਥਾਵਾਂ ਵਲੋਂ ਦੁੱਖ ਦਾ ਇਜ਼ਹਾਰ ਕੀਤਾ ਗਿਆ ਹੈ। ਤਖਤ ਸ੍ਰੀ ਦਮਦਮਾ ਸਾਹਿਬ ਦੇ ਸਾਬਕਾ ਜਥੇਦਾਰ ਗਿਆਨੀ ਬਲਵੰਤ ਸਿੰਘ ਨੰਦਗੜ੍ਹ ਨੇ ਕਿਹਾ ਕਿ ਨਾਨਕਸਾਹੀ ਕੈਲੰਡਰ ਤੋਂ ਬਿਨਾਂ ਪੁਰੇਵਾਲ ਨੇ ਮੁਸਲਿਮ ਭਾਈਚਾਰੇ ਅਤੇ ਈਸਾਈ ਭਾਈਚਾਰੇ ਦੇ ਕੈਲੰਡਰ ਬਣਾਏ ਜਿਨ੍ਹਾਂ ਨੂੰ ਦੋਵੇਂ ਕੌਮਾਂ ਵੱਲੋਂ ਪ੍ਰਵਾਨਿਤ ਕੀਤਾ ਗਿਆ ਇਸੇ ਤਰ੍ਹਾਂ ਬੜੀ ਲੰਬੀ ਪ੍ਰਕਿਰਿਆ ਅਤੇ ਸਖਤ ਮਿਹਨਤ ਤੋਂ ਬਾਅਦ ਸਿੱਖ ਭਾਈਚਾਰੇ ਲਈ ਨਾਨਕਸਾਹੀ ਕੈਲੰਡਰ ਤਿਆਰ ਕੀਤਾ ਗਿਆ। ਜਿਸਨੂੰ ਸ੍ਰੀ ਅਕਾਲ ਤਖਤ ਸਾਹਿਬ ਅਤੇ ਸ੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੀ ਅਗਵਾਈ ਹੇਠ ਪੂਰੀ ਕੌਮ ਦੀ ਸਹਿਮਤੀ ਨਾਲ ਸਾਲ 2003ਵਿੱਚ ਤਖਤ ਸ੍ਰੀ ਦਮਦਮਾ ਸਾਹਿਬ ਤੋਂ ਜਾਰੀ ਕੀਤਾ ਗਿਆ । ਲੱਗਭੱਗ ਸੱਤ ਸਾਲਾਂ ਬਾਅਦ ਸੋਧਾਂ ਦੇ ਨਾਮ ਹੇਠ ਇਸਦੇ ਮੂਲ ਸਰੂਪ ਵਿੱਚ ਬਿਕ੍ਰਮੀ ਕੈਲੰਡਰ ਨੂੰ ਰਲਗੱਡ ਕਰਕੇ ਕੌਮ ਅੰਦਰ ਦੁਬਿਧਾ ਪੈਦਾ ਕਰ ਦਿੱਤੀ ਹੈ ਅਜੇ ਤੱਕ ਬਰਕਰਾਰ ਹੈ।ਉਨਾਂ ਕਿਹਾ ਕਿ ਪੁਰੇਵਾਲ ਨੇ ਦੁਬਿਧਾ ਦੂਰ ਕਰਨ ਨਾਨਕਸਾਹੀ ਕੈਲੰਡਰ ਦੀਆਂ ਵਿਰੋਧੀ ਸਕਤੀਆਂ ਨੂੰ ਹਮੇਸਾ ਸੰਵਾਦ ਅਤੇ ਚਰਚਾ ਕਰਨ ਦੀ ਪਹਿਲ ਕਦਮੀ ਕੀਤੀ ਗਈ।ਲੇਕਿਨ ਪੰਥ ਵਿਰੋਧੀ ਤਾਕਤਾਂ ਨੇ ਇਸ ਮਹੱਤਵਪੂਰਨ ਅਤੇ ਕੌਮੀ ਦਸਤਾਵੇਜ ਦਾ ਗਲਾ ਘੁੱਟ ਦਿੱਤਾ। ਇਸ ਮੌਕੇ ਜਥੇਦਾਰ ਨੰਦਗੜ੍ਹ ਤੋਂ ਇਲਾਵਾ ਚਲਾਣੇ ਤੇ ਦੁੱਖ ਦਾ ਪ੍ਰਗਟਾਵਾ ਕਰਨ ਵਾਲੀਆਂ ਸਖਸੀਅਤਾਂ ਵਿੱਚ ਦਸਤਾਰ ਫੈਡਰੇਸਨ ਦੇ ਕੌਮੀ ਪ੍ਰਧਾਨ ਭਾਈ ਪਰਗਟ ਸਿੰਘ ਨੰਦਗੜ੍ਹ, ਜ?ਿਲ੍ਹਾ ਇੰਚਾਰਜ ਦਿਹਾਤੀ ਬਠਿੰਡਾ ਭਾਈ ਦਲਜੀਤ ਸਿੰਘ ਸਿਧਾਣਾ,ਬਾਬਾ ਬਲਦੇਵ ਸਿੰਘ ਜੀ ਜਲਾਲ ਵਾਲੇ ਗੁਰਦੁਆਰਾ ਆਰਾਮਸਰ ਸਾਹਿਬ,ਮਹੰਤ ਜਗਰੂਪ ਸਿੰਘ ਨਿਰਮਲ ਸੰਪ੍ਰਦਾਇ,ਏਕਨੂਰ ਖਾਲਸਾ ਫੌਜ ਦੇ ਜ?ਿਲਾ ਜਥੇਦਾਰ ਸੁਖਪਾਲ ਸਿੰਘ ਗੋਨਿਆਣਾ,ਮਾਲਵਾ ਢਾਡੀ ਕਵੀਸਰੀ ਸਭਾ ਵੱਲੋਂ ਭਾਈ ਬਲਵਿੰਦਰ ਸਿੰਘ ਭਗਤਾ,ਪੱਤਰਕਾਰ ਲੇਖਕ ਬਲਤੇਜ ਸਿੰਘ ਬੁਰਜ ਲੱਧਾ, ਭਾਈ ਬਲਵਿੰਦਰ ਸਿੰਘ ਖਾਲਸਾ,ਮਾਤਾ ਸਾਹਿਬ ਕੌਰ ਗੱਤਕਾ ਅਕੈਡਮੀ ਜੀਂਦਾ ਦੇ ਸੰਚਾਲਕ ਭਾਈ ਗੁਰਤੇਜ ਸਿੰਘ ਫੌਜੀ, ਭਾਈ ਹਰਪਾਲ ਸਿੰਘ ਗੋਨਿਆਣਾ, ਭਾਈ ਦਰਸਨ ਸਿੰਘ ਜੰਡਾਂਵਾਲਾ, ਭਾਈ ਮਨਜੀਤ ਸਿੰਘ ਢੇਲਵਾਂ ਆਦਿ ਆਗੂ ਹਾਜਰ ਸਨ।,

ਭੋਲਾ ਸਿੰਘ ਮਾਨ
ਮੌੜ ਮੰਡੀ, 19 ਸਤੰਬਰ : ਕਿਸਾਨਾਂ ਵਿਰੁਧ ਦਰਜ਼ ਮਾਈਨਿੰਗ ਦੇ ਪਰਚਿਆਂ ਨੂੰ ਰੱਦ ਕਰਵਾਉਣ ਅਤੇ ਕਿਸਾਨਾਂ ਨੂੰ ਆਪਣੇ ਖੇਤਾਂ ਚ ਮਿੱਟੀ ਚੁੱਕ ਕੇ ਜ਼ਮੀਨ ਪੱਧਰਾ ਕਰ ਲਈ ਮਾਈਨਿੰਗ ਐਕਟ ਚੋਂ ਬਾਹਰ ਕਰਨ ਦੀ ਮੰਗ ਨੂੰ ਲੈ ਕੇ ਸੋਮਵਾਰ ਤੋਂ ਭਾਰਤੀ ਕਿਸਾਨ ਯੂਨੀਅਨ ਏਕਤਾ ਉਗਰਾਹਾਂ ਵੱਲੋਂ ਮੌੜ ਥਾਣੇ ਦਾ ਅਣਮਿਥੇ ਸਮੇਂ ਲਈ ਘਿਰਾਓ ਸ਼ੁਰੂ ਕਰ ਦਿੱਤਾ। ਇਸ ਦੌਰਾਨ ਪ੍ਰਸ਼ਾਸਨਿਕ ਅਧਿਕਾਰੀਆਂ ਵਲੋਂ ਕਿਸਾਨ ਆਗੂਆਂ ਨੂੰ ਧਰਨਾ ਚੁੱਕਣ ਲਈ ਸਹਿਮਤੀ ਬਣਾਉਣ ਦੀ ਵੀ ਕੋਸ਼ਿਸ਼ ਕੀਤੀ ਪ੍ਰੰਤੂ ਖ਼ਬਰ ਲਿਖੇ ਜਾਣ ਤੱਕ ਧਰਨਾ ਜਾਰੀ ਸੀ। ਇਸ ਮੌਕੇ ਸੂਬਾ ਪ੍ਰਧਾਨ ਜੋਗਿੰਦਰ ਸਿੰਘ ਉਗਰਾਹਾਂ ਅਤੇ ਸੀਨੀਅਰ ਮੀਤ ਪ੍ਰਧਾਨ ਝੰਡਾ ਸਿੰਘ ਜੇਠੂਕੇ ਨੇ ਕਿਹਾ ਕਿ ਪੰਜਾਬ ਦੇ ਲੋਕਾਂ ਨੇ ਪਹਿਲਾਂ ਤੋਂ ਲਗਾਤਾਰ ਰਾਜ ਕਰ ਰਹੀਆਂ ਵੋਟ ਪਾਰਟੀਆਂ ਨੂੰ ਹਰਾ ਕੇ ਲਿਆਂਦੀ ਨਵੀਂ ਸਰਕਾਰ ਤੋਂ ਉਮੀਦ ਸੀ ਕਿ ਇਹ ਲੋਕਾਂ ਦੀਆਂ ਆਸ਼ਾਂ ਤੇ ਪੂਰਾ ਉਤਰੇਗੀ । ਉਨ੍ਹਾਂ ਕਿਹਾ ਕਿ ਦੇਸ਼ ਦੇ ਕੁਦਰਤੀ ਖ਼ਜ਼ਾਨਿਆਂ ਤੇ ਸਰਮਾਏਦਾਰ ਕੰਪਨੀਆਂ ਦਾ ਕਬਜਾ ਕਰਵਾ ਕੇ ਦੇਸ਼ ਦੀਆਂ ਵੱਖ ਵੱਖ ਸਰਕਾਰਾਂ ਵਾਂਗ ਹੁਣ ਪੰਜਾਬ ਦੇ ਆਮ ਆਦਮੀ ਪਾਰਟੀ ਦੀ ਸਰਕਾਰ ਵੀ ਮਿੱਟੀ ਤੇ ਪਾਣੀ ਤੇ ਸਰਮਾਏਦਾਰ ਕੰਪਨੀਆਂ ਦਾ ਕਬਜਾ ਕਰਵਾ ਰਹੀ ਹੈ ਜਿਸ ਨੂੰ ਲਾਗੂ ਕਰਨ ਲਈ ਮਾਈਨਿੰਗ ਐਕਟ ਵਿੱਚ ਸੋਧਾਂ ਕਰਕੇ ਕਿਸਾਨਾਂ ਨੂੰ ਆਪਣੇ ਉੱਚੇ ਖੇਤ ਚੋਂ ਮਿੱਟੀ ਚੁੱਕ ਕੇ ਪੱਧਰ ਕਰਨ ਲਈ ਇੱਕ ਇੰਚ ਵੀ ਮਿੱਟੀ ਚੁੱਕਣ ਲਈ ਨਾਜਾਇਜ ਕਰਾਰ ਦੇ ਦਿੱਤਾ ਹੈ । ਜ਼ਿਲ੍ਹਾ ਪ੍ਰਧਾਨ ਸ਼ਿੰਗਾਰਾ ਸਿੰਘ ਮਾਨ ਅਤੇ ਔਰਤ ਜਥੇਬੰਦੀ ਦੇ ਆਗੂ ਪਰਮਜੀਤ ਕੌਰ ਪਿੱਥੋ ਤੇ ਹਰਪ੍ਰੀਤ ਕੌਰ ਜੇਠੂਕੇ ਨੇ ਕਿਹਾ ਕਿ ਖੇਤ ਚੋਂ ਮਿੱਟੀ ਚੁੱਕ ਕੇ ਘਰਾਂ ਚ ਭਰਤ ਪਾਉਣ ਜਾਂ ਹੋਰ ਮਕਸਦ ਲਈ ਸਰਕਾਰ ਨੂੰ ਟੈਕਸ ਦੇਣਾ ਪਵੇਗਾ ਜਿਸ ਤਹਿਤ ਰੇਤੇ ਦੇ ਰੇਟ ਹੋਰ ਮਹਿੰਗੇ ਹੋ ਜਾਣਗੇ । ਉਨ੍ਹਾਂ ਕਿਹਾ ਕਿ ਇਹ ਇਸ ਕਾਨੂੰਨ ਨਾਲ ਘਰਾਂ ਦੀਆਂ ਛੱਤਾਂ ਅਤੇ ਚੁੱਲ੍ਹਿਆਂ ਚੌਂਂਕਿਆਂ ਲਈ ਵਰਤਣ ਵਾਲੀ ਮਿੱਟੀ ਵੀ ਬਹੁਤ ਮਹਿੰਗੀ ਹੋ ਜਾਣੀ ਹੈ ਜਿਸ ਨੂੰ ਅਸੀਂ ਆਸਾਨੀ ਨਾਲ ਖੇਤਾਂ ਚੋਂ ਆਪਣੇ ਗੱਡਿਆਂ ਰਾਹੀਂ ਮੁਫ਼ਤ ਲੈ ਆਉੱੰਦੇ ਸੀ । ਪੰਜਾਬ ਖੇਤ ਮਜ਼ਦੂਰ ਯੂਨੀਅਨ ਦੇ ਸੂਬਾ ਪ੍ਰਧਾਨ ਜੋਰਾ ਸਿੰਘ ਨਸਰਾਲੀ ਨੇ ਸੰਘਰਸ਼ ਦੀ ਹਮਾਇਤ ਵਿਚ ਐਲਾਨ ਕਰਦਿਆਂ ਕਿਹਾ ਕਿ ਇਸ ਕਾਨੂੰਨ ਨਾਲ ਮਜ਼ਦੂਰਾਂ ਨੂੰ ਘਰ ਬਣਾਉਣ ਤੇ ਹੋਰ ਮਿੱਟੀ ਦੀ ਜ਼ਰੂਰਤ ਲਈ ਹੋਰ ਆਰਥਿਕ ਨੁਕਸਾਨ ਝੱਲਣਾ ਪਵੇ ਜੋ ਕਿ ਪਹਿਲਾਂ ਤੰਗੀਆਂ ਤਰੁਸੀਆਂ ਦੀ ਜ਼ਿੰਦਗੀ ਜਿਉਂ ਰਹੇ ਹਨ । ਆਗੂਆਂ ਨੇ ਕਿਹਾ ਕਿ ਪਰਚੇ ਰੱਦ ਕਰਾਉਣ ਤੱਕ ਥਾਣੇ ਦਾ ਘਿਰਾਓ ਜਾਰੀ ਰਹੇਗਾ । ਅੱਜ ਦੇ ਧਰਨੇ ਨੂੰ ਹਰਜਿੰਦਰ ਸਿੰਘ ਬੱਗੀ ,ਜਗਦੇਵ ਸਿੰਘ ਜੋਗੇਵਾਲਾ, ਜਗਸੀਰ ਸਿੰਘ ਝੁੰਬਾ, ਰਾਜਵਿੰਦਰ ਸਿੰਘ ਰਾਮਨਗਰ ,ਮਾਲਣ ਕੌਰ ਕੋਠਾਗੁਰੂ , ਸੁਖਦੇਵ ਸਿੰਘ ਰਾਮਪੁਰਾ, ਬਲਜੀਤ ਸਿੰਘ ਪੂਹਲਾ, ਜਸਪਾਲ ਸਿੰਘ ਕੋਠਾਗੁਰੂ ,ਗੁਰਪਾਲ ਸਿੰਘ ਦਿਓਣ ,ਕੁਲਵੰਤ ਸ਼ਰਮਾ ਰਾਏ ਕੇ ਕਲਾਂ, ਕਾਲਾ ਸਿੰਘ ਚੱਠੇਵਾਲਾ ਨੇ ਵੀ ਸੰਬੋਧਨ ਕੀਤਾ । ਹਰਬੰਸ ਸਿੰਘ ਘਣੀਆਂ ਤੇ ਹੋਰ ਗੀਤਕਾਰਾਂ ਨੇ ਲੋਕ ਪੱਖੀ ਗੀਤ ਪੇਸ਼ ਕੀਤੇ ।

ਸੁਖਜਿੰਦਰ ਮਾਨ
ਬਠਿੰਡਾ, 19 ਸਤੰਬਰ :-ਡਿਪਟੀ ਕਮਿਸ਼ਨਰ ਸ਼੍ਰੀ ਸ਼ੌਕਤ ਅਹਿਮਦ ਪਰੇ ਨੇ ਵੱਖ-ਵੱਖ ਵਿਭਾਗਾਂ ਦੇ ਅਧਿਕਾਰੀਆਂ ਨਾਲ ਜਿਲ੍ਹਾ ਪ੍ਰਬੰਧਕੀ ਕੰਪਲੈਕਸ ਦੇ ਮੀਟਿੰਗ ਹਾਲ ਵਿਖੇ ਮਹੀਨਾਵਾਰ ਮੀਟਿੰਗ ਕਰਕੇ ਰੀਵਿਊ ਕੰਮਾਂ ਦੀ ਸਮੀਖਿਆ ਕੀਤੀ। ਇਸ ਮੌਕੇ ਡਿਪਟੀ ਕਮਿਸ਼ਨਰ ਨੇ ਅਧਿਕਾਰੀਆਂ ਨੂੰ ਲੋੜੀਂਦੇ ਦਿਸ਼ਾ ਨਿਰਦੇਸ਼ ਵੀ ਦਿੱਤੇ। ਬੈਠਕ ਦੀ ਪ੍ਰਧਾਨਗੀ ਕਰਦਿਆਂ ਡਿਪਟੀ ਕਮਿਸ਼ਨਰ ਸ਼੍ਰੀ ਸ਼ੌਕਤ ਅਹਿਮਦ ਪਰੇ ਨੇ ਜ਼ਿਲ੍ਹਾ ਸਿੱਖਿਆ ਅਫ਼ਸਰ ਨੂੰ ਹਦਾਇਤ ਕਰਦਿਆਂ ਕਿਹਾ ਕਿ ਜਲ ਸਪਲਾਈ ਵਿਭਾਗ ਨਾਲ ਤਾਲਮੇਲ ਕਰਕੇ ਸਾਰੇ ਸਕੂਲਾਂ ਦੇ ਪੀਣ ਯੋਗ ਪਾਣੀ ਦੇ ਸੈਂਪਲ ਲੈਣੇ ਯਕੀਨੀ ਬਣਾਏ ਜਾਣ। ਇਸ ਤੋਂ ਇਲਾਵਾ ਉਨ੍ਹਾਂ ਇਹ ਵੀ ਕਿਹਾ ਕਿ ਸਕੂਲਾਂ ਚ ਪੀਣ ਵਾਲੇ ਪਾਣੀ ਦੀਆਂ ਟੈਂਕੀਆਂ ਨੂੰ ਸਾਫ਼ ਕਰਵਾਇਆ ਜਾਵੇ। ਇਸ ਮੌਕੇ ਉਨ੍ਹਾਂ ਕਿਹਾ ਕਿ ਸਕੂਲਾਂ ਵਿੱਚ ਸਾਫ਼-ਸਫ਼ਾਈ ਨੂੰ ਪਹਿਲ ਦੇ ਆਧਾਰ ਤੇ ਕਰਨਾ ਲਾਜ਼ਮੀ ਬਣਾਇਆ ਜਾਵੇ।
