Firozpur News:ਫ਼ਿਰੋਜਪੁਰ ਸ਼ਹਿਰ ਦੇ ਵਿੱਚ ਵਾਪਰੀ ਇੱਕ ਮੰਦਭਾਗੀ ਘਟਨਾ ਦੇ ਵਿਚ ਇੱਕ ਵਿਅਕਤੀ ਦੇ ਵੱਲੋਂ ਆਪਣੀਆਂ ਮਾਸੂਮ ਬੱਚੀਆਂ ਅਤੇ ਪਤਨੀ ਦੇ ਕਤਲ ਤੋਂ ਬਾਅਦ ਖੁਦ ਨੂੰ ਗੋਲੀ ਮਾਰ ਕੇ ਕਥਿਤ ਤੌਰ ‘ਤੇ ਆਤਮਹੱਤਿਆ ਕਰਨ ਦੀ ਸੂਚਨਾ ਸਾਹਮਣੇ ਆਈ ਹੈ। ਮ੍ਰਿਤਕ ਪ੍ਰਾਪਟੀ ਡੀਲਰ ਦਾ ਕੰਮ ਕਰਦਾ ਸੀ ਤੇ ਨਾਲ ਹੀ ਸ਼ਹਿਰ ਦੇ ਇੱਕ ਨਾਮੀਂ ਮਾਹੀ ਸੈਲੂਨ ਦਾ ਮਾਲਕ ਵੀ ਸੀ। ਮ੍ਰਿਤਕਾਂ ਵਿਚ ਖੁਦ ਅਮਨਦੀਪ ਸਿੰਘ ਪੁੱਤਰ ਸੁਰਿੰਦਰ ਸਿੰਘ, ਪਤਨੀ ਜਸਵੀਰ ਕੌਰ, ਪੁੱਤਰੀਆਂ ਮਨਵੀਰ ਕੌਰ (10 ਸਾਲ) ਤੇ ਪ੍ਰਨੀਤ ਕੌਰ (6 ਸਾਲ) ਦੇ ਵਜੋਂ ਹੋਈ ਹੈ।
ਇਹ ਵੀ ਪੜ੍ਹੋ Punjab ਦੇ ਦੋ ਜ਼ਿਲ੍ਹਿਆਂ ਨੂੰ ਬੰ+ਬ ਨਾਲ ਉੜਾਉਣ ਦੀ ਮਿਲੀ ਧਮਕੀ!, ਪੁੱਜੀ ਪੁਲਿਸ ਹੀ ਪੁਲਿਸ
ਘਟਨਾ ਦਾ ਪਤਾ ਲੱਗਦੇ ਹੀ ਫ਼ਿਰੋਜਪੁਰ ਦੇ ਐਸਐਸਪੀ ਭੁਪਿੰਦਰ ਸਿੰਘ ਖੁਦ ਵੀ ਮੌਕੇ ‘ਤੇ ਪੁੱਜੇ ਅਤੇ ਪੁਲਿਸ ਅਧਿਕਾਰੀਆਂ ਵੱਲੋਂ ਪੜਤਾਲ ਸ਼ੁਰੂ ਕਰ ਦਿੱਤੀ ਹੈ। ਇਹ ਘਟਨਾ ਫ਼ਿਰੋਜਪੁਰ ਦੇ ਬਾਬਾ ਰਾਮ ਲਾਲ ਗੁਰਦੂਆਰਾ ਸਾਹਿਬ ਦੇ ਪਿੱਛੇ ਹਰਮਨ ਨਗਰ ਦੇ ਵਿਚ ਵਾਪਰੀ ਹੈ। ਮ੍ਰਿਤਕ ਨੂੰ ਜਾਣਨ ਵਾਲੇ ਇਹ ਘਟਨਾ ਸੁਣ ਕੇ ਕਾਫ਼ੀ ਹੈਰਾਨ ਹਨ ਕਿਉਕਿ ਉਨ੍ਹਾਂ ਦੇ ਦੱਸਣ ਮੁਤਾਬਕ ਅਮਨਦੀਪ ਕਾਫ਼ੀ ਹਸਮੁੱਖ ਸੁਭਾਅ ਦਾ ਸੀ ਤੇ ਉਸਦਾ ਸਰਕਲ ਵੀ ਕਾਫ਼ੀ ਵੱਡਾ ਸੀ। ਜਿਸਦੇ ਚੱਲਦੇ ਘਟਨਾ ਦੇ ਵਾਪਰਨ ਪਿੱਛੇ ਕਾਰਨਾਂ ਨੂੰ ਲੈ ਕੇ ਹਾਲੇ ਤੱਕ ਕੋਈ ਜਾਣਕਾਰੀ ਸਾਹਮਣੇ ਨਹੀਂ ਆਈ ਹੈ।
