Bathinda News: ਪੰਜਾਬੀ ਸਾਹਿਤ ਸਭਾ ਰਜਿ ਬਠਿੰਡਾ ਦੀ ਮਾਸਿਕ ਇਕੱਤਰਤਾ ਸਭਾ ਦੇ ਪ੍ਰਧਾਨ ਜਸਪਾਲ ਮਾਨਖੇੜਾ ਦੀ ਪ੍ਰਧਾਨਗੀ ਹੇਠ ਹੋਈ। ਜਿਸ ਵਿਚ ਰਚਨਾਵਾਂ ਦਾ ਭਖਵਾਂ ਦੌਰ ਚੱਲਿਆ। ਅਗਾਜ਼ ਜਸਵਿੰਦਰ ਸੁਰਗੀਤ ਦੀ ਕਹਾਣੀ ‘ਬੀਬੀ ਜੀ ਇੱਕ ਮੌਕਾ’ ਨਾਲ ਹੋਇਆ। ਬਲਵਿੰਦਰ ਸਿੰਘ ਭੁੱਲਰ ਨੇ ‘ਸ਼ੀਸ਼ਾ ਸੱਚ ਬੋਲਦਾ ਹੈ’, ਰਮੇਸ਼ ਗਰਗ ਨੇ ‘ਮਜ਼ਦੂਰ ਦਿਵਸ’ ਮਿੰਨੀ ਕਹਾਣੀਆਂ ਪੇਸ਼ ਕੀਤੀਆਂ।
ਇਹ ਵੀ ਪੜ੍ਹੋ ਸੜਕਾਂ ਤੇ ਰੇਲ੍ਹਾਂ ਰੋਕਣ ਵਾਲਿਆਂ ਲਈ ਮੁੱਖ ਮੰਤਰੀ ਭਗਵੰਤ ਮਾਨ ਦਾ ਵੱਡਾ ਐਲਾਨ
ਮਨਜੀਤ ਸਿੰਘ ਜੀਤ ਨੇ ਸਵੈ ਜੀਵਨੀ ‘ਯਾਦਾਂ ਦੀਆਂ ਉਦਾਸ ਗਲੀਆਂ’ ਦਾ ਚੈਪਟਰ ਪੜ੍ਹਿਆ।ਦਮਜੀਤ ਦਰਸ਼ਨ ਨੇ ਮਰਹੂਮ ਭੂਰਾ ਸਿੰਘ ਕਲੇਰ ਦਾ ਕਾਵਿ ਚਿੱਤਰ ਸਰੋਤਿਆਂ ਦੇ ਰੂਬਰੂ ਕੀਤਾ। ਅਮਨਦੀਪ ਕੌਰ ਮਾਨ ਨੇ ਦੋ ਕਵਿਤਾਵਾਂ,ਤੇਜਾ ਸਿੰਘ ਪ੍ਰੇਮੀ ਨੇ ਕਵਿਤਾ,ਕਮਲ ਬਠਿੰਡਾ ਨੇ ਪਹਿਲਗਾਮ ਦੇ ਸ਼ਹੀਦ ਆਦਿਲ ਨੂੰ ਸਮਰਪਿਤ ਕਵਿਤਾ ‘ਸਲਾਮ’ ਪੇਸ਼ ਕੀਤੀ। ਹਰਬੰਸ ਲਾਲ ਗਰਗ ਨੇ ਇੱਕ ਗੀਤ ਜਸਪਾਲ ਮਾਨਖੇੜਾ ਨੇ ਕਾਵਿ ਕਥਾ ਅਤੇ ਰਣਬੀਰ ਰਾਣਾ, ਕੁਲਦੀਪ ਬੰਗੀ ਨੇ ਗ਼ਜ਼ਲਾਂ ਪੇਸ਼ ਕੀਤੀਆਂ।
ਇਹ ਵੀ ਪੜ੍ਹੋ ਪਾਣੀਆਂ ਦਾ ਮੁੱਦਾ; ਪੰਜਾਬ ਵਿਧਾਨ ਸਭਾ ਦਾ ਵਿਸ਼ੇਸ ਇਜਲਾਸ਼ ਸ਼ੁਰੂ; ਲਿਆਂਦਾ ਵਿਸ਼ੇਸ ਮਤਾ,ਦੇਖੋ ਲਾਈਵ
ਇਨ੍ਹਾਂ ਰਚਨਾਵਾਂ ਉਪਰ ਕਾ. ਜਰਨੈਲ ਭਾਈਰੂਪਾ, ਲਛਮਣ ਮਲੂਕਾ, ਦਮਜੀਤ ਦਰਸ਼ਨ, ਬਲਵਿੰਦਰ ਸਿੰਘ ਭੁੱਲਰ, ਜਸਪਾਲ ਮਾਨਖੇੜਾ ਨੇ ਵਿਚਾਰ ਚਰਚਾ ਕੀਤੀ।ਇਸ ਮੀਟਿੰਗ ਵਿੱਚ ਨਵ-ਨਿਯੁਕਤ ਕਾਲਜ ਅਧਿਆਪਕਾਂ ਨੂੰ ਜੀ ਆਇਆਂ ਕਹਿਣ ਲਈ ਟੀਚਰਜ਼ ਹੋਮ ਨਾਲ ਮਿਲ ਕੇ ਕੀਤੇ ਜਾਣ ਵਾਲੇ ਸਮਾਗਮ ਬਾਰੇ ਵੀ ਵਿਚਾਰ ਵਟਾਂਦਰਾ ਕੀਤਾ ਗਿਆ। ਅਮਰ ਸਿੰਘ ਸਿੱਧੂ ਅਤੇ ਅਮਰਜੀਤ ਸਿੰਘ ਸਿੱਧੂ ਨੇ ਵੀ ਇਸ ਮੀਟਿੰਗ ਵਿੱਚ ਹਿੱਸਾ ਲਿਆ।
👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਸਾਡੇ whatsapp group & telegram group ਨਾਲ ਜੁੜੋਂ।
🛑https://chat.whatsapp.com/EK1btmLAghfLjBaUyZMcLK
🛑https://t.me/punjabikhabarsaarwebsite
☎️ ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 94642-76483 ‘ਤੇ ਸੰਪਰਕ ਕਰੋ।
