ਬਟਾਲਾ, 15 ਜੁਲਾਈ: ਸੋਮਵਾਰ ਦੁਪਿਹਰ ਸਮੇਂ ਇੱਥੇ ਇਕ ਪੈਟਰੋਲ ਪੰਪ ਦੇ ਨੇੜੇ ਵਾਪਰੇ ਇੱਕ ਦਰਦਨਾਕ ਹਾਦਸੇ ਦੇ ਵਿਚ ਇੱਕ ਸਕੂਲੀ ਵਿਦਿਆਰਥੀਦੀ ਮੌਤ ਹੋ ਗਈ ਜਦੋਂਕਿ ਦੂਜਾ ਵੀ ਗੰਭੀਰ ਰੂਪ ਵਿਚ ਜਖਮੀ ਹੋ ਗਿਆ। ਘਟਨਾ ਤੋਂ ਬਾਅਦ ਮ੍ਰਿਤਕ ਵਿਦਿਆਰਥੀ ਦੀ ਲਾਸ਼ ਨੂੰ ਹਸਪਤਾਲ ਦੇ ਮੁਰਦਾਘਰ ਵਿਚ ਰਖ਼ਵਾਈ ਗਈ ਹੈ। ਮ੍ਰਿਤਕ ਨੌਜਵਾਨ ਦੀ ਪਹਿਚਾਣ ਸਾਹਬਾਜ਼ ਸਿੰਘ ਪੁੱਤਰ ਕੁਲਵੰਤ ਵਾਸੀ ਬਹਾਦਰ ਸੈਣ ਵਜੋਂ ਹੋਈ ਹੈ। ਉਹ ਆਪਣੇ ਮਾਪਿਆਂ ਦਾ ਇਕਲੌਤਾ ਪੁੱਤਰ ਹੈ। ਉਹ ਬਟਾਲਾ ਦੇ ਇੱਕ ਸਕੂਲ ਵਿਚ ਦਸਵੀਂ ਜਮਾਤ ’ਚ ਪੜਦਾ ਸੀ।
ਕੋਰਟ ਦੇ ਪਿਆਦੇ ਤੋਂ ਸਿਕਾਇਤ ਵਾਪਸ ਲੈਣ ਬਦਲੇ ਡੇਢ ਲੱਖ ਲੈਂਦਾ ਪ੍ਰਾਈਵੇਟ ਟਾਈਪਿਸਟ ਵਿਜੀਲੈਂਸ ਨੇ ਦਬੋਚਿਆ
ਘਟਨਾ ਸਮੇਂ ਉਹ ਆਪਣੇ ਸਕੂਟਰ ’ਤੇ ਸਕੂਲੋਂ ਵਾਪਸ ਆ ਰਿਹਾ ਸੀ ਤੇ ਪੰਪ ’ਤੇ ਤੇਲ ਪਵਾਊਣ ਤੋਂ ਬਾਅਦ ਸੜਕ ’ਤੇ ਨਿਕਲਿਆ। ਇਸ ਦੌਰਾਨ ਅੱਗੇ ਤੋਂ ਇੱਕ ਬੁਲੇਟ ਸਵਾਰ ਨੌਜਵਾਨ ਆ ਗਿਆ ਤੇ ਦੋਨਾਂ ਦੀ ਆਹਮੋ-ਸਾਹਮਣੇ ਟੱਕਰ ਹੋ ਗਈ। ਇਹ ਟੱਕਰ ਇੰਨ੍ਹੀ ਭਿਆਨਕ ਸੀ ਕਿ ਸਾਹਬਾਜ਼ ਸਿੰਘ ਦੀ ਮੌਕੇ ’ਤੇ ਮੌਤ ਹੋ ਗਈ। ਜਦੋਂਕਿ ਦੂਜਾ ਨੌਜਵਾਨ ਜੋਕਿ ਇੱਕ ਕਾਲਜ਼ ਦਾ ਵਿਦਿਆਰਥੀ ਰਣਵੀਰ ਸਿੰਘ ਦਸਿਆ ਜਾ ਰਿਹਾ ਸੀ, ਵੀ ਗੰਭੀਰ ਰੂਪ ਵਿਚ ਜਖ਼ਮੀ ਹੋ ਗਿਆ ਸੀ।