ਇਹ ਵੀ ਪੜ੍ਹੋ Bathinda Police ਵੱਲੋਂ ਹਥਿਆਰਾਂ ਨਾਲ ਰੀਲਾਂ ਬਣਾਉਣ ਵਾਲੀ ਨੌਜਵਾਨ ‘ਲੜਕੀ’ ਗ੍ਰਿਫ਼ਤਾਰ
ਸੂਚਨਾ ਮੁਤਾਬਕ ਅੱਜ ਸਵੇਰੇ ਘਰੇਂ ਸਫ਼ਾਈ ਲਈ ਔਰਤ ਆਈ ਸੀ ਪ੍ਰੰਤੂ ਪ੍ਰਵਾਰ ਵੱਲੋਂ ਘਰ ਦਾ ਗੇਟ ਨਹੀਂ ਖੋਲਿਆ ਗਿਆ, ਜਿਸਤੋਂ ਬਾਅਦ ਉਸਨੇ ਗੁਆਂਢੀਆਂ ਨੂੰ ਦਸਿਆ ਤਾਂ ਇੱਕ ਗੁਆਂਢੀ ਕਰਨਜੀਤ ਸਿੰਘ ਆਪਣੀ ਪਤਨੀ ਨਾਲ ਘਰ ਪੁੱਜਿਆ ਤੇ ਅੰਦਰੋਂ ਬੰਦ ਇੱਕ ਦਰਵਾਜ਼ੇ ਨੂੰ ਤੋੜ ਜਦ ਕੋਠੀ ਵਿਚ ਦਾਖਲ ਹੋਏ ਤਾਂ ਚਾਰੇ ਪਾਸੇ ਲਹੂ ਵਹਿ ਰਿਹਾ ਸੀ ਤੇ ਮਾਸੂਮ ਬੱਚਿਆ ਸਮੇਤ ਸਾਰੇ ਪ੍ਰਵਾਰ ਦੀਆਂ ਲਾਸ਼ਾਂ ਪਈਆਂ ਸਨ। ਐਸਐਸਪੀ ਭੁਪਿੰਦਰ ਸਿੰਘ ਨੇ ਵੀ ਮੀਡੀਆ ਨੂੰ ਦਸਿਆ ਕਿ ਘਟਨਾ ਦੇ ਸਮੇਂ ਅਮਨਦੀਪ ਦੇ ਨਜਦੀਕ ਉਸਦਾ ਪਿਸਤੌਲ ਸੀ ਤੇ ਸਾਰੇ ਹੀ ਪ੍ਰਵਾਰ ਦੀ ਗੋਲੀ ਲੱਗਣ ਕਾਰਨ ਮੌਤ ਹੋਈ ਹੈ। ਮੁਢਲੀ ਜਾਂਚ ਤੋਂ ਇਹ ਖੁਦਕਸ਼ੀ ਲੱਗਦੀ ਹੈ ਪ੍ਰੰਤੂ ਪੁਲਿਸ ਹਰ ਐਂਗਲ ਤੋਂ ਜਾਂਚ ਕਰ ਰਹੀ ਹੈ।
👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਹੇਠ ਦਿੱਤੇ Link ਉੱਪਰ Click ਕਰੋ।
Whatsapp Channel 👉 🛑https://whatsapp.com/channel/0029VbBYZTe89inflPnxMQ0A
Whatsapp Group👉 🛑https://chat.whatsapp.com/EK1btmLAghfLjBaUyZMcLK
Telegram Channel👉 🛑https://t.me/punjabikhabarsaarwebsite
☎ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 98786-15057 ‘ਤੇ ਸੰਪਰਕ ਕਰੋ।
