ਪੰਜਾਬੀ ਸਾਹਿਤ ਸਭਾ (ਰਜਿ) ਦੀ ਮਹੀਨਾਵਾਰ ਇਕੱਤਰਤਾ ਹੋਈ

ਸੁਖਜਿੰਦਰ ਮਾਨ
ਬਠਿੰਡਾ, 30 ਅਕਤੂਬਰ: ਪੰਜਾਬੀ ਸਾਹਿਤ ਸਭਾ (ਰਜਿ) ਬਠਿੰਡਾ ਦੀ ਮਹੀਨਾਵਾਰ ਇਕੱਤਰਤਾ ਰਾਜਦੇਵ ਕੌਰ ਸਿੱਧੂ  ਦੀ ਪ੍ਰਧਾਨਗੀ ਹੇਠ ਸਥਾਨਕ ਟੀਚਰਜ ਹੋਮ ਵਿਖੇ ਹੋਈ। ਸਭਾ ਦੇ ਖਚਾਨਚੀ ਜਰਨੈਲ ਸਿੰਘ ਭਾਈਰੂਪਾ ਨੇ ਸਮੂਹ ਸਾਹਿਤਕਾਰਾਂ ਲਈ ਸਵਾਗਤੀ ਸ਼ਬਦ ਕਹੇ। ਮੀਟਿੰਗ ਦੇ ਪਹਿਲੇ  ਏਜੰਡੇ ਤਹਿਤ ਸਭ ਤੋਂ ਪਹਿਲਾਂ ਭੋਲਾ ਸਿੰਘ ਸ਼ਮੀਰੀਆ ਨੇ ਜਮੀਨੀ ਵੰਡ ਦੀ ਕਸ਼ਮਕਸ਼ ਦੀ ਬਾਤ  ਪਾਉਂਦੀ ‘ ਖਿਦਰੂ ਦਾ ਟੱਕ‘ ਪੜ੍ਹੀ ਜਿਸਤੇ ਬਲਵਿੰਦਰ ਭੁੱਲਰ ਤੇ ਅਗਾਜਵੀਰ ਨੇ ਆਪਣੇ ਵਿਚਾਰ ਪੇਸ਼ ਕੀਤੇ। ਦੂਜੇ ਏਜੰਡੇ ਉਪਰੰਤ ਰਣਬੀਰ ਰਾਣਾ, ਅਮਨ ਦਾਤੇਵਾਸੀਆ ਅਤੇ ਕੁਲਦੀਪ ਬੰਗੀ ਨੇ ਗਜਲਾਂ, ਦਿਲਬਾਗ ਸਿੰਘ , ਸੇਵਕ ਸ਼ਮੀਰੀਆ, ਧਰਮਪਾਲ, ਕਰਨੈਲ ਸਿੰਘ  ਅਤੇ ਪਿ੍ਰੰਸੀਪਲ ਜਸਬੀਰ ਸਿੰਘ ਢਿੱਲੋਂ ਤੇ ਰਣਜੀਤ ਗੌਰਵ ਨੇ ਕਵਿਤਾਵਾਂ ਸੁਣਾਈਆਂ। ਨਾਵਲਕਾਰ ਜਸਵਿੰਦਰ ਜੱਸ ਅਤੇ ਰਾਜਦੇਵ ਕੌਰ ਸਿੱਧੂ ਨੇ ਪੜ੍ਹੀਆਂ ਹੋਈਆਂ ਰਚਨਾਵਾਂ ਉੱਪਰ ਆਪਣੇ ਵਿਚਾਰ ਪੇਸ਼ ਕੀਤੀ। ਸਟੇਜ ਸੰਚਾਲਨ ਦੀ ਜਿੰਮੇਵਾਰੀ ਸਭਾ ਦੇ ਜਨਰਲ ਸਕੱਤਰ ਰਣਜੀਤ ਗੌਰਵ ਨੇ ਬਾਖੂਬੀ ਨਿਭਾਈ ਅਤੇ ਸਭਾ ਦੇ ਪ੍ਰਚਾਰ ਸਕੱਤਰ ਅਮਨ ਦਾਤੇਵਾਸੀਆ ਨੇ ਸਮੂਹ ਸਾਹਿਤਕਾਰਾਂ ਦਾ ਮਾਸਿਕ ਇਕੱਤਰਤਾ ਵਿੱਚ ਹਾਜਰੀ ਭਰਨ ਤੇ ਧੰਨਵਾਦ ਕੀਤਾ।