Bathinda News: ਸੂਬੇ ਦੀ ਮੁੱਖ ਵਿਰੋਧੀ ਧਿਰ ਤੇ ਲੰਮਾ ਸਮਾਂ ਦੇਸ਼ ਅਤੇ ਪੰਜਾਬ ਵਿਚ ਰਾਜ਼ ਕਰਨ ਵਾਲੀ ਕਾਂਗਰਸ ਪਾਰਟੀ ਇੰਨੀਂ ਦਿਨੀਂ ਆਪਣੇ ਸੰਗਠਨ ਨੂੰ ਮਜਬੂਤ ਕਰਨ ਵਿਚ ਰੁੱਝੀ ਹੋਈ ਹੈ। ਹਾਲਾਂਕਿ ਪਾਰਟੀ ਵੱਲੋਂ ਬੂਥ ਲੈਵਲ ਤੋਂ ਸੂਬਾ ਪ੍ਰਧਾਨ ਤੱਕ ਧਿਆਨ ਦਿੱਤਾ ਜਾ ਰਿਹਾ ਪ੍ਰੰਤੂ ਇੰਨੀਂ ਦਿਨੀਂ ਪੰਜਾਬ ਵਿਚ ਜ਼ਿਲ੍ਹਾ ਕਾਂਗਰਸ ਕਮੇਟੀਆਂ ਦੇ ਪ੍ਰਧਾਨ ਦੀ ਚੋਣ ਨੂੰ ਲੈ ਕੇ ਕਾਫ਼ੀ ਸਿਆਸੀ ਗਹਿਮਾ-ਗਹਿਮੀ ਦਿਖਾਈ ਦੇ ਰਹੀ ਹੈ। ਜੇਕਰ ਗੱਲ ਮਾਲਵਾ ਪੱਟੀ ਦੀ ਸਿਆਸੀ ਰਾਜਧਾਨੀ ਬਠਿੰਡਾ ਦੀ ਗੱਲ ਕੀਤੀ ਜਾਵੇ ਤਾਂ ਇੱਥੇ ਵੀ ਜ਼ਿਲ੍ਹਾ ਪ੍ਰਧਾਨ ਬਣਨ ਲਈ ਵੱਡੀ ਪੱਧਰ ‘ਤੇ ਜੋੜ-ਤੋੜ ਜਾਰੀ ਹੈ। ਬਠਿੰਡਾ ਵਿਚ ਆਉਂਦੇ ਅੱਧੀ ਦਰਜ਼ਨ ਵਿਧਾਨ ਸਭਾ ਹਲਕਿਆਂ ਵਿਚ ਮੌਜੂਦਾ ਸਮੇਂ ਕਾਂਗਰਸੀ ਵਰਕਰਾਂ ਦੀ ਵੱਡੇ ਪੱਧਰ ਪੁੱਛਗਿਛ ਜਾਰੀ ਹੈ। ਬਠਿੰਡਾ ਦਿਹਾਤੀ ਦੇ ਵਿਚ ਜ਼ਿਲ੍ਹਾ ਕਾਂਗਰਸ ਦਾ ਪ੍ਰਧਾਨ ਬਣਨ ਲਈ ਲਗਭਗ ਅੱਧੀ ਦਰਜ਼ਨ ਕਾਂਗਰਸੀ ਆਗੂਆਂ ਵੱਲੋਂ ਪੂਰੇ ਜੋਰ-ਸ਼ੋਰ ਦੇ ਨਾਲ ਤਿਆਰੀਆਂ ਕੀਤੀਆਂ ਜਾ ਰਹੀਆਂ ਹਨ।
ਇਹ ਵੀ ਪੜ੍ਹੋ Big News:Punjab Govt ਨੇ ਮੁੜ ਸੱਦਿਆ ਵਿਧਾਨ ਸਭਾ ਦਾ ਵਿਸ਼ੇਸ਼ ਇਜ਼ਲਾਸ, ਹੜ੍ਹ ਮੁਆਵਜ਼ਾ ਵੰਡਣ ਲਈ ਨਿਯਮਾਂ ਵਿਚ ਹੋਣਗੀਆਂ ਸੋਧਾਂ
ਇੰਨ੍ਹਾਂ ਵਿਚ ਮੌਜੂਦਾ ਜ਼ਿਲ੍ਹਾ ਪ੍ਰਧਾਨ ਖੁਸਬਾਜ਼ ਸਿੰਘ ਜਟਾਣਾ ਮੁੜ ਵੱਡੇ ਦਾਅਵੇਦਾਰ ਬਣ ਕੇ ਉੱਭਰੇ ਹਨ। ਉਹ ਜਿੱਥੇ ਜ਼ਿਲ੍ਹੇ ਵਿਚ ਲਗਾਤਾਰ ਦੋ ਵਾਰ ਪ੍ਰਧਾਨ ਰਹਿਣ ਕਾਰਨ ਮਜਬੂਤ ਆਧਾਰ ਰੱਖਦੇ ਹਨ, ਉਥੇ ਪੰਜਾਬ ਕਾਂਗਰਸ ਦੇ ਇੱਕ ਵੱਡੇ ਧੜੇ ਤੋਂ ਇਲਾਵਾ ਕਾਂਗਰਸ ਹਾਈਕਮਾਂਡ ਵਿਚ ਵੱਡੀ ਪਹੁੰਚ ਰੱਖਣ ਵਾਲੇ ਇੱਕ ਕੱਦਾਵਾਰ ਆਗੂ ਦਾ ਵੀ ਅਸ਼ੀਰਵਾਦ ਪ੍ਰਾਪਤ ਹੈ। ਇਸਦੇ ਬਾਵਜੂਦ ਜਟਾਣਾ ਨੂੰ ਸਾਬਕਾ ਜ਼ਿਲ੍ਹਾ ਪ੍ਰਧਾਨ ਨਰਿੰਦਰ ਸਿੰਘ ਭਲੇਰੀਆ ਵੱਲੋਂ ਤਕੜੀ ਟੱਕਰ ਦਿੱਤੀ ਜਾ ਰਹੀ ਹੈ। ਬੇਦਾਗ ਤੇ ਸਰੀਫ਼ ਮੰਨੇ ਜਾਂਦੇ ਭਲੇਰੀਆ ਪ੍ਰਵਾਰ ਦਾ ਜਿੱਥੇ ਕਾਂਗਰਸ ਵਿਚ ਆਪਣਾ ਚੰਗਾ ਅਸਰ-ਰਸੂਖ ਹੈ,ਉਥੇ ਉਨ੍ਹਾਂ ਦੀ ਬਠਿੰਡਾ ਜ਼ਿਲ੍ਹੇ ਦੇ ਦੋ ਵੱਡੇ ਕਾਂਗਰਸੀਆਂ ਆਗੂਆਂ ਸਾਬਕਾ ਮੰਤਰੀ ਗੁਰਪ੍ਰੀਤ ਸਿੰਘ ਕਾਂਗੜ੍ਹ ਤੇ ਜੀਤ ਮਹਿੰਦਰ ਸਿੰਘ ਸਿੱਧੂ ਵੱਲੋਂ ਡਟਵੀਂ ਹਿਮਾਇਤ ਦਿੱਤੀ ਜਾ ਰਹੀ ਹੈ।ਪ੍ਰੰਤੂ ਭਲੇਰੀਆ ਦੀ ਸਿਆਸੀ ‘ਕਾਟ’ ਲਈ ਜਟਾਣਾ ਗਰੁੱਪ ਵੱਲੋਂ ਉਸਦੇ ਸਮਰਥਕ ਉਕਤ ਦੋਨੋਂ ਆਗੂਆਂ ਵੱਲੋਂ ਪਿਛਲੇ ਸਮਿਆਂ ਦੌਰਾਨ ਕਾਂਗਰਸ ਨੂੰ ਛੱਡ ਕੇ ਜਾਣ ਅਤੇ ਮੁੜ ਵਾਪਸ ਦੇ ਪੁਆਇੰਟ ਨੂੰ ਹਾਈਕਮਾਂਡ ਕੋਲ ਵਿਚਾਰੇ ਜਾਣ ‘ਤੇ ਜੋਰ ਦਿੱਤਾ ਜਾ ਰਿਹਾ।
ਇਹ ਵੀ ਪੜ੍ਹੋ ਸਰਕਾਰੀ School ਦੀ Teacher ਭਾਰੀ ਮਾਤਰਾ ‘ਚ ਹੈਰੋਇਨ ਨਾਲ ਗ੍ਰਿਫਤਾਰ,ਪਾਕਿਸਤਾਨੀ ਤਸਕਰਾਂ ਨਾਲ ਸਨ ਸਿੱਧੇ ਸਬੰਧ
ਪ੍ਰਧਾਨਗੀ ਦੇ ਇੰਨ੍ਹਾਂ ਦੋਨਾਂ ਆਗੂਆਂ ਤੋਂ ਇਲਾਵਾ ਇੱਕ ਹੋਰ ਤੀਜ਼ਾ ਉਮੀਦਵਾਰ ਅਵਤਾਰ ਸਿੰਘ ਗੋਨਿਆਣਾ ‘ਕਛੂਆ’ ਚਾਲ ਚੱਲ ਕੇ ਸਭ ਨੂੰ ਮਾਤ ਪਾਉਣ ਲਈ ਪੂਰਾ ਜੋਰ ਲਗਾ ਰਿਹਾ। ਹਰ ਵਕਤ ਕਾਂਗਰਸ ਦੇ ਵਫ਼ਾਦਾਰ ਰਹਿਣ ਵਾਲਾ ਇਹ ਨੌਜਵਾਨ ਆਗੂ ਦੀ ਪੰਜਾਬ ਕਾਂਗਰਸ ਦੇ ਵਿਚ ਵੱਡੇ ਆਗੂ ਚੁੱਪ-ਚਪੀਤੇ ਹਿਮਾਇਤ ‘ਤੇ ਉੱਤਰੇ ਹੋਏ ਹਨ। ਪਿਛਲੇ ਦੋ ਦਹਾਕਿਆਂ ਤੋਂ ਕਾਂਗਰਸ ਦੀ ਰੱਜ਼਼ ਕੇ ਸੇਵਾ ਕਰਨ ਵਾਲੇ ਆਗੂ ਨੂੰ ਮਿਲਣ ਵਾਲਾ ‘ਮੇਵਾ’ ਅਕਸਰ ਹੀ ਕੋਈ ਹੋਰ ਉਸਦੀ ‘ਥਾਲੀ’ ਵਿਚੋਂ ਚੁੱਕ ਕੇ ਤੁਰਦਾ ਬਣਿਆ ਹੈ, ਜਿਸਦੇ ਚੱਲਦੇ ਇਸ ਵਾਰ ਇਸਨੂੰ ਵੀ ਕਾਂਗਰਸ ਵੱਲੋਂ ਆਪਣੇ ਮੇਵੇ ਵਾਲੀ ਥਾਲੀ ਨੂੰ ‘ਕੱਢਵੇਂ ‘ ਰੁਮਾਲ ਨਾਲ ਢਕਣ ਦੀ ਪੂਰੀ ਉਮੀਦ ਹੈ।
