ਭੀਮ ਰਾਓ ਅੰਬੇਦਕਰ ਦੇ ਬੁੱਤ ਤੇ ਪਾਰਕ ਦੀ ਸਫ਼ਾਈ ਲਈ ਦਿੱਤਾ ਮੰਗ ਪੱਤਰ

ਸੁਖਜਿੰਦਰ ਮਾਨ
ਬਠਿੰਡਾ, 21 ਮਾਰਚ: ਸਥਾਨਕ ਮਿੰਨੀ ਸਕੱਤਰੇਤ ਦੇ ਬਾਹਰ ਬਣੇ ਭਾਰਤ ਰਤਨ ਬਾਬਾ ਸਾਹਿਬ ਡਾਕਟਰ ਭੀਮ ਰਾਓ ਅੰਬੇਦਕਰ ਜੀ ਦੇ ਬੁੱਤ ਅਤੇ ਪਾਰਕ ਦੀ ਸਾਫ ਸਫਾਈ ਦੇ ਮੰਦੜੇ ਹਾਲ ਨੂੰ ਲੈ ਕੇ ਅੱਜ ਡਿਪਟੀ ਕਮਿਸ਼ਨਰ ਨੂੰ ਮੰਗ ਪੱਤਰ ਦਿੱਤਾ ਗਿਆ। ਵਫ਼ਦ ਵਿਚ ਸ਼ਾਮਲ ਜਸਵੀਰ ਸਿੰਘ ਮਹਿਰਾਜ, ਦੇਸ ਰਾਜ ਛਤਰੀ ਵਾਲਾ , ਓਮ ਪ੍ਰਕਾਸ ਡਡੀਇਆ,ਗੌਰਵ ਕਟਾਰੀਆ,ਬਲਬੀਰ ਸਿੰਘ ਮੰਡੀ ਕਲਾਂ ਆਦਿ ਨੇ ਦਸਿਆ ਕਿ ਉਨ੍ਹਾਂ ਵਲੋਂ ਬੁੱਤ ’ਤੇ ਗੁੰਬਦ ਟਾਈਪ ਸੈੱਡ ਪੁਆਉਣ ਅਤੇ ਪਾਰਕ ਦੀ ਸਾਫ ਸਫਾਈ, ਲਾਈਟਿੰਗ ਅਤੇ ਸੁੰਦਰੀਕਰਨ ਸਥਾਈ ਤੌਰ ’ਤੇ ਯਕੀਨੀ ਬਣਾਉਣ ਦੀ ਮੰਗ ਕੀਤੀ। ਡਿਪਟੀ ਕਮਿਸਨਰ ਨੇ ਵਫ਼ਦ ਨੂੰ ਇਸ ਸਬੰਧੀ ਤੁਰੰਤ ਧਿਆਨ ਦੇਣ ਦਾ ਭਰੋਸਾ ਦਿਵਾਇਆ।