Bathinda News: ਬਠਿੰਡਾ ਦੇ ਥਾਣਾ ਸਿਵਲ ਲਾਈਨ ਦੀ ਪੁਲਿਸ ਨੇ ਸਥਾਨਕ ਸ਼ਹਿਰ ਦੇ ਗਣੈਸ਼ ਨਗਰ ਦੀ ਇੱਕ ਔਰਤ ਦੇ ਬਿਆਨਾਂ ਉਪਰ ਉਸਦੇ ਵਿਦੇਸ਼ ਗਏ ਪੁੱਤਰ ਦੇ ਕਾਲਜ਼ ਦੀ ਜੀਆਈਸੀ ਤੇ ਇੱਕ ਫ਼ੀਸ ਦੱਬਣ ਦੇ ਦੋਸ਼ਾਂ ਹੇਠ ਮਾਨਸਾ ਦੇ ਟਰੈਵਲ ਏਜੰਟ ਵਿਰੁਧ ਧੋਖਾਧੜੀ ਦਾ ਪਰਚਾ ਦਰਜ਼ ਕੀਤਾ ਹੈ। ਪੀੜਤ ਔਰਤ ਵਨੀਤਾ ਰਾਣੀ ਪਤਨੀ ਮਨੋਹਰ ਲਾਲ ਭੰਡਾਰੀ ਨੇ ਐਸਐਸਪੀ ਨੂੰ ਸਿਕਾਇਤ ਦਿੱਤੀ ਸੀ। ਜਿਸਦੇ ਵਿਚ ਉਸਨੇ ਮਾਨਸਾ ਦੇ ਬੁਢਲਾਡਾ ਵਾਸੀ ਟਰੈਵਲ ਏਜੰਟ ਸਤਨਾਮ ਸਿੰਘ ਉਪਰ ਗੰਭੀਰ ਦੋਸ਼ ਲਗਾਏ ਸਨ। ਇਸ ਮਹਿਲਾ ਮੁਤਾਬਕ ਉਸਦੇ ਪੁੱਤਰ ਭੁਪਿੰਦਰ ਕੁਮਾਰ ਨੂੰ ਵਿਦੇਸ਼ ਭੇਜਣ ਲਈ ਸਤਨਾਮ ਸਿੰਘ ਨਾਲ 15 ਲੱਖ ਰੁਪਏ ਵਿਚ ਗੱਲ ਹੋਈ ਸੀ। ਜਿਸ ਵਿਚੋਂ ਜੀਆਈਸੀ ਲਈ 7 ਲੱਖ ਸਤਨਾਮ ਸਿੰਘ ਦੇ ਖਾਤੇ ਵਿਚ 5 ਦਸੰਬਰ 2023 ਨੂੰ ਪਾਏ ਸਨ।
ਇਹ ਵੀ ਪੜ੍ਹੋ ..ਤੇ ਬਠਿੰਡਾ ਦੇ ਡੀਸੀ ਦਫ਼ਤਰ ਦਾ ਚੌਕੀਦਾਰ ਹੀ ‘ਚੋਰ’ ਨਿਕਲਿਆ, ਇਸ ਅਫ਼ਸਰ ਦੇ ਦਫ਼ਤਰ ਨੂੰ ਲਗਾਈ ਸੰਨ੍ਹ
ਇਸਤੋਂ ਬਾਅਦ 2 ਲੱਖ ਰੁਪਏ 28 ਫ਼ਰਵਰੀ 2024 ਨੂੰ ਉਸਦੇ ਖਾਤੇ ਵਿਚ ਟ੍ਰਾਂਸਫ਼ਰ ਕੀਤੇ ਸਨ ਤੇ ਬਾਕੀ ਦੇ 6 ਲੱਖ ਰੁਪਏ ਨਗਰ ਦਿੱਤੇ ਸਨ। ਹਾਲਾਂਕਿ ਭੁਪਿੰਦਰ ਕੁਮਾਰ ਕੈਨੇਡਾ ਪੜਾਈ ਲਈ ਚਲਾ ਗਿਆ ਪ੍ਰੰਤੂ ਉਥੇ ਜਾ ਕੇ ਪਤਾ ਲੱਗਿਆ ਕਿ ਜੀਆਈਸੀ ਦੇ ਰੂਪ ਵਿਚ ਲਏ 7 ਲੱਖ ਅੱਗੇ ਨਹੀਂ ਂਭੇਜੇ ਗਏ ਤੇ ਲਿਖਤ ਮੁਤਾਬਕ ਵਿਦਿਆਰਥੀ ਦੀ ਇੱਕ ਸਾਲ ਦੀ ਫੀਸ ਦੀ ਬਜਾਏ ਸਿਰਫ਼ 6 ਮਹੀਨਿਆਂ ਦੀ ਫ਼ੀਸ ਅਦਾ ਕੀਤੀ ਗਈ। ਜਿਸਦੇ ਚੱਲਦੇ ਕਾਲਜ਼ ਵੱਲੋਂ ਭੁਪਿੰਦਰ ਨੂੰ ਨੋਟਿਸ ਕੱਢ ਦਿੱਤਾ ਗਿਆ। ਇਸ ਮਾਮਲੇ ਦੀ ਪੜਤਾਲ ਡੀਐਸਪੀ ਸਿਟੀ-2 ਵਲੋਂ ਕੀਤੀ ਗਈ ਤੇ ਪੜਤਾਲ ਵਿਚ ਲਗਾਏ ਦੋਸ਼ ਸਹੀ ਸਾਬਤ ਹੋਣ ’ਤੇ ਸਤਨਾਮ ਸਿੰਘ ਵਾਸੀ ਬੁਢਲਾਡਾ ਵਿਰੁਧ ਧੋਖਾਧੜੀ ਦਾ ਪਰਚਾ ਦਰਜ਼ ਕਰ ਲਿਆ ਗਿਆ ਹੈ।
👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਸਾਡੇ whatsapp & telegram group ਨਾਲ ਜੁੜੋਂ।
🛑https://chat.whatsapp.com/EK1btmLAghfLjBaUyZMcLK
🛑https://t.me/punjabikhabarsaarwebsite
☎ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 94642-76483 ‘ਤੇ ਸੰਪਰਕ ਕਰੋ।