ਇਸ ਮੌਕੇ ਡਿਪਟੀ ਕਮਿਸ਼ਨਰ ਨੇ ਸਿਹਤ ਵਿਭਾਗ ਦੇ ਅਧਿਕਾਰੀਆਂ ਨੂੰ ਹਦਾਇਤ ਕਰਦਿਆਂ ਕਿਹਾ ਕਿ ਪਿਲਾਈਆਂ ਜਾ ਰਹੀਆਂ ਪੋਲੀਓ ਬੂੰਦਾਂ ਨੂੰ ਡੋਰ ਟੂ ਡੋਰ ਖਾਸ ਤੌਰ ਤੇ ਸਲੱਮ ਏਰੀਏ ਚ ਜਾ ਕੇ ਜਲਦ ਨੇਪਰੇ ਚਾੜਿਆ ਜਾਵੇ। ਇਸ ਮੌਕੇ ਉਨ੍ਹਾਂ ਇਹ ਵੀ ਕਿਹਾ ਕਿ ਆਂਗਣਵਾੜੀ ਵਰਕਰਾਂ ਅਤੇ ਏਐੱਨਐੱਮ ਦੀ ਮਦਦ ਨਾਲ 0 ਤੋਂ 5 ਸਾਲ ਤੱਕ ਦੇ ਬੱਚੇ ਦਾ ਆਧਾਰ ਕਾਰਡ ਬਣਾਉਣਾ ਯਕੀਨੀ ਬਣਾਇਆ ਜਾਵੇ। ਬੈਠਕ ਦੌਰਾਨ ਡਿਪਟੀ ਕਮਿਸ਼ਨਰ ਸ਼੍ਰੀ ਸ਼ੌਕਤ ਅਹਿਮਦ ਪਰੇ ਨੇ ਜ਼ਿਲ੍ਹਾ ਸਮਾਜਿਕ ਸੁਰੱਖਿਆ ਅਫ਼ਸਰ ਨੂੰ ਹਦਾਇਤ ਕਰਦਿਆਂ ਕਿਹਾ ਕਿ ਸੇਫ਼ ਸਕੂਲ ਵਾਹਨ ਪਾਲਿਸੀ ਤਹਿਤ ਜਲਦ ਤੋਂ ਜਲਦ ਟੀਮਾਂ ਗਠਿਤ ਕਰਕੇ ਸਕੂਲ ਵਾਹਨਾਂ ਦੀ ਚੈਕਿੰਗ ਕਰਨੀ ਯਕੀਨੀ ਬਣਾਈ ਜਾਵੇ। ਇਸ ਮੌਕੇ ਵਧੀਕ ਡਿਪਟੀ ਕਮਿਸ਼ਨਰ (ਜਨਰਲ) ਸ਼੍ਰੀ ਰਾਹੁਲ, ਵਧੀਕ ਡਿਪਟੀ ਕਮਿਸ਼ਨਰ (ਵਿਕਾਸ) ਸਿਵਲ ਸਰਜਨ ਡਾ. ਤੇਜਵੰਤ ਸਿੰਘ ਢਿੱਲੋਂ, ਜ਼ਿਲ੍ਹਾ ਸਿੱਖਿਆ ਅਫ਼ਸਰ (ਸੈਕੰਡਰੀ) ਸ. ਮੇਵਾ ਸਿੰਘ, ਜ਼ਿਲ੍ਹਾ ਸਿੱਖਿਆ ਅਫ਼ਸਰ (ਪ੍ਰਾਇਮਰੀ) ਸ਼੍ਰੀ ਸ਼ਿਵਪਾਲ, ਜ਼ਿਲ੍ਹਾ ਸਮਾਜਿਕ ਸੁਰੱਖਿਆ ਅਫ਼ਸਰ ਮੈਡਮ ਰਵਨੀਤ ਕੌਰ ਅਤੇ ਟ੍ਰੈਫ਼ਿਕ ਪੁਲਿਸ ਦੇ ਇੰਚਾਰਜ ਸ. ਅਮਰੀਕ ਸਿੰਘ ਤੋਂ ਇਲਾਵਾ ਹੋਰ ਅਧਿਕਾਰੀ ਅਤੇ ਉਨ੍ਹਾਂ ਦੇ ਨੁਮਾਇੰਦੇ ਹਾਜ਼ਰ ਸਨ।

ਮੁੱਖ ਸਕੱਤਰ ਨੇ ਪ੍ਰਸਾਸ਼ਨਿਕ ਸਕੱਤਰਾਂ ਦੇ ਨਾਲ ਅਹਿਮ ਮੀਟਿੰਗ ਕਰ ਮੰਡੀਆਂ ਵਿਚ ਸਮੂਚੀ ਵਿਵਸਥਾ ਕਰਨ ਦੇ ਦਿੱਤੇ ਨਿਰਦੇਸ਼
ਫਸਲਾਂ ਦੀ ਖਰੀਦ ਲਈ ਕੀਤੀ ਗਈ 100 ਤੋਂ ਵੱਧ ਮੰਡੀਆਂ ਦੀ ਵਿਵਸਥਾ
ਸੁਖਜਿੰਦਰ ਮਾਨ
ਚੰਡੀਗੜ੍ਹ, 19 ਸਤੰਬਰ – ਹਰਿਆਣਾ ਵਿਚ ਖਰੀਫ ਫਸਲਾਂ ਦੀ ਖਰੀਦ 1 ਅਕਤੂਬਰ ਤੋਂ ਸ਼ੁਰੂ ਹੋਵੇਗੀ। ਇਸ ਦੌਰਾਨ ਮੂੰਗ, ਮੂੰਗਫਲੀ, ਅਰਹਰ, ਉੜਦ ਅਤੇ ਤਿੱਲ ਦੀ ਖਰੀਦ ਹੋਵੇਗੀ। ਫਸਲਾਂ ਦੀ ਖਰੀਦ ਲਈ ਸੂਬੇ ਵਿਚ 100 ਤੋਂ ਵੱਧ ਮੰਡੀਆਂ ਦੀ ਵਿਵਸਥਾ ਕੀਤੀ ਗਈ ਹੈ। ਇਸ ਸਬੰਧ ਵਿਚ ਮੁੱਖ ਸਕੱਤਰ ਸ੍ਰੀ ਸੰਜੀਵ ਕੌਸ਼ਲ ਨੇ ਅਧਿਕਾਰੀਆਂ ਨੂੰ ਨਿਰਦੇਸ਼ ਦਿੱਤੇ ਕਿ ਮਾਰਕਟਿੰਗ ਸੈਸ਼ਨ -2022-23 ਦੌਰਾਨ ਖਰੀਫ ਫਸਲਾਂ ਦੀ ਖਰੀਦ ਲਈ ਕਾਫੀ ਵਿਵਸਥਾ ਯਕੀਨੀ ਕੀਤੀ ਜਾਵੇ ਤਾਂ ਜੋ ਕਿਸਾਨਾਂ ਨੂੰ ਆਪਣੀ ਫਸਲ ਵੇਚਣ ਵਿਚ ਕੋਈ ਪਰੇਸ਼ਾਨੀ ਨਾ ਹੋਵੇ। ਮੁੱਖ ਸਕੱਤਰ ਅੱਜ ਇੱਥੇ ਮਾਰਕਟਿੰਗ ਸੈਸ਼ਨ -2022-23 ਦੌਰਾਨ ਖਰੀਫ ਫਸਲਾਂ ਦੀ ਖਰੀਦ ਦੇ ਸਬੰਧ ਵਿਚ ਤਿਆਰੀਆਂ ਦੀ ਸਮੀਖਿਆ ਮੀਟਿੰਗ ਦੀ ਅਗਵਾਈ ਕਰ ਰਹੇ ਸਨ।ਸ੍ਰੀ ਸੰਜੀਵ ਕੌਸ਼ਲ ਨੇ ਨਿਰਦੇਸ਼ ਦਿੰਦੇ ਹੋਏ ਕਿਹਾ ਕਿ ਫਸਲਾਂ ਦੀ ਸਮੇਂਬੱਧ ਢੰਗ ਨਾਲ ਖਰੀਦ, ਊਸ ਦੀ ਸਟੋਰੇਜ ਅਤੇ ਮੰਡੀਆਂ ਵਿਚ ਗਨੀ ਬੈਗਸ ਦੀ ਵਿਵਸਥਾ ਯਕੀਨੀ ਕੀਤੀ ਜਾਵੇ ਤਾਂ ਜੋ ਖਰੀਦ ਪ੍ਰਕਿ੍ਰਆ ਦੌਰਾਨ ਕਿਸੇ ਤਰ੍ਹਾ ਦੀ ਸਮਸਿਆ ਨਾ ਆਵੇ।ਮੀਟਿੰਗ ਵਿਚ ਦਸਿਆ ਗਿਆ ਕਿ ਰਾਜ ਖਰੀਦ ਏਜੰਸੀਆਂ ਜਿਵੇਂ ਹਰਿਆਣਾ ਰਾਜ ਵੇਅਰਹਾਊਸ ਨਿਗਮ ਅਤੇ ਹੈਫੇਡ ਤੋਂ ਇਲਾਵਾ ਨੈਫੇਡ ਵੱਲੋਂ ਖਰੀਫ ਫਸਲਾਂ ਦੀ ਖਰੀਦ ਕੀਤੀ ਜਾਵੇਗੀ।ਮੀਟਿੰਗ ਵਿਚ ਦਸਿਆ ਗਿਆ ਕਿ ਖਰੀਫ ਫਸਲਾਂ ਦੀ ਬਿਨ੍ਹਾਂ ਰੁਕਾਵਟ ਖਰੀਦ ਯਕੀਨੀ ਕਰਨ ਲਈ ਕਾਫੀ ਗਿਣਤੀ ਵਿਚ ਮੰਡੀਆਂ ਦੀ ਵਿਵਸਥਾ ਕੀਤੀ ਗਈ ਹੈ। ਮੂੰਗ ਦੀ ਖਰੀਦ ਲਈ 16 ਜਿਲ੍ਹਿਆਂ ਵਿਚ 38 ਮੰਡੀਆਂ, ਅਰਹਰ ਦੀ ਖਰੀਦ ਲਈ 18 ਜਿਲ੍ਹਿਆਂ ਵਿਚ 22 ਮੰਡੀਆਂ, ਉੜਦ ਦੀ ਖਰੀਦ ਲਈ 7 ਜਿਲ੍ਹਿਆਂ ਵਿਚ 10 ਮੰਡੀਆਂ, ਮੂੰਗਫਲੀ ਦੀ ਖਰੀਦ ਲਈ 3 ਜਿਲ੍ਹਿਆਂ ਵਿਚ 7 ਮੰਡੀਆਂ ਅਤੇ ਤਿੱਲ ਦੀ ਖਰੀਦ ਲਈ 21 ਜਿਲ੍ਹਿਆਂ ਵਿਚ 27 ਮੰਡੀਆਂ ਖੋਲੀਆਂ ਗਈਆਂ ਹਨ।ਮੀਟਿੰਗ ਵਿਚ ਦਸਿਆ ਗਿਆ ਕਿ ਇਸ ਸਾਲ ਮੂੰਗ ਦੀ 41,850 ਮੀਟਿ੍ਰਕ ਟਨ ਉਤਪਾਦਨ ਦੀ ਸੰਭਾਵਨਾ ਹੈ। ਇਸੀ ਤਰ੍ਹਾ ਅਰਹਰ ਦੀ 1044 ਮੀਟਿ੍ਰਕ ਟਨ, ਉੜਦ ਦਾ 364 ਮੀਟਿ੍ਰਕ ਟਨ, ਤਿੱਲ ਦਾ 425 ਮੀਟਿ੍ਰਕ ਟਨ ਅਤੇ ਮੂੰਗਫਲੀ ਦਾ 10,011 ਮੀਟਿ੍ਰਕ ਟਨ ਉਤਪਾਦਨ ਹੋਣ ਦੀ ਸੰਭਾਵਨਾ ਹੈ।

