Mansa News: ਬਚਪਨ ਤੋਂ ਆਰਥਿਕ ਤੰਗਹਾਲੀ ਨਾਲ ਸੰਘਰਸ਼ ਕਰਦੀਆਂ ਆ ਰਹੀਆਂ ਬੁਢਲਾਡਾ ਦੀਆਂ ਤਿੰਨ ਭੈਣਾਂ ਦੀ ਮਿਹਨਤ ਰੰਗ ਲਿਆਈ ਹੈ। ਰਿੰਪੀ ਕੌਰ, ਬੇਅੰਤ ਕੌਰ ਅਤੇ ਹਰਦੀਪ ਕੌਰ ਨਾਂ ਦੀਆਂ ਇੰਨ੍ਹਾਂ ਤਿੰਨਾਂ ਭੈਣਾਂ ਨੇ ਇਕੱਠਿਆਂ ਹੀ University Grants Commission ਦੀ National Eligibility Test (UGC-NET) ਕਲੀਅਰ ਕਰਕੇ ਆਪਣੇ ਬੁਲੰਦ ਹੌਸਲੇ ਅਤੇ ਮਿਹਨਤ ਨਾਲ ਇਤਿਹਾਸ ਰਚ ਦਿੱਤਾ ਹੈ।
ਇਹ ਵੀ ਪੜ੍ਹੋ ਕਰ ਲਿਓ ਘਿਓ ਨੂੰ ਭਾਂਡਾ; ਬਠਿੰਡਾ ‘ਚ ਚੋਰਾਂ ਵੱਲੋਂ ਸਰਕਾਰੀ ਬੱਸ ਚੋਰੀ ਕਰਨ ਦੀ ਕੋਸ਼ਿਸ਼
ਗੁਰੂ ਨਾਨਕ ਕਾਲਜ, ਬੁਢਲਾਢਾ ਦੀਆਂ ਵਿਦਿਆਰਥਣਾਂ ਰਹੀਆਂ ਇੰਨ੍ਹਾਂ ਭੈਣਾਂ ਦੇ ਪਿਤਾ ਬਿੱਕਰ ਸਿੰਘ ਪਿੰਡ ਦੇ ਗੁਰਦੂਆਰਾ ਸਾਹਿਬ ਵਿਚ ਗਰੰਥੀ ਹਨ ਤੇ ਮਾਤਾ ਮਨਜੀਤ ਕੌਰ ਖੇਤਾਂ ਵਿਚ ਮਜਦੂਰੀ ਕਰਦੀ ਹੈ। ਆਰਥਿਕ ਮੰਦਹਾਲੀ ਨੇ ਇੰਨ੍ਹਾਂ ਦੇ ਥਾਂ-ਥਾਂ ਰਾਸਤੇ ਰੋਕ ਪ੍ਰੰਤੂ ਦ੍ਰਿੜ ਨਿਸਚੇ ਨੇ ਰੁਕਾਵਟਾਂ ਨੂੰ ਪਾਰ ਕਰਨ ਵਿਚ ਹਮੇਸ਼ਾ ਮੱਦਦ ਕੀਤੀ। ਰਿੰਪੀ (ਉਮਰ 28), ਨੇ ਕੰਪਿਊਟਰ ਸਾਇੰਸ, ਬੇਅੰਤ (26) ਨੇ ਇਤਿਹਾਸ ਅਤੇ ਹਰਦੀਪ (23) ਨੇ ਪੰਜਾਬੀ ਵਿਸ਼ੇ ਵਿੱਚ ਇਹ ਪ੍ਰੀਖਿਆ ਪਾਸ ਕੀਤੀ ਹੈ। ਇਸ ਪਰਿਵਾਰ ਨੇ ਆਰਥਿਕ ਤੰਗੀ ਦੇ ਬਾਵਜੂਦ ਕਦੇ ਵੀ ਆਪਣੀਆਂ ਧੀਆਂ ਦੀ ਸਿੱਖਿਆ ਤੋਂ ਮੂੰਹ ਨਹੀਂ ਮੋੜਿਆ।
ਇਹ ਵੀ ਪੜ੍ਹੋ ਸ਼ਰਮਨਾਕ ਕਾਰਾ; ਕਬੂਤਰ ਚੋਰੀ ਦੇ ਦੋਸ਼ਾਂ ਹੇਠ 13 ਸਾਲਾਂ ਬੱਚੇ ਦਾ ਕੀਤਾ ਕ+ਤ+ਲ
ਹੁਣ ਇਹ ਹੌਣਹਾਰ ਧੀਆਂ ਅਸਿਸਟੈਂਟ ਪ੍ਰੋਫੈਸਰ ਬਣਨ ਦੀ ਯੋਗਤਾ ਪਾਸ ਕਰ ਚੁੱਕੀਆਂ ਹਨ। ਉਧਰ, ਅਖਬਾਰਾਂ ਤੇ ਸੋਸਲ ਮੀਡੀਆਂ ਵਿਚ ਕੇਂਦਰ ਬਿੰਦੂ ਬਣੀਆਂ ਇੰਨ੍ਹਾਂ ਹੌਣਹਾਰਾਂ ਭੈਣਾਂ ਨੂੰ ਬਠਿੰਡਾ ਹਲਕੇ ਤੋਂ ਐਮ਼ਪੀ ਹਰਸਿਮਰਤ ਕੌਰ ਬਾਦਲ ਨੇ ਵੀ ਵਧਾਈ ਦਿੱਤੀ ਹੈ। ਉਨ੍ਹਾਂ ਆਪਣੇ ਸੋਸਲ ਮੀਡੀਆ ‘ਤੇ ਲਿਖਿਆ ਹੈਕਿ “ਰਿੰਪੀ, ਬੇਅੰਤ ਅਤੇ ਹਰਦੀਪ ਵਾਂਗ ਧੀਆਂ ਨੇ ਸਾਬਤ ਕਰ ਦਿੱਤਾ ਕਿ ਜੇ ਨਿਸ਼ਚਾ ਹੋਵੇ ਤਾਂ ਕੋਈ ਰੁਕਾਵਟ ਰਾਹ ਨਹੀਂ ਰੋਕੇਗੀ। ਇਹ ਤਿੰਨੋਂ ਧੀਆਂ ਸਿਰਫ਼ ਆਪਣੇ ਮਾਪਿਆਂ ਲਈ ਹੀ ਨਹੀਂ, ਸਗੋਂ ਪੂਰੇ ਪੰਜਾਬ ਲਈ ਮਾਣ ਹਨ।”
👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਸਾਡੇ whatsapp & telegram group ਨਾਲ ਜੁੜੋਂ।
🛑https://chat.whatsapp.com/EK1btmLAghfLjBaUyZMcLK
🛑https://t.me/punjabikhabarsaarwebsite
☎ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 94642-76483 ‘ਤੇ ਸੰਪਰਕ ਕਰੋ।
