ਪਟਿਆਲਾ, 21 ਜੁਲਾਈ: ਸਥਾਨਕ ਸ਼ਹਿਰ ਦੇ ਨਵੇਂ ਬੱਸ ਅੱਡੇ ’ਤੇ ਬੀਤੀ ਅੱਧੀ ਰਾਤ ਅਚਾਨਕ ਇੱਕ ਮਿੰਨੀ ਬੱਸ ਨੂੰ ਅੱਗ ਲੱਗਣ ਕਾਰਨ ਸੜ ਕੇ ਬੁਰੀ ਤਰ੍ਹਾਂ ਸਵਾਹ ਹੋਣ ਦੀ ਸੂਚਨਾ ਹੈ। ਇਸ ਘਟਨਾ ਵਿਚ ਇਸ ਮਿੰਨੀ ਬੱਸ ਦੇ ਆਸਪਾਸ ਖੜੀਆਂ ਕੁੱਝ ਹੋਰ ਬੱਸਾਂ ਵੀ ਅੱਗ ਦੀ ਚਪੇਟ ਵਿਚ ਆਉਣ ਕਾਰਨ ਨੁਕਸਾਨੀਆਂ ਗਈਆਂ। ਪ੍ਰੰਤੂ ਮੌਕੇ ’ਤੇ ਰਾਤ ਨੂੰ ਬੱਸ ਅੱਡੇ ਵਿਚ ਮੌਜੂਦ ਡਰਾਈਵਰਾਂ ਤੇ ਕੰਡਕਢਰਾਂ ਵੱਲੋਂ ਹਿੰਮਤ ਕਰਦਿਆਂ ਇੰਨ੍ਹਾਂ ਬੱਸਾਂ ਦੇ ਸੀਸੇ ਭੰਨ ਕੇ ਦੂੁਰ ਕੀਤਾ ਗਿਆ।
ਐਮ.ਪੀ ਸਰਬਜੀਤ ਸਿੰਘ ਖ਼ਾਲਸਾ ਵੱਲੋਂ ਨਵੀਂ ਸਿਆਸੀ ਪਾਰਟੀ ਬਣਾਉਣ ਦਾ ਐਲਾਨ!
ਸੂਚਨਾ ਮਿਲਣ ’ਤੇ ਫ਼ਾਈਰ ਬ੍ਰਿਗੇਡ ਦੀਆਂ ਗੱਡੀਆਂ ਵੀ ਮੌਕੇ ’ਤੇ ਪੁੱਜੀਆਂ ਅਤੇ ਕਾਫ਼ੀ ਮੁਸ਼ੱਕਤ ਬਾਅਦ ਅੱਗ ’ਤੇ ਕਾਬੂ ਪਾਇਆ ਗਿਆ। ਹਾਲੇ ਤੱਕ ਇਸ ਗੱਲ ਦੀ ਪੁਖ਼ਤਾ ਜਾਣਕਾਰੀ ਨਹੀਂ ਮਿਲ ਸਕੀ ਕਿ ਮਿੰਨੀ ਬੱਸ ਨੂੰ ਅੱਗ ਕਿਸ ਤਰ੍ਹਾਂ ਲੱਗੀ। ਘਟਨਾ ਦਾ ਪਤਾ ਲੱਗਣ ‘ਤੇ ਪੀਆਰਟੀਸੀ ਅਤੇ ਪੁਲਿਸ ਦੇ ਅਧਿਕਾਰੀ ਵੀ ਪੁੱਜੇ। ਇਸ ਸਬੰਧ ਵਿਚ ਸੋਸਲ ਮੀਡੀਆ ’ਤੇ ਵੀ ਬੱਸਾਂ ਨੂੰ ਅੱਗ ਲੱਗਣ ਦੀਆਂ ਵੀਡੀਓ ਵਾਈਰਲ ਹੋ ਰਹੀਆਂ ਹਨ। ਵਿਭਾਗ ਦੇ ਅਧਿਕਾਰੀਆਂ ਵੱਲੋਂ ਜਾਂਚ ਕੀਤੀ ਜਾ ਰਹੀ ਹੈ।