ਪ੍ਰਧਾਨ ਮੰਤਰੀ ਮੱਛੀ ਸੰਪਦਾ ਯੋਜਨਾ ਨੂੰ ਸਫਲ ਬਨਾਉਣ ਵਿਚ ਹਰਿਆਣਾ ਦੀ ਨਵੀਂ ਪਹਿਲ
ਸਿਰਸਾ ਜਿਲ੍ਹੇ ਵਿਚ ਮੱਛੀਪਾਲਕਾਂ ਲਈ ਕੀਤੀ ਜਾਵੇਗੀ ਟੇਸਟਿੰਗ ਲੈਬ ਸਥਾਪਿਤ
ਸਿਰਸਾ ਜਿਲ੍ਹੇ ਦੇ ਚੋਰਮਾਰ ਖੇੜਾ ਵਿਚ ਝੀਂਗਾ ਕਿਸਾਨਾਂ ਦੀ ਵਰਕਸ਼ਾਪ ਵਿਚ ਪਹੁੰਚੇ ਮੁੱਖ ਮੰਤਰੀ
ਸੁਖਜਿੰਦਰ ਮਾਨ
ਚੰਡੀਗੜ੍ਹ, 19 ਸਤੰਬਰ- ਹਰਿਆਣਾ ਦੇ ਮੱਛੀ ਪਾਲਕ ਕਿਸਾਨਾਂ ਨੂੰ ਕੇਂਦਰ ਵਲੋਂ ਮਿਲਣ ਵਾਲੀ ਸਬਸਿਡੀ ਦਾ ਇੰਤਜ਼ਾਰ ਕਰਨ ਦਾ ਜਰੂਰਤ ਨਹੀਂ ਹੋਵੇਗੀ, ਬਲਕਿ ਸੂਬਾ ਸਰਕਾਰ ਮੱਛੀ ਪਾਲਣ ਦਾ ਕਿੱਤਾ ਕਰਨ ਵਾਲੇ ਕਿਸਾਨਾਂ ਨੂੰ ਐਡਵਾਂਸ ’ਚ ਸਬਸਿਡੀ ਦੇਵੇਗੀ। ਇਹ ਐਲਾਨ ਸੋਮਵਾਰ ਨੂੰ ਮੁੱਖ ਮੰਤਰੀ ਮਨੋਹਰ ਲਾਲ ਨੇ ਮੱਛੀ ਪਾਲਕ ਕਿਸਾਨਾਂ ਲਈ ਕਰਦੇ ਹੋਏ ਕਿਹਾ ਕਿ ਪ੍ਰਧਾਨ ਮੰਤਰੀ ਮੱਛੀ ਸੰਪਦਾ ਯੋਜਨਾ ਦੇ ਤਹਿਤ ਕੇਂਦਰ ਸਰਕਾਰ ਤੋਂ ਆਉਣ ਵਾਲੀ ਸਬਸਿਡੀ ਵਿਚ ਜੇਕਰ ਦੇਰੀ ਹੁੰਦੀ ਹੈ ਤਾਂ ਉਹ ਸਬਸਿਡੀ ਹਰਿਆਣਾ ਸਰਕਾਰ ਅੇਡਵਾਂਸ ਵਿਚ ਦਵੇਗੀ। ਇਸ ਤੋਂ ਇਲਾਵਾ,ਮੁੱਖ ਮੰਤਰੀ ਨੇ ਸਿਰਸਾ ਜਿਲ੍ਹੇ ਦੇ ਮੱਛੀ ਪਾਲਕਾਂ ਲਈ ਸਿਰਸਾ ਵਿਚ ਹੀ ਮੱਛੀਪਾਲਣ ਨਾਲ ਸਬੰਧਿਤ ਟੇਸਟਿੰਗ ਲੈਬ ਸਥਾਪਿਤ ਕਰਨ ਦਾ ਐਲਾਨ ਕੀਤਾ ਹੈ। ਇਸ ਨਾਲ ਇੱਥੇ ਦੇ ਝੀਂਗਾ ਮੱਛਲੀ ਪਾਲਕਾਂ ਨੂੰ ਸਿੱਧਾ ਲਾਭ ਹੋਵੇਗਾ। ਇਸ ਤੋਂ ਪਹਿਲਾਂ ਇੱਥੇ ਦੇ ਮੱਛੀ ਪਾਲਕ ਰੋਹਤਕ ਜਾ ਕੇ ਲੈਬ ਟੇਸਟਿੰਗ ਦੀ ਸਹੂਲਤ ਲੈਣੀ ਪੈਂਦੀ ਸੀ। ਮੁੰਖ ਮੰਤਰੀ ਸੋਮਵਾਰ ਨੂੰ ਸਿਰਸਾ ਜਿਲ੍ਹੇ ਦੇ ਚੋਰਮਾਰ ਖੇੜਾ ਪਿੰਡ ਵਿਚ ਪ੍ਰਬੰਧਿਤ ਝੀਂਗਾ ਕਿਸਾਨਾਂ ਦੀ ਵਰਕਸ਼ਾਪ ਵਿਚ ਬੋਲ ਰਹੇ ਸਨ। ਇਸ ਦੇ ਨਾਲ-ਨਾਲ ਮੁੱਖ ਮੰਤਰੀ ਸ੍ਰੀ ਮਨੋਹਰ ਲਾਲ ਨੇ ਮੱਛੀ ਦੀ ਖਰੀਦ ਤੇ ਵਿਕਰੀ ਦੇ ਲਈ ਝੱਜਰ ਜਾਂ ਗੁਰੂਗ੍ਰਾਮ ਵਿੱਚੋਂ ਕਿਸੇ ਇਕ ਜਿਲ੍ਹੇ ਵਿਚ ਹੋਲਸੇਲ ਮੱਛੀ ਮਾਰਕਿਟ ਸਥਾਪਿਤ ਕਰਨ ਦਾ ਐਲਾਨ ਕੀਤਾ। ਉਨ੍ਹਾਂ ਨੇ ਕਿਹਾ ਕਿ ਇਸ ਨਾਲ ਕਿਸਾਨਾਂ ਦੀ ਆਰਥਕ ਤਰੱਕੀ ਵਿਚ ਲਾਭ ਮਿਲੇਗਾ। ਸਰਕਾਰ ਕਿਸਾਨ ਕ੍ਰੇਡਿਟ ਕਾਰਡ ਦੀ ਤਰ੍ਹਾ ਮੱਛੀ ਪਾਲਕ ਕਿਸਾਨਾਂ ਨੁੰ ਕ੍ਰੇਡਿਟ ਕਾਰਡ ਦੀ ਸਹੂਲਤ ਉਪਲਬਧ ਕਰਵਾ ਰਹੀ ਹੈ। ਇਸੀ ਤਰ੍ਹਾ ਮੱਛੀ ਪਾਲਨ ਵਿਚ ਬੀਮਾ ਕਰਨ ਲਈ ਵੀ ਸਰਕਾਰ ਬੈਂਕ ਤੇ ਬੀਮਾ ਕੰਪਨੀਆਂ ਨਾਲ ਗਲਬਾਤ ਕਰ ਰਹੀ ਹੈ। ਮੁੱਖ ਮੰਤਰੀ ਨੇ ਕਿਹਾ ਕਿ ਮੱਛੀ ਪਾਲਨ ਵਿਚ ਬਿਜਲੀ ਖਪਤ ਇਕ ਵੱਡਾ ਵਿਸ਼ਾ ਹੈ। ਫਿਲਹਾਲ ਸਰਕਾਰ ਜਿਨ੍ਹਾਂ ਕਿਸਾਨਾਂ ਦੀ ਖਪਤ 20 ਕਿਲੋਵਾਟ ਹੈ, ਉਨ੍ਹਾਂ ਨੂੰ 4.75 ਪ੍ਰਤੀ ਯੂਨਿਟ ਦਰ ‘ਤੇ ਬਿਜਲੀ ਉਪਲਬਧ ਕਰਵਾ ਰਹੀ ਹੈ। ਮੱਛੀ ਪਾਲਕ ਆਪਣੇ ਪਲਾਟ ‘ਤੇ ਸੋਲਰ ਪਲਾਂਟ ਵੀ ਲਗਾ ਸਕਦੇ ਹਨ। ਇਸ ਦੇ ਲਈ ਉਨ੍ਹਾਂ ਨੁੰ ਪ੍ਰਤੀ ਹਾਰਸ ਪਾਵਰ 20 ਹਜਾਰ ਰੁਪਏ ਦੀ ਸਬਸਿਡੀ ਦਿੱਤੀ ਜਾ ਰਹੀ ਹੈ। ਜੋ ਵੱਧ ਤੋਂ ਵੱਧ 2 ਲੱਖ ਰੁਪਏ ਤਕ ਹੋ ਸਕਦੀ ਹੈ। ਇਸ ਦੌਰਾਨ ਮੱਛੀ ਵਿਭਾਗ ਦੇ ਵਿਸ਼ੇਸ਼ ਸਕੱਤਰ ਜੈਵੀਰ ਸਿੰਘ ਆਰਿਆ, ਜਿਲ੍ਹਾ ਡਿਪਟੀ ਕਮਿਸ਼ਨਰ ਪਾਰਥ ਗੁਪਤਾ, ਪੁਲਿਸ ਸੁਪਰਡੈਂਟ ਡਾ. ਅਰਪਿਤ ਜੈਨ, ਨਿਦੇਸ਼ਕ ਧਰਮੇਂਦਰ ਸਿੰਘ, ਸੰਯੁਕਤ ਨਿਦੇਸ਼ਕ ਪਵਨ ਕੁਮਾਰ, ਇਸ਼ਵਰ ਸਿੰਘ ਅਤੇ ਹੋਰ ਸੀਨੀਅਰ ਅਧਿਕਾਰੀ ਮੌਜੂਦ ਰਹੇ।

