Bathinda News: Bathinda ਦੀ ਵਿਜੀਲੈਂਸ ਬਿਊਰੋ ਵੱਲੋ ਲੰਘੀ 5 ਫ਼ਰਵਰੀ ਨੂੰ ਪਿੰਡ ਕਾਲਝਰਾਣੀ ਦੀ ਮੌਜੂਦਾ ਮਹਿਲਾ ਸਰਪੰਚ ਅਤੇ ਆਪ ਦੀ ਸਾਬਕਾ ਮਹਿਲਾ ਵਿੰਗ ਦੀ ਪ੍ਰਧਾਨ ਸਤਵੀਰ ਕੌਰ ਵਿਰੁਧ ਭ੍ਰਿਸ਼ਟਾਚਾਰ ਦੇ ਦਰਜ਼ ਮਾਮਲੇ ਵਿਚ ਬਠਿੰਡਾ ਦੀ ਸੈਸ਼ਨ ਕੋਰਟ ਨੇ ਅਗਾਉਂ ਜਮਾਨਤ ਦੀ ਲਗਾਈ ਅਰਜ਼ੀ ਰੱਦ ਕਰ ਦਿੱਤੀ ਹੈ। ਪਰਚਾ ਦਰਜ਼ ਹੋਣ ਤੋਂ ਬਾਅਦ ਰੂਪੋਸ਼ ਚੱਲ ਰਹੀ ਇਸ ਮਹਿਲਾ ਸਰਪੰਚ ਵੱਲੋਂ ਪਿਛਲੇ ਦਿਨੀਂ ਇਹ ਜਮਾਨਤ ਦੀ ਅਰਜ਼ੀ ਲਗਾਈ ਗਈ ਸੀ, ਜਿਸਦੇ ਉੱਪਰ ਵਧੀਕ ਸੈਸ਼ਨ ਜੱਜ ਦੀ ਅਦਾਲਤ ਨੇ ਅਜ ਇਹ ਫੈਸਲਾ ਸੁਣਾਇਆ ਹੈ।
ਇਹ ਵੀ ਪੜ੍ਹੋ ਭੁੱਚੋਂ ਹਾਦਸਾ; ਗਰੀਬ ਪ੍ਰਵਾਰ ਦੇ ਹੱਕ ‘ਚ ਆਇਆ ਸਾਰਾ ਪਿੰਡ, ਕੌਮੀ ਮਾਰਗ ‘ਤੇ ਲਗਾਇਆ ਧਰਨਾ
ਉਧਰ, ਜਮਾਨਤ ਅਰਜ਼ੀ ਰੱਦ ਹੋਣ ਅਤੇ ਉੱਪਰੋਂ ਹਰੀ ਝੰਡੀ ਮਿਲਣ ਤੋਂ ਬਾਅਦ ਵਿਜੀਲੈਂਸ ਬਿਉਰ ਇਸ ਮਹਿਲਾ ਆਗੂ ਦੀ ਗ੍ਰਿਫਤਾਈ ਲਈ ਪੱਬਾਂ ਭਾਰ ਹੋ ਗਈ ਹੈ। ਜਿਕਰਯੋਗ ਹੈ ਕਿ ਵਿਜੀਲੈਂਸ ਕੋਲ ਜਤਿੰਦਰ ਸਿੰਘ ਨਾਂ ਦੇ ਨੌਜਵਾਨ ਨੇ ਸਿਕਾਇਤ ਦਿੱਤੀ ਸੀ,ਜਿਸਦੀ ਜਾਂਚ ਤੋਂ ਬਾਅਦ ਸਤਵੀਰ ਕੌਰ ਵਿਰੁਧ ਪੀਸੀ ਐਕਟ 1988 ਦੀ ਧਾਰਾ 7-ਏ ਤਹਿਤ ਮੁਕੱਦਮਾ ਦਰਜ਼ ਕੀਤਾ ਗਿਆ ਸੀ। ਮੁਦਈ ਜਤਿੰਦਰ ਸਿੰਘ ਮੁਤਾਬਕ ਉਸਦੇ ਵੱਲੋਂ ਨੌਕਰੀ ਲੱਗਣ ਦੇ ਲਈ ਮਹਿਲਾ ਆਗੂ ਸਤਵੀਰ ਕੌਰ ਨਾਲ ਸੰਪਰਕ ਕੀਤਾ ਗਿਆ ਸੀ, ਜਿਸਨੇ 24 ਜੁਲਾਈ 2023 ਨੂੰ ਪੰਜਾਬ ਸਾਬਕਾ ਫ਼ੌਜੀ ਨਿਗਮ ਦੇ ਰਾਹੀਂ ਆਉਟ ਸੋਰਸਿੰਗ ਸਕੀਮ ਦੇ ਵਿਚ ਪੰਜਾਬ ਰਾਜ ਵਣ ਵਿਕਾਸ ਨਿਗਮ ‘ਚ ਬਤੌਰ ਡਰਾਈਵਰ ਭਰਤੀ ਕਰਵਾ ਦਿੱਤਾ ਸੀ।
