SAS Nagar News; ਐਸ.ਏ.ਐਸ ਨਗਰ ਪੁਲਿਸ ਵੱਲੋ ਮਾੜੇ ਅਨਸਰਾ ਖਿਲਾਫ ਵਿੱਢੀ ਮੁਹਿਮ ਤਹਿਤ ਸਬ-ਡਵੀਜਨ ਜੀਰਕਪੁਰ ਦੇ ਡੀਐਸਪੀ ਜਸਪਿੰਦਰ ਸਿੰਘ ਦੀ ਨਿਗਰਾਨੀ ਹੇਠ ਇੰਸ:ਸਤਿੰਦਰ ਸਿੰਘ ਮੁੱਖ ਅਫਸਰ ਥਾਣਾ ਜੀਰਕਪੁਰ ਸਮੇਤ ਇੰਸਪੈਕਟਰ ਮਲਕੀਤ ਸਿੰਘ ਇੰਚਾਰਜ Anti Narcotic Cell ਮੋਹਾਲੀ ਦੀ ਟੀਮ ਨੂੰ ਇਕ ਵੱਡੀ ਸਫਲਤਾ ਪ੍ਰਾਪਤ ਹੋਈ ਹੈ। ਅੱਜ ਇੱਥੇ ਮਾਮਲੇ ਦੀ ਜਾਣਕਾਰੀ ਦਿੰਦਿਆਂ ਡੀਐਸਪੀ ਜਸਪਿੰਦਰ ਸਿੰਘ ਨੇ ਦੱਸਿਆ ਕਿ ਪੁਲਿਸ ਕੋਲ ਮਹੇਸ ਕੁਮਾਰ ਵਿਮਲ ਵਾਸੀ ਸੈਕਟਰ 46 ਬੀ ਚੰਡੀਗੜ ਨੇ ਸ਼ਿਕਾਇਤ ਦਰਜ ਕਰਵਾਈ ਸੀ ਕਿ ਉਸਦਾ Odac28 Self drive car rental ਨਾਮ ਤੋ ਐਸ.ਸੀ.ਓ ਨੰਬਰ 41 ਸੈਕਿੰਡ ਫਲੌਰ ਸਿਟੀ ਸਕਿਓਰ ਨੇੜੇ ਗੋਪਾਲ ਸਵਿਟਸ ਪਟਿਆਲਾ ਰੋਡ ਜੀਰਕਪੁਰ ਵਿਖੇ ਖੋਲਿਆ ਹੋਇਆ ਹੈ।ਜਿੱਥੇ ਉਹ ਕਿਰਾਏ ਉਪਰ ਗੱਡੀਆ ਦਿੰਦਾ ਹੈ। ਇਸ ਦੌਰਾਨ ਹਰਵਿੰਦਰ ਸਿੰਘ ਸੰਧੂ ਉਸ ਪਾਸੋ ਅਲੱਗ-2 ਤਾਰੀਕਾ ਨੂੰ ਅਲੱਗ-2 ਗੱਡੀਆ ਕਿਰਾਏ ‘ਤੇ ਲੈ ਕੇ ਗਿਆ ਸੀ।
ਇਹ ਵੀ ਪੜ੍ਹੋ Bathinda ਦੇ ਪਿੰਡ ਜੀਦਾ ‘ਚ Blast; ਪਿਓ-ਪੁੱਤ ਜ਼ਖਮੀ, ਪੁਲਿਸ ਵੱਲੋਂ ਜਾਂਚ ਸ਼ੁਰੂ
ਪਰੰਤੂ ਨਾਂ ਤਾਂ ਗੱਡੀਆ ਵਾਪਸ ਕੀਤੀਆ ਤੇ ਨਾ ਹੀ ਮੁਦਈ ਦਾ ਬਣਦਾ ਕਿਰਾਇਆ ਦਿੱਤਾ।ਪੁਲਿਸ ਨੇ ਮੁਦਈ ਦੇ ਬਿਆਨ ਪਰ ਮੁ.ਨੰ 375 ਮਿਤੀ 05.08.2025 ਅ/ਧ 316(2),318(4),336(2),338,340(2),341,317 ਬੀਏਨਐਸ ਤਹਿਤ ਪੜਤਾਲ ਵਿੱਢੀ ਤਾਂ ਸਾਹਮਣੇ ਆਇਆ ਕਿ ਹਰਵਿੰਦਰ ਸੰਧੂ, ਫਾਰੂਕ ਵਾਸੀ ਪੁਨਹਾਣਾ ਜਿਲਾ ਨੂੰਹ ਹਰਿਆਣਾ ਅਤੇ ਸਾਜਿਦ ਪੁੱਤਰ ਲਾਲ ਮੁਹੰਮਦ ਵਾਸੀ ਪਿੰਡ ਨਈ ਥਾਣਾ ਬਿਛੋਰ ਜਿਲਾ ਨੂੰਹ ਹਰਿਆਣਾ ਨੂੰ ਗ੍ਰਿਫਤਾਰ ਕਰਕੇ ਪੇਸ ਅਦਾਲਤ ਕਰਕੇ ਪੁਲਿਸ ਰਿਮਾਡ ਹਾਸਲ ਕੀਤਾ ਗਿਆ ਅਤੇ ਹੋਰ ਦੋਸ਼ੀਆਂ ਨੂੰ ਵੀ ਮੁਕੱਦਮਾ ਹਜਾ ਵਿੱਚ ਨਾਮਜਦ ਕੀਤਾ ਗਿਆ ਹੈ। ਮੁੱਢਲੀ ਪੜਤਾਲ ਦੌਰਾਨ ਇਹ ਮੁਲਜਮ ਕਿਰਾਏ ਤੇ ਗੱਡੀਆਂ ਲੈ ਕੇ ਅੱਗੇ ਵੇਚ ਦਿੰਦੇ ਸਨ ਅਤੇ ਇਹਨਾਂ ਦੇ ਕੋਲੋਂ ਵੱਖ ਵੱਖ ਨੌ ਲਗਜ਼ਰੀ ਗੱਡੀਆਂ ਬਰਾਮਦ ਹੋਈਆਂ ਹਨ। ਮਾਮਲੇ ਦੀ ਜਾਂਚ ਜਾਰੀ ਹੈ।
👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਸਾਡੇ whatsapp & telegram group ਨਾਲ ਜੁੜੋਂ।
🛑https://chat.whatsapp.com/EK1btmLAghfLjBaUyZMcLK
🛑https://t.me/punjabikhabarsaarwebsite
☎ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 94642-76483 ‘ਤੇ ਸੰਪਰਕ ਕਰੋ।
