👉ਹੱਸਦਾ-ਵੱਸਦਾ, ਗਾਉਂਦਾ ਰੰਗਲਾ ਪੰਜਾਬ ਦੇਖ ਕੇ ਮੈਨੂੰ ਦਿਲੀ ਖੁਸ਼ੀ ਮਹਿਸੂਸ ਹੋਈ:ਸੰਧਵਾਂ
👉ਕਿਹਾ, ਭਵਿੱਖ ਵਿੱਚ ਵੀ ਇਸ ਤਰ੍ਹਾਂ ਦੀਆਂ ਗਤੀਵਿਧੀਆਂ ਰਹਿਣਗੀਆਂ ਜਾਰੀ
Kotkapur News:ਹੱਸਦਾ-ਵੱਸਦਾ, ਗਾਉਂਦਾ ਰੰਗਲਾ ਪੰਜਾਬ, ਜਿਸ ਤਰ੍ਹਾਂ ਦਾ ਮੇਰੇ ਮਨ ਵਿੱਚ ਸੁਪਨਾ ਸੀ, ਅੱਜ ਮੈਂ ਉਸਨੂੰ ਮਹਿਸੂਸ ਕੀਤਾ ਹੈ। ਸਥਾਨਕ ਮਿਉਸਪਲ ਪਾਰਕ ਵਿਖੇ ਗੁੱਡ ਮੌਰਨਿੰਗ ਵੈਲਫੇਅਰ ਕਲੱਬ ਅਤੇ ਸੀਨੀਅਰ ਸਿਟੀਜਨ ਵੈਲਫੇਅਰ ਸੁਸਾਇਟੀ ਵਲੋਂ ਆਪਣਾ ਪੰਜਾਬ ਭੰਗੜਾ ਗਰੁੱਪ ਦੇ ਸਹਿਯੋਗ ਨਾਲ ਲਾਏ ਗਏ ਸੱਤ ਰੋਜਾ ਭੰਗੜਾ ਸਿਖਲਾਈ ਕੈਂਪ ਦੇ ਸਮਾਪਤੀ ਸਮਾਰੋਹ ਮੌਕੇ ਸ੍ਰ. ਕੁਲਤਾਰ ਸਿੰਘ ਸੰਧਵਾਂ ਸਪੀਕਰ ਪੰਜਾਬ ਵਿਧਾਨ ਸਭਾ ਨੇ ਉਕਤ ਸ਼ਬਦਾਂ ਦਾ ਪ੍ਰਗਟਾਵਾ ਕਰਦਿਆਂ ਆਖਿਆ ਕਿ ਸਾਡਾ ਅਮੀਰ ਵਿਰਸਾ ਅਤੇ ਸ਼ਾਨਾਮੱਤਾ ਸੱਭਿਆਚਾਰ ਭੰਗੜਾ ਹੀ ਹੈ, ਜਿਸ ਨਾਲ ਮਨੋਰੰਜਨ ਅਤੇ ਕਸਰਤ ਦੋਨੋਂ ਚੀਜਾਂ ਦਾ ਆਨੰਦ ਮਾਣਿਆ ਜਾ ਸਕਦਾ ਹੈ।
ਇਹ ਵੀ ਪੜ੍ਹੋ 10 ਦਿਨਾਂ ਤੋਂ ਲਾਪਤਾ ਨੌਜਵਾਨ ਅੰਮ੍ਰਿਤਪਾਲ ਸਿੰਘ ਹੈ ਪਾਕਿਸਤਾਨੀ ਰੈਂਜਰਜ਼ ਦੀ ਹਿਰਾਸਤ ਵਿਚ
ਸਮਾਪਤੀ ਸਮਾਰੋਹ ਵਿੱਚ ਬਤੌਰ ਮੁੱਖ ਮਹਿਮਾਨ ਪੁੱਜੇ ਸਪੀਕਰ ਸੰਧਵਾਂ ਨੇ ਪਹਿਲਾਂ ਖੁਦ ਵੀ ਬੱਚਿਆਂ ਨਾਲ ਭੰਗੜਾ ਪਾਇਆ ਅਤੇ ਖੁਸ਼ੀ ਵਿੱਚ ਝੂਮਦਿਆਂ ਆਖਿਆ ਕਿ ਸਾਡੇ ਬੱਚੇ, ਸਾਡੀਆਂ ਭੈਣਾ ਅਤੇ ਮਾਤਾਵਾਂ ਸਮੇਤ ਵੀਰਾਂ ਦਾ ਐਨਾ ਵੱਡਾ ਇਕੱਠ ਦੇਖ ਕੇ ਮੈਨੂੰ ਖੁਸ਼ੀ ਹੋਈ ਹੈ। ਕਲੱਬ ਦੇ ਪ੍ਰਧਾਨ ਡਾ. ਮਨਜੀਤ ਸਿੰਘ ਢਿੱਲੋਂ, ਪ੍ਰਬੰਧਕ ਗੁਰਿੰਦਰ ਸਿੰਘ ਮਹਿੰਦੀਰੱਤਾ ਅਤੇ ਕੋਆਰਡੀਨੇਟਰ ਪ੍ਰੋ ਐਚ.