ਇਹ ਵੀ ਪੜ੍ਹੋ Bathinda Police ‘ਤੇ ਹਮਲਾ, ਹੋਏ ਹਵਾਈ ਫ਼ਾਈਰ ਤੇ ਲਾਠੀਚਾਰਜ਼; SHO ਤੇ 2 ਥਾਣੇਦਾਰ ਹੋਏ ਗੰਭੀਰ ਜਖ਼ਮੀ, ਜਾਣੋਂ ਮਾਮਲਾ
ਇਸਤੋਂ ਇਲਾਵਾ ਜ਼ਿਲ੍ਹਾ ਕਾਂਗਰਸ ਦਿਹਾਤੀ ਦੀ ਪ੍ਰਧਾਨਗੀ ਲਈ ਤਿੰਨ ਹੋਰ ਨੌਜਵਾਨ ਆਗੂ ਵੀ ਪੂਰੀ ਤਰ੍ਹਾਂ ਮੈਦਾਨ ਵਿਚ ਡਟੇ ਹੋਏ ਹਨ, ਜਿੰਨ੍ਹਾਂ ਵਿਚ ਸਾਬਕਾ ਯੁਥ ਪ੍ਰਧਾਨ ਲਖਵਿੰਦਰ ਸਿੰਘ ਲੱਖਾ, ਯੁਥ ਆਗੂ ਮਨਜੀਤ ਸਿੰਘ ਕੋਟਫੱਤਾ ਅਤੇ ਕਿਰਨਜੀਤ ਕੌਰ ਵਿਰਕ ਸ਼ਾਮਲ ਹੈ। ਇਹ ਤਿੰਨੇਂ ਨੌਜਵਾਨ ਆਗੂ ਵੀ ਕਾਂਗਰਸ ਦੇ ਪੂਰੀ ਤਰ੍ਹਾਂ ਵਫ਼ਾਦਾਰ ਚੱਲੇ ਆ ਰਹੇ ਹਨ ਤੇ ਆਪਣੀ ਮਿਹਨਤ ਬਦੌਲਤ ਆਪਣਾ ਨਾਮ ਬਣਾਇਆ ਹੈ। ਬਹਰਹਾਲ ਪ੍ਰਧਾਨਗੀ ਦਾ ਤਾਜ਼ ਸਜਾਉਣ ਤੋਂ ਬਾਅਦ ਕਾਂਗਰਸ ਹਾਈਕਮਾਂਡ ਵੱਲੋਂ ਆਬਰਜ਼ਵਰ ਦੇ ਤੌਰ ‘ਤੇ ਇੱਥੇ ਭੇਜੇ ਸ਼੍ਰੀਮਤੀ ਮਮਤਾ ਭੂਪੇਸ਼ ਸਾਬਕਾ ਮੰਤਰੀ ਰਾਜਸਥਾਨ ਕੱਲੇ-ਕੱਲੇ ਵਰਕਰ ਦੀ ਰਾਏ ਜਾਣ ਰਹੇ ਹਨ ਤੇ ਜਿਸਤੋਂ ਬਾਅਦ ਹੀ ਉਹ ਆਪਣੀ ਰੀਪੋਰਟ ਉੱਪਰ ਭੇਜਣਗੇ।
👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਸਾਡੇ whatsapp & telegram group ਨਾਲ ਜੁੜੋਂ।
🛑https://chat.whatsapp.com/EK1btmLAghfLjBaUyZMcLK
🛑https://t.me/punjabikhabarsaarwebsite
☎ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 94642-76483 ‘ਤੇ ਸੰਪਰਕ ਕਰੋ।
