Bathinda News: ਬਠਿੰਡਾ ਦੀ ਸਿਆਸਤ ਵਿਚ ਮੁੜ ਭੁਚਾਲ ਆਇਆ ਦਿਖਾਈ ਦੇ ਰਿਹਾ। ਵਿਰੋਧੀ ਕੌਂਸਲਰਾਂ ਵੱਲੋਂ ਸੀਨੀਅਰ ਡਿਪਟੀ ਮੇਅਰ ਅਸੋਕ ਪ੍ਰਧਾਨ ਵਿਰੁਧ ਦਿੱਤੇ ਬੇ-ਭਰੋਸਗੀ ਦੇ ਮਤੇ ਉਪਰ ਹੋਣ 2 ਮਈ ਨੂੰ ਵੋਟਿੰਗ ਹੋਣ ਜਾ ਰਹੀ ਹੈ। ਮੇਅਰ, ਡਿਪਟੀ ਮੇਅਰ ਤੇ ਐਫ ਸੀਸੀ ਮੈਂਬਰਾਂ ਤੋਂ ਬਾਅਦ ਕਾਂਗਰਸ ਕੋਲ ਨਗਰ ਨਿਗਮ ਦੇ ਵਿਚ ਹੁਣ ਸੀਨੀਅਰ ਡਿਪਟੀ ਮੇਅਰ ਦਾ ਅਹੁੱਦਾ ਹੀ ਬਚਿਆ ਹੈ, ਜਿਸਨੂੰ ਖੋਹਣ ਲਈ ਵਿਰੋਧੀ ਕਾਹਲੇ ਪਏ ਹੋਏ ਹਨ। ਇਸ ਦੌਰਾਨ ਕੌਂਸਲਰਾਂ ਦੀ ਵੁੱਕਤ ਵਧੀ ਹੋਈ ਹੈ ਤੇ ਦੋਨੇਂ ਧਿਰਾਂ ਵੱਧ ਤੋਂ ਵੱਧ ਕੌਂਸਲਰਾਂ ਨੂੰ ਆਪੋ-ਆਪਣੈ ਪਾਲੇ ਵਿਚ ਖਿੱਚਣ ਲਈ ਕਾਹਲੀਆਂ ਪਈਆਂ ਹੋਈਆਂ ਹਨ।
ਇਹ ਵੀ ਪੜ੍ਹੋ 2 ਮਈ ਨੂੰ ਹੋਵੇਗਾ ਅਸ਼ੋਕ ਪ੍ਰਧਾਨ ਦੀ ‘ਕਿਸਮਤ’ ਦਾ ਫੈਸਲਾ, ਦੋਨਾਂ ਧਿਰਾਂ ’ਚ ਜੋਰ-ਅਜਮਾਇਸ਼ ਜਾਰੀ
ਹਾਲਾਂਕਿ ਸ਼ਹਿਰ ਵਿਚ ਚਰਚਾ ਕਈ ਤਰ੍ਹਾਂ ਦੀਆਂ ਚੱਲ ਰਹੀਆਂ ਹਨ ਪ੍ਰੰਤੂ ਜਨਤਕ ਤੌਰ ’ਤੇ ਡਿੰਨਰ ਡਿਪਲੋਮੇਸੀ ਹੀ ਸਾਹਮਣੇ ਆਈ ਹੈ। ਵਿਰੋਧੀਆਂ ਵੱਲੋਂ ਲਗਾਤਾਰ ਲਗਾਏ ਜਾ ਰਹੇ ਸਿਆਸੀ ‘ਸੰਨ’ ਨੂੰ ਰੋਕਣ ਲਈ ਕਾਂਗਰਸ ਵੱਲੋਂ ਧੜਾ-ਧੜ ਬਾਗੀ ਕੌਂਸਲਰਾਂ ਵਿਰੁਧ ਕਾਰਵਾਈ ਕੀਤੀ ਜਾ ਰਹੀ ਹੈ। ਇਸੇ ਤਹਿਤ ਮਹਿਲਾ ਕੌਂਸਲਰ ਕਮਲਜੀਤ ਕੌਰ ਦੇ ਪਤੀ ਤੇ ਕਾਂਗਰਸੀ ਆਗੂ ਚਰਨਜੀਤ ਸਿੰਘ ਭੋਲਾ ਅਤੇ ਉਸਤੋਂ ਬਾਅਦ ਬਲਾਕ ਕਾਂਗਰਸ 2 ਦੇ ਕਾਰਜ਼ਕਾਰੀ ਪ੍ਰਧਾਨ ਤੇ ਮਹਿਲਾ ਕੌਂਸਲਰ ਪੁਸ਼ਪਾ ਰਾਣੀ ਦੇ ਪਤੀ ਵਿਪਨ ਮਿੱਤੂ ਨੂੰ ਪਾਰਟੀ ਵਿਚੋਂ ਮੁਅੱਤਲ ਕਰ ਦਿੱਤਾ ਹੈ।