ਐੱਸ. ਪਦਮ ਦੀ ਅਗਵਾਈ ਹੇਠ ਲਾਏ ਗਏ ਉਕਤ ਮੁਫਤ ਸਿਖਲਾਈ ਕੈਂਪ ਦੀ ਪ੍ਰਸੰਸਾ ਕਰਦਿਆਂ ਸਪੀਕਰ ਸੰਧਵਾਂ ਨੇ ਬੇਨਤੀ ਕੀਤੀ ਕਿ ਇਸ ਤਰਾਂ ਦੇ ਉਪਰਾਲੇ ਭਵਿੱਖ ਵਿੱਚ ਵੀ ਜਾਰੀ ਰਹਿਣਗੇ ਤੇ ਉਹ ਇਸ ਵਿੱਚ ਬਣਦਾ ਸਹਿਯੋਗ ਵੀ ਦੇਣਗੇ। ਕਲੱਬ ਦੇ ਚੇਅਰਮੈਨ ਪੱਪੂ ਲਹੌਰੀਆ ਅਤੇ ਉਪ ਚੇਅਰਮੈਨ ਠੇਕੇਦਾਰ ਬਿੱਟਾ ਗਰੋਵਰ ਨੇ ਦੱਸਿਆ ਕਿ ਸਪੀਕਰ ਸੰਧਵਾਂ ਵੱਲੋਂ ਪੰਜ ਮਰਦ, ਪੰਜ ਔਰਤਾਂ ਅਤੇ ਪੰਜ ਬੱਚਿਆਂ ਨੂੰ ਭੰਗੜੇ ਵਿੱਚ ਚੰਗੀ ਪ੍ਰਤਿਭਾ ਦਿਖਾਉਣ, ਜਦਕਿ 15 ਹੋਰ ਸਹਿਯੋਗੀਆਂ ਦਾ ਪ੍ਰਸੰਸਾ ਪੱਤਰ ਨਾਲ ਵਿਸ਼ੇਸ਼ ਸਨਮਾਨ ਕੀਤਾ ਗਿਆ।
ਇਹ ਵੀ ਪੜ੍ਹੋ ਬੀਬੀਐਮਬੀ ਨੇ ਪੰਡੋਹ ਡੈਮ ਦੇ ਪੰਜੇ ਗੇਟ ਖੋਲ੍ਹੇ, ਬਿਆਸ ਦਰਿਆ ‘ਚ ਪਾਣੀ ਦਾ ਪੱਧਰ ਵਧਿਆ, ਹੜ ਦਾ ਖਤਰਾ
ਭੰਗੜਾ ਕੋਚ ਦਿਲਪ੍ਰੀਤ ਬੱਬੂ ਅਤੇ ਗਗਨਦੀਪ ਸਿੰਘ ਨੇ ਭਵਿੱਖ ਵਿੱਚ ਵੀ ਇਸ ਤਰਾਂ ਦੀਆਂ ਸੇਵਾਵਾਂ ਦੇਣ ਦੀ ਹਾਮੀ ਭਰਦਿਆਂ ਆਖਿਆ ਕਿ ਉਹ ਗਿੱਧਾ, ਭੰਗੜਾ ਅਤੇ ਡਾਂਸ ਸਿਖਾਉਣ ਦਾ ਹੁਨਰ ਵੀ ਰੱਖਦੇ ਹਨ। ਇਸ ਮੌਕੇ ਉਪਰੋਕਤ ਤੋਂ ਇਲਾਵਾ ਠੇਕੇਦਾਰ ਪ੍ਰੇਮ ਮੈਣੀ, ਡਾ ਦੇਵ ਰਾਜ, ਮਾ ਸੋਮਨਾਥ, ਰਵਿੰਦਰਪਾਲ ਕੋਛੜ, ਐਲ.ਡੀ. ਮਹਿਰਾ, ਪਰਮਜੀਤ ਸਿੰਘ ਮੱਕੜ, ਗੁਰਚਰਨ ਸਿੰਘ ਬੱਬੂ, ਜਸਪਾਲ ਸਿੰਘ ਲਾਟਾ, ਜਸਬੀਰ ਸਿੰਘ ਰਿੰਕੀ, ਹਰਦੀਪ ਸਿੰਘ ਫਿੱਡੂ ਭਲਵਾਨ, ਪੱਪਾ ਮਲਹੋਤਰਾ, ਸਰਨ ਕੁਮਾਰ, ਸੁਰਿੰਦਰ ਕੁਮਾਰ ਕਾਕਾ ਸ਼ਰਮਾ, ਤਰਲੋਚਨ ਸਿੰਘ ਲੋਚਾ, ਗੁਰਮੀਤ ਸਿੰਘ ਮੀਤਾ, ਮਨਜੀਤ ਗੋਇਲ ਨੀਟੀ, ਰਜਿੰਦਰ ਸਿੰਘ ਰਾਜੂ ਸਚਦੇਵਾ, ਅਵਤਾਰ ਕਿ੍ਰਸ਼ਨ ਲਵਲੀ, ਸੁਰਜੀਤ ਕੁਮਾਰ ਬੱਤਰਾ, ਲੈਕ. ਵਿਨੋਦ ਧਵਨ, ਸੁਖਵਿੰਦਰ ਸਿੰਘ ਬਾਗੀ, ਵਿਜੇ ਕੁਮਾਰ ਟੀਟੂ ਛਾਬੜਾ, ਓਮ ਪ੍ਰਕਾਸ਼ ਗੁਪਤਾ ਆਦਿ ਵੀ ਹਾਜਰ ਸਨ
👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਸਾਡੇ whatsapp & telegram group ਨਾਲ ਜੁੜੋਂ।
🛑https://chat.whatsapp.com/EK1btmLAghfLjBaUyZMcLK
🛑https://t.me/punjabikhabarsaarwebsite
☎ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 94642-76483 ‘ਤੇ ਸੰਪਰਕ ਕਰੋ।
