ਜੈਪੂਰ, 14 ਸਤੰਬਰ: ਭਾਰਤੀ ਫੌਜ ਦੇ ਜਵਾਨਾਂ ਨੇ ਮੱਡ ਤੋਂ ਮਣੀਕਰਨ ਤੱਕ ਇੱਕ ਉੱਚਾਈ ਟਰੈਕਿੰਗ ਮੁਹਿੰਮ ਨੂੰ ਸਫਲਤਾਪੂਰਵਕ ਸਮਾਪਤ ਕੀਤਾ। ਇਸ ਮੁਹਿੰਮ ਨੂੰ 13 ਸਤੰਬਰ ਨੂੰ ਰਾਜਸਥਾਨ ਦੇ ਸਾਧੂਵਾਲੀ ਮਿਲਟਰੀ ਸਟੇਸ਼ਨ ਵਿਖੇ ਅਮੋਗ ਡਿਵੀਜ਼ਨ ਦੇ ਜਨਰਲ ਅਫਸਰ ਕਮਾਂਡਿੰਗ ਮੇਜਰ ਜਨਰਲ ਡੀ.ਐਸ. ਬਿਸ਼ਟ ਦੁਆਰਾ ਹਰੀ ਝੰਡੀ ਦਿਖਾਈ ਗਈ।
ਅੱਤਵਾਦੀਆਂ ਨਾਲ ਹੋਏ ਮੁਕਾਬਲੇ ’ਚ ਭਾਰਤੀ ਫ਼ੌਜ ਦਾ ਕਰਨਲ, ਮੇਜਰ ਤੇ ਜੰਮੂ ਪੁਲਿਸ ਦਾ ਡੀਐਸਪੀ ਹੋਇਆ ਸਹੀਦ
ਜਾਣਕਾਰੀ ਦਿੰਦਿਆਂ ਭਾਰਤੀ ਫ਼ੌਜ ਦੇ ਲੋਕ ਸੰਪਰਕ ਅਧਿਕਾਰੀ ਕਰਨਲ ਅਮਿਤਾਭ ਸ਼ਰਮਾ ਨੇ ਦਸਿਆ ਕਿ ਡੋਗਰਾ ਰੈਜੀਮੈਂਟ ਨਾਲ ਸਬੰਧਤ ਅਮੋਘ ਡਵੀਜ਼ਨ ਦੀ ਦੂਜੀ ਬਟਾਲੀਅਨ ਦੀ ਇਸ ਮੁਹਿੰਮ ਟੀਮ ਵਿੱਚ 12 ਮੈਂਬਰ ਸਨ ਅਤੇ ਇਸ ਦੀ ਅਗਵਾਈ ਮੇਜਰ ਕੌਸ਼ਲ ਸਿੰਘ ਚੌਹਾਨ ਕਰ ਰਹੇ ਸਨ। ਇਹ ਮੁਹਿੰਮ ਲਾਹੌਲ ਸਪਿਤੀ ਜ਼ਿਲੇ ਦੇ ਮੱਡ ਤੋਂ ਸ਼ੁਰੂ ਹੋ ਕੇ ਕੁੱਲੂ ਜ਼ਿਲੇ ਦੇ ਮਨੀਕਰਨ ਤੱਕ ਗਈ ਅਤੇ 1,700 ਮੀਟਰ ਤੋਂ 5,319 ਮੀਟਰ ਤੱਕ ਦੇ ਖਤਰਨਾਕ ਉਚਾਈਆਂ ਦੇ ਨਾਲ 110 ਕਿਲੋਮੀਟਰ ਦੀ ਦੂਰੀ ਨੂੰ ਕਵਰ ਕੀਤਾ।
ਸੀਬੀਆਈ ਦੀ ਕੁੜਿੱਕੀ ’ਚ ਫ਼ਸੇ ਰੇਲਵੇ ਮੈਨੇਜਰ ਦੇ ਘਰੋਂ ਪੌਣੇ ਤਿੰਨ ਕਰੋੜ ਦੀ ਨਗਦੀ ਹੋਈ ਬਰਾਮਦ
ਇਸ ਮੁਹਿੰਮ ਦਾ ਉਦੇਸ਼ ਆਜ਼ਾਦੀ ਦੇ 76 ਸ਼ਾਨਦਾਰ ਸਾਲਾਂ ਨੂੰ ਮਨਾਉਣ, ਸ਼ਹੀਦ ਹੋਏ ਨਾਇਕਾਂ ਨੂੰ ਸ਼ਰਧਾਂਜਲੀ ਭੇਟ ਕਰਨ, ਭਾਵਨਾ ਨੂੰ ਉਤਸ਼ਾਹਿਤ ਕਰਨ ਲਈ ਸੀ। ਫੌਜਾਂ ਵਿਚਕਾਰ ਸਾਹਸ ਅਤੇ ਸਥਾਨਕ ਲੋਕਾਂ ਨਾਲ ਨਜ਼ਦੀਕੀ ਸੰਪਰਕ ਵਿਕਸਿਤ ਕਰਨਾ ਵੀ ਇਸਦਾ ਮੰਤਵ ਸੀ। ਇਸ ਮੁਹਿੰਮ ਵਿੱਚ ਕਈ ਚੁਣੌਤੀਆਂ ਸ਼ਾਮਲ ਸਨ ਜਿਸ ਵਿੱਚ ਟੀਮ ਦੇ ਮੈਂਬਰਾਂ ਨੂੰ ਖ਼ਰਾਬ ਮੌਸਮ ਅਤੇ ਅਨੇਕ ਜਲ ਸਰੋਤਾਂ ਦਾ ਸਾਹਮਣਾ ਕਰਨਾ ਪਿਆ ਜੋ ਸਰੀਰਕ ਅਤੇ ਮਾਨਸਿਕ ਮਜ਼ਬੂਤੀ ਦੇ ਉੱਚ ਮਿਆਰਾਂ ਦੀ ਮੰਗ ਕਰਦੇ ਸਨ। ਟੀਮ ਨੇ ਖੇਤਰ ਦੇ ਨੌਜਵਾਨਾਂ ਨਾਲ ਵੀ ਗੱਲਬਾਤ ਕੀਤੀ ਅਤੇ ਉਨ੍ਹਾਂ ਨੂੰ ਫੌਜ ਵਿੱਚ ਸ਼ਾਮਲ ਹੋਣ ਲਈ ਪ੍ਰੇਰਿਤ ਕੀਤਾ।
Share the post "ਫ਼ੌਜ ਦੇ ਜਵਾਨਾਂ ਨੇ ਮੱਡ ਤੋਂ ਮਣੀਕਰਨ ਤੱਕ ਟਰੈਕਿੰਗ ਮੁਹਿੰਮ ਨੂੰ ਸਫ਼ਲਤਾ ਪੂਰਵਕ ਪੂਰਾ ਕੀਤਾ"