ਭਿਵਾਨੀ ਵਿਚ ਬਣੇਗਾ ਏਕਵਾਪਾਰਕ
ਮੁੱਖ ਮੰਤਰੀ ਸ੍ਰੀ ਮਨੋਹਰ ਲਾਲ ਨੇ ਕਿਹਾ ਕਿ ਭਿਵਾਨੀ ਜਿਲ੍ਹੇ ਦੇ ਗਰਵਾ ਪਿੰਡ ਵਿਚ 30 ਕਰੋੜ ਰੁਪਏ ਦੀ ਲਾਗਤ ਨਾਲ ਏਕਵਾਪਾਰਕ ਬਣਾਇਆ ਜਾਵੇਗਾ। ਇਹ ਏਕਵਾਪਾਰਕ 25 ਏਕੜ ਵਿਚ ਹੋਵੇਗਾ। ਇਸ ਵਿਚ ਮੱਛੀ ਪਾਲਣ ਨਾਲ ਜੁੜੇ ਨਵੇਂ-ਨਵੇਂ ਖੋਜ, ਮੱਛੀ ਪਾਲਣ ਦੀ ਨਵੀਂ ਕਿਸਮ, ਬੀਜ ‘ਤੇ ਖੋਜ ਕੀਤਾ ਜਾਵੇਗਾ। ਇਸ ਨਾਲ ਮੱਛੀ ਪਾਲਕਾਂ ਨੂੰ ਸਿੱਧਾ ਲਾਭ ਮਿਲੇਗਾ। ਮੁੱਖ ਮੰਤਰੀ ਨੇ ਕਿਹਾ ਕਿ ਪ੍ਰਧਾਨ ਮੰਤਰੀ ਮੱਛੀ ਸੰਪਦਾ ਯੋਜਨਾ ਨਾਲ ਮਿਲਣ ਵਾਲਾ ਲਾਭ ਅਗਲੇ ਤਿੰਨ ਸਾਲ ਤਕ ਮਿਲੇਗਾ। ਝੀਂਗਾ ਵੱਡੀ ਗਿਣਤੀ ਵਿਚ ਏਕਸਪੋਰਟ ਕੀਤੀ ਜਾਂਦੀ ਹੈ। ਇਸ ਤੋਂ ਵਿਦੇਸ਼ੀ ਮੁਦਰਾ ਦੇਸ਼ ਵਿਚ ਆਉਂਦੀ ਹੈ ਜੋ ਭਾਰਤ ਦੀ ਆਰਥਕ ਤਰੱਕੀ ਲਈ ਮਹਤੱਵਪੂਰਣ ਹੈ। ਇਸ ਤਰ੍ਹਾ ਦੇ ਪ੍ਰੋਜੈਕਟ ਪ੍ਰਧਾਨ ਮੰਤਰੀ ਸ੍ਰੀ ਨਰੇਂਦਰ ਮੋਦੀ ਦੇ 5 ਟਿ੍ਰਲਿਅਨ ਇਕੋਨਾਮੀ ਦੇ ਸਪਨੇ ਨੁੰ ਪੂਰਾ ਕਰਨ ਵਿਚ ਆਪਣਾ ਯੋਗਦਾਨ ਦਵੇਗਾ। ਭਾਰਤ ਇਸ ਦੇ ਲਈ ਮੱਛੀ ਪਾਲਣ ਨਾਲ ਜੁੜੀ ਨਵੀਂ -ਨਵੀਂ ਤਕਨੀਕ ‘ਤੇ ਕੰਮ ਕਰ ਰਿਹਾ ਹੈ।

ਝੀਂਗਾ ਉਤਪਾਦਨ ਨੁੰ 4 ਹਜਾਰ ਮੀਟਿ੍ਰਕ ਟਨ ਕਰਨ ਦਾ ਟੀਚਾ
ੁੱਖ ਮੰਤਰੀ ਨੇ ਕਿਹਾ ਕਿ ਅਸੀਂ ਹਰਿਆਣਾ ਵਿਚ ਲਗਾਤਾਰ ਸੇਮ ਤੇ ਖਾਰੇ ਪਾਣੀ ਵਾਲੀ ਜਮੀਨ ਵਿਚ ਝੀਂਗਾ ਉਤਪਾਦਨ ਨੁੰ ਪ੍ਰੋਤਸਾਹਨ ਦੇ ਰਹੇ ਹਨ। ਸਾਲ 2014-15 ਵਿਚ ਝੀਂਗਾ ਪਾਲਣ ਦਾ ਖੇਤਰ 70 ਏਕੜ ਸੀ ਅਤੇ ਕੁੱਲ ਉਤਪਾਦਨ 140 ਮੀਟਿ੍ਰਕ ਟਨ ਸੀ ਜੋ 2021-22 ਵਿਚ ਵੱਧ ਕੇ 1250 ਏਕੜ ਤੇ 2900 ਮੀਟਿ੍ਰਕ ਟਨ ਹੋ ਗਿਆ ਹੈ। ਸਰਕਾਰ ਨੇ ਇਸ ਸਾਲ ਦਾ ਟੀਚਾ 1250 ਏਕੜ ਤੋਂ ਵਧਾ ਕੇ 2500 ਏਕੜ ਕਰਨ ਅਤੇ ਉਤਪਾਦਨ 2900 ਮੀਟਿ੍ਰਕ ਟਨ ਤੋਂ 4 ਹਜਾਰ ਮੀਟਿ੍ਰਕ ਟਨ ਰਖਿਆ ਹੈ। ਮੁੱਖ ਮੰਤਰੀ ਨੇ ਕਿਹਾ ਕਿ ਹਰਿਆਣਾ ਵਿਚ ਸਾਲ 2014 ਵਿਚ ਕੁੱਲ 43 ਹਜਾਰ ਏਕੜ ਵਿਚ 1 ਲੱਖ ਮੀਟਿ੍ਰਕ ਟਨ ਮੱਛੀ ਉਤਪਾਦਨ ਹੁੰਦਾ ਸੀ ਅਤੇ ਇਸ ਸਾਲ ਇਹ ਟੀਚਾ ਵਧਾ ਕੇ 54 ਹਜਾਰ ਏਕੜ ਅਤੇ 2 ਲੱਖ 10 ਹਜਾਰ ਮੀਟਿ੍ਰਕ ਟਨ ਰਖਿਆ ਗਿਆ ਹੈ। ਉਨ੍ਹਾਂ ਨੇ ਕਿਹਾ ਕਿ ਸੂਬੇ ਵਿਚ 25 ਲੱਖ ਮੱਛੀ ਬੀਜ ਉਪਲਬਧ ਕਰਵਾਉਣ ਾਦ ਟੀਚਾ ਨਿਰਧਾਰਿਤ ਕੀਤਾ ਹੈ।

ਕਿਸਾਨ ਅੱਗੇ ਵੱਧਣ ਸਰਕਾਰ ਉਨ੍ਹਾਂ ਦੇ ਨਾਲ ਹੈ- ਸੁਨੀਤਾ ਦੁਗੱਲ
ਸਿਰਸਾ ਦੀ ਸਾਂਸਦ ਸ੍ਰੀਮਤੀ ਸੁਨੀਤਾ ਦੁਗੱਲ ਨੇ ਕਿਹਾ ਕਿ ਤਿੰਨ ਦਿਨ ਤੋਂ ਮੁੱਖ ਮੰਤਰੀ ਸਿਰਸਾ ਵਿਚ ਹਨ ਅਤੇ ਜਨ ਸੰਵਾਦ ਪ੍ਰੋਗ੍ਰਾਮ ਦੌਰਾਨ ਜਿੰਨ੍ਹੇ ਵੀ ਫਰਿਆਦੀ ਆਏ, ਮੁੱਖ ਮੰਤਰੀ ਨੇ ਸਾਰਿਆਂ ਦੀ ਸੁਣਵਾਈ ਕੀਤੀ ਅਤੇ ਸਮਸਿਆਵਾਂ ਦਾ ਹੱਲ ਕੀਤਾ। ਸਿਰਸਾ ਜਿਲ੍ਹੇ ਦੇ ਕਿਸਾਨਾਂ ਨੁੰ ਝੀਂਗਾ ਉਤਪਾਦਨ ਦਾ ਲਾਭ ਮਿਲਣ ਵਾਲਾ ਹੈ। ਸੇਮ ਦੀ ਭੂਮੀ ‘ਤੇ ਇਸ ਤਰ੍ਹਾ ਮੱਛੀ ਪਾਲਣ ਕਰ ਮੁਨਾਫਾ ਲੇਣਾ ਕਿਸਾਨਾਂ ਲਈ ਬਿਹਤਰ ਵਿਕਲਪ ਹੈ। ਉਨ੍ਹਾਂ ਨੇ ਕਿਹਾ ਕਿ ਕੇਂਦਰ ਸਰਕਾਰ ਦੇ ਨਾਲ-ਨਾਲ ਹਰਿਆਣਾ ਸਰਕਾਰ ਵੀ ਸਹਿਯੋਗ ਕਰ ਰਹੀ ਹੈ। ਸ੍ਰੀਮਤੀ ਦੁਗੱਲ ਨੇ ਕਿਸਾਨਾਂ ਨੁੰ ਅਪੀਲ ਕੀਤੀ ਕਿ ਉਹ ਅੱਗੇ ਵੱਧਣ ਸਰਕਾਰ ਉਨ੍ਹਾਂ ਦੇ ਨਾਲ ਹੈ। ਝੀਂਗਾ ਉਤਪਾਦਨ ਨਾਲ ਸੇਮ ਦੀ ਧਰਤੀ ਹੁਣ ਸੋਨਾ ਉਗਲੇਗੀ।