ਕਾਂਗਰਸ ਲੀਡਰਸ਼ਿਪ ਨੂੰ ਹਾਲੇ ਵੀ ਡਰ ਸਤਾ ਰਿਹਾ ਹੈ, ਜਿਸਦੇ ਚੱਲਦੇ ਜਿੱਥੇ ਉਸਦੇ ਵੱਲੋਂ ਦਬਕਾ ਨੀਤੀ ਅਪਣਾਈ ਜਾ ਰਹੀ ਹੈ, ਉਥੇ ਪਿਆਰ ਤੇ ਵਫ਼ਾਦਾਰੀ ਦਾ ਸੰਦੇਸ਼ ਵੀ ਪੜਾਇਆ ਜਾ ਰਿਹਾ। ਇਹ ਸੰਦੇਸ਼ ਕਾਂਗਰਸ ਦੇ ਜ਼ਿਲ੍ਹਾ ਪ੍ਰਧਾਨ ਰਾਜਨ ਗਰਗ ਵੱਲੋਂ ਚਿੱਠੀਆਂ ਰਾਹੀਂ ਕਾਂਗਰਸ ਦੇ ਚੋਣ ਨਿਸ਼ਾਨ ’ਤੇ ਜਿੱਤੇ ਸਮੂਹ ਕੌਂਸਲਰਾਂ ਨੂੰ ਭੇਜੇ ਗਏ ਹਨ, ਜਿਸ ਵਿਚ ਪਾਰਟੀ ਦੇ ਆਗੂ ਤੇ ਸੀਨੀਅਰ ਡਿਪਟੀ ਮੇਅਰ ਅਸੋਕ ਕੁਮਾਰ ਦੇ ਹੱਕ ਵਿਚ ਭੁਗਤਣ ਦੀ ਅਪੀਲ ਕੀਤੀ ਗਈ ਹੈ। ਹਾਲਾਂਕਿ ਇੰਨ੍ਹਾਂ ਚਿੱਠੀਆਂ ਦਾ ਕੌਂਸਲਰਾਂ ਉਪਰ ਕਿੰਨਾਂ ਕੁ ਅਸਰ ਹੁੰਦਾ ਹੈ, ਉਹ 2 ਮਈ ਨੂੰ ਵੋਟਿੰਗ ਵਾਲੇ ਦਿਨ ਹੀ ਪਤਾ ਲੱਗੇਗਾ।
ਇਹ ਵੀ ਪੜ੍ਹੋ ਅੱਧੀ ਦਰਜ਼ਨ ਪੁਲਿਸ ਮੁਲਾਜਮਾਂ ਨੂੰ ਅਦਾਲਤ ਦਾ ਵੱਡਾ ਝਟਕਾ; ਕਰਨਾ ਪਏਗਾ ਪਏਗਾ ਪੌਲੀਗ੍ਰਾਫ ਟੈਸਟ ਦਾ ਸਾਹਮਣਾ
ਚਰਚਾ ਮੁਤਾਬਕ ਕਈ ਕੌਂਸਲਰਾਂ ਵੱਲੋਂ ਜ਼ਿਲ੍ਹਾਂ ਲੀਡਰਸ਼ਿਪ ਨੂੰ ਸਪੱਸ਼ਟ ਇਸ਼ਾਰਾ ਕੀਤਾ ਗਿਆ ਹੈ ਕਿ ਉਹ ਸੀਨੀਅਰ ਡਿਪਟੀ ਮੇਅਰ ਦੀ ਕੁਰਸੀ ’ਤੇ ਬਿਰਾਜ਼ਮਾਨ ਆਗੂ ਨਾਲ ‘ਸਿਆਸੀ’ ਸਬੰਧ ਠੀਕ ਨਾ ਹੋਣ ਕਰਕੇ ਉਸਦੇ ਹੱਕ ਵਿਚ ਵੋਟ ਨਹੀਂ ਪਾਉਣਗੇ ਪ੍ਰੰਤੂ ਨਾਲ ਇਹ ਵੀ ਕਿਹਾ ਹੈ ਕਿ ਉਹ ਉਲਟ ਵੋਟ ਵੀ ਨਹੀਂ ਪਾਉਣਗੇ। ਇਸੇ ਤਰ੍ਹਾਂ ਕਈ ਕੌਂਸਲਰਾਂ ਨੇ ਜ਼ਿਲ੍ਹਾ ਲੀਡਰਸ਼ਿਪ ਦੀਆਂ ਅਪੀਲਾਂ ਨੂੰ ਦਰਕਿਨਾਰ ਕਰਦਿਆਂ ਖੁੱਲ ਕੇ ਦੂਜੇ ਪਾਸੇ ਭੁਗਤਣ ਦਾ ਐਲਾਨ ਕਰ ਦਿੱਤਾ ਹੈ।
👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਸਾਡੇ whatsapp group & telegram group ਨਾਲ ਜੁੜੋਂ।
🛑https://chat.whatsapp.com/EK1btmLAghfLjBaUyZMcLK
🛑https://t.me/punjabikhabarsaarwebsite
☎️ ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 94642-76483 ‘ਤੇ ਸੰਪਰਕ ਕਰੋ।
