ਬਠਿੰਡਾ, 28 ਸਤੰਬਰ : ਡਿਪਟੀ ਕਮਿਸ਼ਨਰ ਸ੍ਰੀ ਸ਼ੌਕਤ ਅਹਿਮਦ ਪਰੇ ਨੇ ਦੱਸਿਆ ਕਿ ਜ਼ਿਲੇ ਅਧੀਨ ਪੈਂਦੇ ਬਲਾਕ ਬਠਿੰਡਾ ਦੇ 10 ਪਿੰਡਾਂ ਦੀਆਂ ਗ੍ਰਾਮ ਪੰਚਾਇਤਾਂ (ਭੀਸੀਆਣਾ, ਵਿਰਕ ਕਲਾਂ, ਵਿਰਕ ਖੁਰਦ, ਬੁਰਜ ਮਹਿਮਾ, ਦਿਉਣ, ਦਿਉਣ ਖੁਰਦ, ਬੁਲਾਡੇ ਵਾਲਾ, ਬਹਿਮਣ ਦੀਵਾਨਾ, ਬਸਤੀ ਬਾਜੀਗਰ ਅਤੇ ਪਿੰਡ ਬੁੱਲੂਆਣਾ) ਲਈ ਨਾਮਜ਼ਦਗੀ ਪੱਤਰ ਦਾਖਲ ਕਰਵਾਉਣ ਦਾ ਸਥਾਨ ਬਦਲ ਕੇ ਦਫਤਰ ਲਾਈਨਿੰਗ ਮੰਡਲ ਨੰਬਰ 8, ਪਜਸਪਵਨ ਗੋਨਿਆਣਾ ਰੋਡ, ਨੇੜੇ ਰੋਜ ਗਾਰਡਨ, ਬਠਿੰਡਾ ਕਰ ਦਿੱਤਾ ਹੈ।
ਪੰਚਾਇਤ ਚੋਣਾਂ:ਪ੍ਰਤਾਪ ਸਿੰਘ ਬਾਜਵਾ ਦੀ ਅਗਵਾਈ ਹੇਠ ਕਾਂਗਰਸ ਦਾ ਵਫ਼ਦ ਰਾਜ ਚੋਣ ਕਮਿਸ਼ਨਰ ਨੂੰ ਮਿਲਿਆ
ਡਿਪਟੀ ਕਮਿਸ਼ਨਰ ਨੇ ਦੱਸਿਆ ਕਿ ਪਹਿਲਾ ਉਕਤ ਪਿੰਡਾਂ ਦੀਆਂ ਪੰਚਾਇਤਾਂ ਲਈ ਨਾਮਜ਼ਦਗੀ ਪੱਤਰ ਦਾਖਲ ਕਰਨ ਦਾ ਸਥਾਨ ਦਫ਼ਤਰ ਬਲਾਕ ਵਿਕਾਸ ਅਤੇ ਪੰਚਾਇਤ ਅਫਸਰ, ਬਠਿੰਡਾ ਦੀ ਇਮਾਰਤ ਨਿਰਧਾਰਤ ਕੀਤੀ ਗਈ ਸੀ।ਉਹਨਾਂ ਉਮੀਦਵਾਰਾਂ ਨੂੰ ਅਪੀਲ ਕਰਦਿਆਂ ਕਿਹਾ ਕਿ ਉਹ ਹੁਣ ਦਫਤਰ ਲਾਈਨਿੰਗ ਮੰਡਲ ਨੰਬਰ 8, ਪਜਸਪਵਨ ਗੋਨਿਆਣਾ ਰੋਡ, ਨੇੜੇ ਰੋਜ ਗਾਰਡਨ ਬਠਿੰਡਾ ਵਿਖੇ ਆਪਣੇ ਨਾਮਜ਼ਦਗੀ ਪੱਤਰ ਦਾਖਲ ਕਰਵਾ ਸਕਦੇ ਹਨ।