ਸਿਰਸਾ ਜਿਲ੍ਹੇ ਨੇ ਦੇਸ਼ ਵਿਚ ਕ੍ਰਾਂਤੀ ਲਿਆਉਣ ਦਾ ਕੰਮ ਕੀਤਾ- ਜੇਪੀ ਦਲਾਲ
ਖੇਤੀਬਾੜੀ ਅਤੇ ਮੱਛੀ ਪਾਲਣ ਮੰਤਰੀ ਸ੍ਰੀ ਜੈਯ ਪ੍ਰਕਾਸ਼ ਦਲਾਲ ਨੇ ਕਿਹਾ ਕਿ ਸਿਰਸਾ ਜਿਲ੍ਹੇ ਦੇ ਕਿਸਾਨ ਵਧਾਈਯੋਗ ਹਨ, ਜਿਨ੍ਹਾਂ ਨੇ ਖਾਰੇ ਪਾਣੀ ਵਿਚ ਝੀਂਗਾ ਉਤਪਾਦਨ ਕਰ ਦੇਸ਼ ਵਿਚ ਨਵੀਂ ਕ੍ਰਾਂਤੀ ਲਿਆਉਣ ਦਾ ਕੰਮ ਕੀਤਾ ਹੈ। ਇੱਥੇ ਦੇ ਕਿਸਾਨਾਂ ਨੇ ਹੋਰ ਕਿਸਾਨਾਂ ਨੁੰ ਵੀ ਰਸਤਾ ਦਿਖਾਇਆ ਹੈ ਕਿ ਕਿਵੇਂ ਖਾਰੇ ਪਾਣੀ ਨੂੰ ਕੱਢ ਕੇ ਮੱਛੀ ਪਾਲਣ ਕੀਤਾ ਜਾ ਸਕਦਾ ਹੈ। ਸੂਬੇ ਵਿਚ 10 ਲੱਖ ਏਕੜ ਜਮੀਨ ਵਿਚ ਖਾਰੇ ਪਾਣੀ ਦੀ ਸਮਸਿਆ ਹੈ। ਸੂਬੇ ਦੇ ਸਾਰੇ ਕਿਸਾਨ ਇਸ ਤਰ੍ਹਾ ਲਾਗਤ ਲਗਾ ਕੇ ਝੀਂਗਾ ਉਤਪਾਦਨ ਦਾ ਜੋਖਿਮ ਨਹੀਂ ਲੈ ਸਕਦੇ ਪਰ 400 ਕਿਸਾਨਾਂ ਨੇ ਹੁਣ ਕਾਮਯਾਬੀ ਦੀ ਕਹਾਣੀ ਲਿਖੀ ਹੈ। ਸ੍ਰੀ ਦਲਾਲ ਨੇ ਕਿਹਾ ਕਿ ਅਜਿਹਾ ਕੋਈ ਕਾਰੋਬਾਰ ਨਹੀਂ ਹੈ, ਜਿਸ ਵਿਚ ਪੂੰਜੀ ਲਗਾ ਕੇ ਛੇ ਮਹੀਨੇ ਵਿਚ ਮੁਨਾਫਾ ਲਿਆ ਜਾ ਸਕਦਾ ਹੋਵੇ ਪਰ ਝੀਂਗਾ ਉਤਪਾਦਨ ਅਜਿਹਾ ਕੰਮ ਹੈ, ਜਿਸ ਵਿਚ ਛੇ ਮਹੀਨੇ ਵਿਚ ਪੂੰਜੀ ਤੇ ਲਾਗਤ ਪੂਰੀ ਹੋ ਜਾਂਦੀ ਹੈ ਅਤੇ ਅਗਲੇ ਛੇ ਮਹੀਨੇ ਵਿਚ ਮੁਨਾਫਾ ਲੈ ਸਕਦੇ ਹਨ।

ਪੰਜਾਬੀ ਖ਼ਬਰਸਾਰ ਬਿਉਰੋ
ਬਠਿੰਡਾ, 19 ਸਤੰਬਰ : ਅੱਜ ਆਲ ਇੰਡੀਆ ਧਾਂਨਕ ਸਮਾਜ ਦੇ ਰਾਸਟਰੀ ਪ੍ਰਧਾਨ ਸਤੀਸ ਖੰਨਗਵਾਲ ਦੇ ਦਿਸਾ ਨਿਰਦੇਸਾਂ ਤਹਿਤ ਸ੍ਰੀ ਸੁਮਿਤ ਖਰੇਰਾ ਨੂੰ ਅਖਿਲ ਭਾਰਤੀ ਧਾਨਕ ਯੁਵਾ ਮੋਰਚਾ ਦਾ ਪੰਜਾਬ ਪ੍ਰਧਾਨ ਨਿਯੁਕਤ ਕੀਤਾ ਗਿਆ।ਸ੍ਰੀ ਗੁਰੂ ਕਬੀਰ ਧਾਨਕ ਧਰਮਸਾਲਾ 60 ਫੁੱਟੀ ਰੋਡ ਬਠਿੰਡਾ ਵਿਖੇ ਧਾਨਕ ਸਮਾਜ ਦੀ ਇੱਕ ਵਿਸੇਸ ਮੀਟਿੰਗ ਦੌਰਾਨ ਉਕਤ ਯੁਵਾ ਨੇਤਾ ਨੂੰ ਹਰਿਆਣਾ ਪ੍ਰਾਂਤ ਦੇ ਯੁਵਾ ਧਾਨਕ ਪ੍ਰਧਾਨ ਸ੍ਰੀ ਸੰਜੇ ਖੰਨਗਵਾਲ ਨੇ ਨਿਯੁਕਤੀ ਪੱਤਰ ਸੌਂਪਿਆ। ਇਸ ਵੱਡੀ ਜਿੰਮੇਵਾਰੀ ਮਿਲਣ ਮੌਕੇ ਨਵ ਨਿਯੁਕਤ ਯੁਵਾ ਪ੍ਰਧਾਨ ਨੇ ਸਮੁੱਚੀ ਧਾਨਕ ਲੀਡਰਸਿਪ ਦਾ ਧੰਨਵਾਦ ਕਰਦਿਆਂ ਆਪਣੀ ਜਿੰਮੇਵਾਰੀ ਪੂਰੀ ਇਮਾਨਦਾਰੀ ਅਤੇ ਲਗਨ ਨਾਲ ਨਿਭਾਉਣ ਦਾ ਪ੍ਰਣ ਕੀਤਾ। ਇਸ ਮੀਟਿੰਗ ਵਿੱਚ ਪਹੁੰਚੇ ਧਾਨਕ ਸਮਾਜ ਦੇ ਵਿਅਕਤੀਆਂ ਨੂੰ ਆਪਣੇ ਪਹਿਲੇ ਸੰਬੋਧਨ ਵਿੱਚ ਉਨ੍ਹਾਂ ਕਿਹਾ ਕਿ ਉਨ੍ਹਾਂ ਵੱਲੋਂ ਜਲਦੀ ਹੀ ਧਾਂਨਕ ਕਲਿਆਣ ਬੋਰਡ ਦਾ ਗਠਨ ਕੀਤਾ ਜਾਵੇਗਾ ਜਿਸ ਰਾਹੀਂ ਸਾਡੇ ਸਮਾਜ ਦੇ ਲੋਕਾਂ ਨੂੰ ਆਉਣ ਵਾਲੀਆਂ ਮੁਸਕਿਲਾਂ ਦਾ ਹੱਲ ਕੀਤਾ ਜਾਵੇਗਾ। ਉਹਨਾਂ ਪੂਰੇ ਸਮਾਜ ਦੇ ਲੋਕਾਂ ਨੂੰ ਆਪਣੇ ਸੰਦੇਸ ਵਿੱਚ ਕਿਹਾ ਕਿ ਕੋਈ ਵੀ ਵਿਅਕਤੀ ਆਪਣੀ ਸਮੱਸਿਆ ਨੂੰ ਲੈਕੇ ਉਨ੍ਹਾਂ ਨੂੰ ਕਦੋਂ ਵੀ ਮਿਲ ਸਕਦਾ ਹੈ। ਇਸ ਮੀਟਿੰਗ ਵਿੱਚ ਮਨਿੰਦਰ ਕੁਮਾਰ ਸੋਨੂੰ ਖਰੇਰਾ ਪ੍ਰਧਾਨ ਸ੍ਰੀ ਗੁਰੂ ਕਬੀਰ ਧਰਮਸਾਲਾ, ਜਨਰਲ ਸਕੱਤਰ ਅਜੈ ਕੁਮਾਰ ਖਟਕ, ਆਸੂ ਖੰਨਾ, ਅਸੋਕ ਸਿੱਲਣ,ਦੀਪਕ ਕਿਰਾੜ, ਪਵਨ ਕੁਮਾਰ, ਹਰੀ ਚੰਦ ਕਿਰਾੜ,ਰੋਹਿਤ ਸਿਵਾਨ, ਵਿੱਕੀ ਸੀਵਾਨ,ਮਹੇਸ ਸਿਵਾਣ ਆਦਿ ਆਗੂਆਂ ਤੋਂ ਇਲਾਵਾ ਵੱਡੀ ਗਿਣਤੀ ਵਿੱਚ ਧਾਨਕ ਸਮਾਜ ਦੇ ਲੋਕ ਸਾਮਿਲ ਸਨ।

ਸੁਖਜਿੰਦਰ ਮਾਨ