ਇਹ ਵੀ ਪੜ੍ਹੋ ਲੁਧਿਆਣਾ ‘ਚ ਫਰਜ਼ੀ ਸਕੂਲ ਦਾ ਪਰਦਾਫ਼ਾਸ; ਮਾਨਤਾ ਵਾਪਸ ਲੈਣ ਤੇ ਪਰਚਾ ਦਰਜ ਕਰਨ ਦੀ ਕਾਰਵਾਈ ਆਰੰਭੀ
ਪ੍ਰੰਤੂ ਇਸਦੇ ਬਦਲੇ ਜੰਗਲਾਤ ਨਿਗਮ ਦੇ ਚੇਅਰਮੈਨ ਰਾਕੇਸ਼ ਪੁਰੀ ਅਤੇ ਮਹਿਲਾ ਆਗੂ ਸਤਵੀਰ ਕੌਰ ਵੱਲੋਂ ਪ੍ਰਤੀ ਮਹੀਨਾ 10 ਹਜ਼ਾਰ ਰੁਪਏ ਦੀ ਮੰਗ ਕੀਤੀ ਗਈ ਤੇ ਬਾਅਦ ਵਿਚ 8500 ਰੁਪਏ ਪ੍ਰਤੀ ਮਹੀਨਾ ‘ਤੇ ਗੱਲ ਸੈਟਲ ਹੋਈ। ਪ੍ਰੰਤੂ ਬਾਅਦ ਵਿਚ ਜਦ ਉਸਦੇ ਵੱਲੋਂ ਇਹ ਪੈਸੇ ਦੇਣ ਤੋਂ ਇੰਨਕਾਰ ਕਰ ਦਿੱਤਾ ਗਿਆ ਤਾਂ ਉਸਨੂੰ ਨੌਕਰੀ ਤੋਂ ਹਟਾ ਦਿੱਤਾ ਗਿਆ। ਪਰ ਇਸ ਦੌਰਾਨ ਤਨਖਾਹ ਵਿਚੋਂ ਰਿਸ਼ਵਤ ਦੇ ਪੈਸੇ ਮੰਗਣ ਦੀਆਂ ਆਡੀਓ ਅਤੇ ਵੀਡੀਓ ਜਤਿੰਦਰ ਸਿੰਘ ਵੱਲੋਂ ਸਬੂਤ ਵਜੋਂ ਬਣਾ ਲਈਆਂ ਗਈਆਂ ਸਨ।
👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਹੇਠ ਦਿੱਤੇ Link ਉੱਪਰ Click ਕਰੋ।
Whatsapp Channel 👉 🛑https://whatsapp.com/channel/0029VbBYZTe89inflPnxMQ0A
Whatsapp Group👉 🛑https://chat.whatsapp.com/EK1btmLAghfLjBaUyZMcLK
Telegram Channel👉 🛑https://t.me/punjabikhabarsaarwebsite
☎ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 98786-15057 ‘ਤੇ ਸੰਪਰਕ ਕਰੋ।