ਬਠਿੰਡਾ, 19 ਸਤੰਬਰ: ਮਨੁੱਖਤਾ ਦੀ ਸੇਵਾ ਨੂੰ ਸਮਰਪਿਤ ਸ਼ਹੀਦ ਜਰਨੈਲ ਸਿੰਘ ਵੈਲਫੇਅਰ ਸੁਸਾਇਟੀ (ਰਜਿ.) ਬਠਿੰਡਾ ਦੇ ਸਹਿਯੋਗ ਸਦਕਾ ਸ਼ਹੀਦ ਜਰਨੈਲ ਸਿੰਘ ਰਾਠੌੜ (ਕਮਾਡੋ ਪੰਜਾਬ ਪੁਲਿਸ) ਦੀ ਬਰਸੀ ’ਤੇ ਸ਼ਹੀਦ ਜਰਨੈਲ ਸਿੰਘ ਯਾਦਗਾਰੀ ਪਾਰਕ ਦਾਣਾ ਮੰਡੀ ਰੋਡ ਵਿਖੇ ਮੈਗਾ ਮੈਡੀਕਲ ਚੈਕਅੱਪ ਕੈਂਪ ਲਗਾਇਆ ਗਿਆ। ਇਸ ਕੈਂਪ ਵਿੱਚ ਆਈਵੀ ਹਸਪਤਾਲ, ਬਠਿੰਡਾ ਤੋ ਦਿਲ ਦੇ ਰੋਗਾ ਦੇ ਮਾਹਿਰ ਡਾ. ਤੇਜਿੰਦਰ ਸਿੰਘ ਮੱਲੀ, ਹੱਡੀਆਂ ਅਤੇ ਜੋੜਾ ਦੇ ਮਾਹਿਰ ਡਾ. ਹਰਪ੍ਰੀਤ ਸੌਢੀ, ਇੰਟਰਨਲ ਮੈਡੀਸਨ ਦੇ ਮਾਹਿਰ ਡਾ. ਰਸ਼ਮੀਤ ਸਿੰਘ, ਔਰਤਾਂ ਰੋਗਾਂ ਦੇ ਮਾਹਿਰ ਡਾ. ਰੀਤਿਕਾ ਅਗਰਵਾਲ ਅਤੇ ਗੁੱਡਵਿਲ ਵੈਲਫੇਅਰ ਸੁਸਾਇਟੀ ਤੋਂ ਅੱਖਾਂ ਦੇ ਮਾਹਿਰ ਡਾ. ਸੰਜੇ ਸੁਨਾਰੀਆਂ ਅਤੇ ਮੈਡੀਸਨ ਦਾ ਮਾਹਿਰ ਡਾ. ਜਸਵਿੰਦਰ ਸਿੰਘ ਵੱਲੋਂ 266 ਮਰੀਜਾਂ ਦਾ ਚੈਕਅੱਪ ਕਰਕੇ ਉਨਾਂ ਨੂੰ ਮੁਫਤ ਦਵਾਈਆਂ ਦਿੱਤੀਆ ਗਈਆ। ਜਿੰਦਲ ਹੈਲਥ ਲੈਬ ਤੋਂ ਪੁਨਿਤ ਮਲਾਨ ਵੱਲੋਂ ਮਰੀਜਾਂ ਦੇ ਮੁਫਤ ਬਲੱਡ ਪ੍ਰੈਸਰ, ਬਲੱਡ ਸੂਗਰ, ਈ.ਸੀ.ਜੀ ਟੈਸਟਾਂ ਕੀਤੇ ਗਏ। ਇਸ ਕੈਂਪ ਵਿੱਚ ਆਮ ਆਦਮੀ ਪਾਰਟੀ ਦੇ ਚੇਅਰਮੈਨ ਪੰਜਾਬ ਸ੍ਰ ਨਵਦੀਪ ਸਿੰਘ ਜੀਦਾ ਐਡਵੋਕੇਟ, ਸ੍ਰੀ ਅਨੀਲ ਠਾਕੁਰ ਪੰਜਾਬ ਚੇਅਰਮੈਨ ਟਰੇਡ ਫੀਡਰ, ਸ੍ਰੀ ਨੀਲ ਗਰਗ, ਪੰਜਾਬ ਬੁਲਾਰਾ, ਸ੍ਰ ਬਲਜੀਤ ਸਿੰਘ ਬੱਲੀ ਬਲਾਕ ਪ੍ਰਧਾਨ, ਪ੍ਰੀਤਮ ਸਿੰਘ ਜੁਆਇੰਟ ਸੈਕਟਰੀ ਐਸ.ਸੀ. ਵਿੰਗ ਪੰਜਾਬ, ਜਗਜੀਤ ਸਿੰਘ ਜਿਲਾ ਜੁਆਇੰਟ ਐਸ.ਸੀ. ਵਿੰਗ, ਗੁਰਮੀਤ ਸਿੰਘ ਸੇਠੀ ਅਤੇ ਆਮ ਆਦਮੀ ਪਾਰਟੀ ਦੀ ਟੀਮ ਵਿਸ਼ੇਸ਼ ਤੌਰ ਤੇ ਮੌਜੂਦ ਸਨ। ਸੁਸਾਇਟੀ ਵੱਲੋਂ ਸਹੀਦ ਜਰਨੈਲ ਸਿੰਘ ਰਾਠੌੜ ਜੀ ਦੀ ਮਾਤਾ ਗੁਰਬਚਨ ਕੋਰ ਅਤੇ ਆਏ ਹੋਏ ਸਾਰੇ ਮਹਿਮਾਨਾਂ ਅਤੇ ਡਾਕਟਰ ਟੀਮ ਨੂੰ ਸਨਮਾਨ ਚਿੰਨ ਦੇ ਸਨਮਾਨਿਤ ਕੀਤਾ। ਇਸ ਕੈਂਪ ਨੂੰ ਸਫਲ ਬਣਾਉਣ ਲਈ ਗੁੱਡਵਿਲ ਸੁਸਾਇਟੀ ਪ੍ਰਧਾਨ ਵਿਜੈ ਕੁਮਾਰ ਬਰੇਜਾ, ਡਾ. ਜੋਤਰਾਮ ਜੈਨ, ਆਰ.ਕੇ.ਜਿੰਦਲ, ਹੈਲਪ ਫਾਰ ਨੀਡੀ ਫਾਊਡੇਸ਼ਨ ਤੋ ਆਨੰਦ ਜੈਨ, ਸਹੀਦ ਜਰਨੈਲ ਸਿੰਘ ਸੁਸਾਇਟੀ ਦੇ ਸਰਪ੍ਰਸਤ ਸ੍ਰ. ਤਰਲੋਚਨ ਸਿੰਘ ਸੇਠੀ, ਪ੍ਰਧਾਨ ਅਵਤਾਰ ਸਿੰਘ ਗੋਗਾ, ਮਹਿੰਦਰ ਸਿੰਘ ਐਫ.ਸੀ.ਆਈ., ਗੁਰਮੀਤ ਸਿੰਘ ਗਾਲਾ, ਜਸਵੀਰ ਸਿੰਘ, ਰਾਮਜੀ ਲਾਲ, ਗੁਰਮੁੱਖ ਸਿੰਘ, ਰਵੀ ਬਾਂਸਲ, ਬਲਵਿੰਦਰ ਸਿੰਘ ਪੀ.ਪੀ. ਚੰਦਨ, ਦੀਪਕ, ਡਾ. ਗੁਲਾਬ ਸਿੰਘ, ਡਾ. ਅਮਨਦੀਪ ਸਿੰਘ, ਗੁਰਚਰਨ ਸਿੰਘ ਐਸ.ਡੀ.ਓ, ਮਹਿੰਦਰ ਸਿੰਘ, ਸੰਜੇ ਕੁਮਾਰ, ਗੁਰਚਰਨ ਸਿੰਘ ਗੋਬਿੰਦਪੁਰਾ, ਸੰਜੇ ਰਾਜਪੂਤ, ਅਨਮੋਲ ਗੋਇਲ, ਅਸ਼ੋਕ ਢਾਬੇ ਵਾਲੇ, ਸੁਭਾਸ਼, ਜਤਿੰਦਰ ਗੋਗੀਆ ਆਦਿ ਵੱਲੋਂ ਵਿਸ਼ੇਸ ਸਹਿਯੋਗ ਦਿੱਤਾ ਗਿਆ।

ਮੁੱਖ ਮੰਤਰੀ, ਸਿੱਖਿਆ ਮੰਤਰੀ ਤੇ ਉੱਚ ਅਧਿਕਾਰੀਆਂ ਨੂੰ ਭੇਜੇ ਪੱਤਰ
ਸੁਖਜਿੰਦਰ ਮਾਨ
ਬਠਿੰਡਾ, 19 ਸਤੰਬਰ: ਪੰਜਾਬ ਦੇ ਸੀਨੀਅਰ ਸੈਕੰਡਰੀ ਸਕੂਲਾਂ ਵਿੱਚ ਭੂਗੋਲ (ਜੌਗਰਫ਼ੀ) ਦੇ ਵਿਸ਼ੇ ਦੇ ਲੈਕਚਰਾਰਾਂ ਦੀ ਘਾਟ ਨੂੰ ਪੂਰਾ ਕਰਨ ਅਤੇ ਵਿਸ਼ੇ ਦੀ ਅਹਿਮੀਅਤ ਨੂੰ ਦੇਖਦੇ ਹੋਏ ਜੌਗ਼ਰਫੀ ਪੋਸਟ ਗਰੈਜੂਏਟ ਟੀਚਰਜ਼ ਯੂਨੀਅਨ ਪੰਜਾਬ ਨੇ ਭਗਵੰਤ ਸਿੰਘ ਮਾਨ ਮੁੱਖ ਮੰਤਰੀ ਪੰਜਾਬ, ਹਰਜੋਤ ਸਿੰਘ ਬੈਂਸ ਸਿੱਖਿਆ ਮੰਤਰੀ ਪੰਜਾਬ ਅਤੇ ਸਿੱਖਿਆ ਵਿਭਾਗ ਪੰਜਾਬ (ਸਕੂਲਜ਼) ਦੇ ਉੱਚ ਅਧਿਕਾਰੀਆਂ ਨੂੰ ਗੁਰਦਿੱਤ ਸਿੰਘ ਸੇਖੋਂ ਵਿਧਾਇਕ ਹਲਕਾ ਫਰੀਦਕੋਟ ਵੱਲੋਂ ਸਿਫਾਰਿਸ਼ ਕੀਤਾ ਪੱਤਰ ਭੇਜ ਕੇ ਮੰਗ ਕੀਤੀ ਹੈ ਕਿ ਪੰਜਾਬ ਸਰਕਾਰ ਵੱਲੋਂ ਅਪਗ੍ਰੇਡ ਕੀਤੇ ਜਾ ਰਹੇ 405 ਐਮੀਨੈਂਸ ਸਕੂਲਾਂ (ਸਕੂਲ ਆਫ਼ ਐਕਸੀਲੈਂਸ) ਲਈ ਭੂਗੋਲ (ਜੌਗਰਫ਼ੀ) ਵਿਸ਼ੇ ਦੇ ਲੈਕਚਰਾਰਾਂ ਦੀਆਂ ਆਸਾਮੀਆਂ ਦਾ ਪ੍ਰਬੰਧ ਕੀਤਾ ਜਾਵੇ। ਜੱਥੇਬੰਦੀ ਦੇ ਸੂਬਾ ਪ੍ਰਧਾਨ ਲੈਕਚਰਾਰ ਸੁਖਜਿੰਦਰ ਸਿੰਘ ਸੁੱਖੀ ਅਤੇ ਸਕੱਤਰ ਲੈਕਚਰਾਰ ਸ਼ਮਸ਼ੇਰ ਸਿੰਘ ਸ਼ੈਰੀ ਨੇ ਦੱਸਿਆ ਕਿ ਮੌਜ਼ੂਦਾ ਸਮੇਂ ਪੰਜਾਬ ਦੇ ਕੁੱਲ 2023 ਸੀਨੀਅਰ ਸੈਕੰਡਰੀ ਸਕੂਲਾਂ ਲਈ ਲੈਕਚਰਾਰਾਂ ਦੀਆਂ ਕੁੱਲ ਮੰਨਜ਼ੂਰਸ਼ੁਦਾ 13252 ਆਸਾਮੀਆਂ ਵਿੱਚੋਂ ਜੌਗਰਫ਼ੀ ਵਿਸ਼ੇ ਦੀਆਂ ਕੇਵਲ 357 ਆਸਾਮੀਆਂ ਹੀ ਮੰਨਜ਼ੂਰ ਹਨ। ਜਿਸ ਵਿੱਚੋਂ 225 ਸਕੂਲਾਂ ਵਿੱਚ ਹੀ ਜੌਗਰਫ਼ੀ ਦੇ ਲੈਕਚਰਾਰ ਹਨ ਜਦੋਂਕਿ ਬਾਕੀ ਲਗਭਗ 1800 ਸਕੂਲਾਂ ਦੇ ਵਿਦਿਆਰਥੀ ਇਸ ਵਿਸ਼ੇ ਦੇ ਗਿਆਨ ਤੋਂ ਵਾਂਝੇ ਹਨ। ਵਿਸ਼ੇ ਦੀ ਮਹੱਤਤਾ ‘ਤੇ ਚਾਨਣਾ ਪਾਉਂਦੇ ਹੋਏ ਆਗੂਆਂ ਨੇ ਦੱਸਿਆ ਕਿ ਜੌਗਰਫ਼ੀ ਵਿਸ਼ੇ ਨੂੰ ਸਮੁੱਚੇ ਵਿਗਿਆਨ ਦੀ ਮਾਂ ਆਖਿਆ ਜਾਂਦਾ ਹੈ ਅਤੇ ਇਹ ਇੱਕ ਪ੍ਰਯੋਗੀ ਵਿਸ਼ਾ ਹੈ। ਇਸ ਵਿੱਚ ਧਰਤੀ, ਵਾਤਾਵਰਣ, ਪਰਬਤ, ਮੈਦਾਨ, ਵਰਖਾ, ਖੇਤੀਬਾੜੀ, ਭੂਚਾਲ, ਸੁਨਾਮੀ, ਜੌਗਰਾਫੀਕਲ ਇਨਫਰਮੇਸ਼ਨ ਸਿਸਟਮ, ਗਲੋਬਲ ਪੁਜ਼ੀਸ਼ਨਿੰਗ ਸਿਸਟਮ, ਰਿਮੋਟ ਸੈਂਸਿੰਗ, ਸਮੁੱਚੇ ਨਕਸ਼ਿਆਂ, ਕੁਦਰਤੀ ਸਰੋਤਾਂ ਅਤੇ ਮਨੁੱਖੀ ਜੀਵਨ ਬਾਰੇ ਵਿਦਿਆਰਥੀ ਡੂੰਘੀ ਦਿਲਚਸਪੀ ਲੈ ਕੇ ਗਿਆਨ ਹਾਸਲ ਕਰਦੇ ਹਨ। ਜਿਵੇਂ ਕਿ ਕੋਟਕਪੂਰਾ (ਫ਼ਰੀਦਕੋਟ) ਦੇ ਲੜਕੀਆਂ ਦੇ ਇੱਕੋ ਸਕੂਲ ਵਿੱਚ ਹੀ 11ਵੀਂ ਤੇ 12ਵੀਂ ਸ਼੍ਰੇਣੀਆਂ 500 ਵਿਦਿਆਰਥਣਾਂ ਨੇ ਜੌਗਰਫ਼ੀ ਵਿਸ਼ਾ ਪੜ੍ਹਿਆ। ਯੂ.ਪੀ.ਐੱਸ.ਸੀ ਵੱਲੋਂ ਭਾਰਤ ਪੱਧਰ ‘ਤੇ ਮੁਕਾਬਲੇ ਦੀਆਂ ਪ੍ਰੀਖਿਆਵਾਂ ਵਿੱਚ ਇਸ ਵਿਸ਼ੇ ਦੇ 30 ਤੋਂ 33 ਪ੍ਰਤੀਸ਼ਤ ਪ੍ਰਸ਼ਨ ਜੌਗਰਫ਼ੀ ਦੇ ਹੀ ਪੁੱਛੇ ਜਾਂਦੇ ਹਨ।

ਸੁਖਜਿੰਦਰ ਮਾਨ
ਬਠਿੰਡਾ, 19 ਸਤੰਬਰ: ਸਥਾਨਕ ਐਸ. ਐਸ.ਡੀ. ਗਰਲਜ਼ ਕਾਲਜ ਦੇ ਹੋਮ ਮਨੇਜਮੈਂਟ (ਗ੍ਰਹਿ ਪ੍ਰਬੰਧ) ਅਤੇ ਹੋਮ ਸਾਇੰਸ (ਗ੍ਰਹਿ ਵਿਗਿਆਨ) ਵਿਭਾਗ ਵੱਲੋਂ ਕਾਲਜ ਦੀ ਪ੍ਰਬੰਧ ਕਮੇਟੀ ਅਤੇ ਕਾਲਜ ਪਿ੍ਰੰਸੀਪਲ ਡਾ. ਨੀਰੂ ਗਰਗ ਦੀ ਅਗਵਾਈ ਹੇਠ ਸਰਕਾਰੀ ਸੀਨੀਅਰ ਸਕੈਂਡਰੀ ਸਕੂਲ ਭੋਖੜਾ ਵਿਖੇ ਕਿਸ਼ੋਰ ਅਵਸਥਾ ਵਿਚ ਸਿਹਤਮੰਦ ਭੋਜਨ, ਚੰਗੀ ਸਿਹਤ ਨੂੰ ਉਤਸ਼ਾਹਿਤ ਕਰਨ ਵਿਚ ਕੁੜੀਆਂ ਦੀ ਘਰੇਲੂ ਔਰਤ ਵਜੋਂ ਭੂਮਿਕਾ ਵਿਸ਼ੇ ਉੱਤੇ ਗਿਆਨਵਰਧਕ ਲੈਕਚਰ ਕਰਵਾਇਆ ਗਿਆ । ਇਹ ਲੈਕਚਰ ਰਾਸ਼ਟਰੀ ਪੋਸ਼ਣ ਮਹੀਨੇ ਦੇ ਸਬੰਧ ਵਿਚ ਕਰਵਾਇਆ ਗਿਆ । ਇਸ ਲੈਕਚਰ ਦੇ ਮੁੱਖ ਵਕਤਾ ਹੋਮ ਮਨੇਜਮੈਂਟ ਵਿਭਾਗ ਦੇ ਮੁੱਖੀ ਸ਼੍ਰੀਮਤੀ ਨੇਹਾ ਭੰਡਾਰੀ ਨੇ ਵਿਦਿਆਰਥੀਆਂ ਨੂੰ ਚੰਗੀਆਂ ਸਿਹਤ ਆਦਤਾਂ ਤੇ ਖਾਣ-ਪੀਣ ਪ੍ਰਤੀ ਸਫਾਈ ਨੂੰ ਅਪਣਾਉਣ ਲਈ ਉਤਸਾਹਿਤ ਕੀਤਾ। ਇਸ ਦੇ ਨਾਲ-ਨਾਲ ਉਹਨਾਂ ਨੇ ਇਕ ਘਰੇਲੂ ਔਰਤ ਵਜੋਂ ਆਪਣੀ ਅਤੇ ਆਪਣੇ ਭਾਈਚਾਰੇ ਦੀ ਚੰਗੀ ਸਿਹਤ ਲਈ ਕੁੜੀਆਂ ਦੀ ਅਹਿਮ ਭੂਮਿਕਾ ਨੂੰ ਵੀ ਦਿ੍ਰਸ਼ਟੀਗੋਚਰ ਕੀਤਾ । ਡਾ. ਜੋਤੀ ਰਾਣੀ, ਮੁੱਖੀ ਹੋਮ ਸਾਇੰਸ ਵਿਭਾਗ ਨੇ ਸਰੀਰ ਦੀ ਪ੍ਰਤੀਰੋਧਕ ਸ਼ਕਤੀ ਨੂੰ ਵਦਾਉਣ ਲਈ ਕੁਝ ਨੁਕਤੇ ਸਾਂਝੇ ਕੀਤੇ । ਕਾਲਜ ਦੀ ਬੀ.ਏ. ਭਾਗ ਤੀਜਾ ਦੀ ਵਿਦਿਆਰਥਣ ਰਤਨਜੋਤ ਕੌਰ ਨੇ ਸੰਤੁਲਿਤ ਭੋਜਨ ਬਾਰੇ ਆਪਣੇ ਵਿਚਾਰ ਸਾਂਝੇ ਕੀਤੇ । ਇਸ ਲੈਕਚਰ ਦੇ ਅੰਤ ਵਿਚ ਕਾਲਜ ਟੀਮ ਵੱਲੋਂ ਸਕੂਲੀ ਵਿਦਿਆਰਥੀਆਂ ਤੋਂ ਪ੍ਰਸ਼ਨ ਵੀ ਪੁੱਛੇ ਗਏ ਅਤੇ ਇਨਾਮ ਵੰਡੇ ਗਏ । ਸਰਕਾਰੀ ਸੀਨੀਅਰ ਸਕੈਂਡਰੀ ਸਕੂਲ ਭੋਖੜਾ ਦੇ ਪਿ੍ਰੰਸੀਪਲ ਸ਼੍ਰੀ ਕਿ੍ਰਸ਼ਨ ਕੁਮਾਰ ਗੁਪਤਾ ਅਤੇ ਸਮੂਹ ਸਟਾਫ਼ ਵੱਲੋਂ ਕਾਲਜ ਕਮੇਟੀ ਦਾ ਇਸ ਗਿਆਨਵਰਧਕ ਲੈਕਚਰ ਲਈ ਧੰਨਵਾਦ ਕੀਤਾ ਗਿਆ ।