ਚੰਡੀਗੜ੍ਹ, 11 ਅਪ੍ਰੈਲ: ਆਪਣੇ ਅਹੁੱਦੇ ਤੋਂ ਅਸਤੀਫ਼ਾ ਦੇ ਕੇ ਭਾਜਪਾ ਵਿਚ ਸ਼ਾਮਲ ਹੋਣ ਵਾਲੀ IAS ਅਧਿਕਾਰੀ ਪਰਮਪਾਲ ਕੌਰ ਮਲੂਕਾ ਦਾ ਅਸਤੀਫ਼ਾ ਕੇਂਦਰ ਸਰਕਾਰ ਨੇ ਸਵੀਕਾਰ ਕਰ ਲਿਆ ਹੈ। ਸੂਤਰਾਂ ਮੁਤਾਬਕ ਬੀਤੇ ਕੱਲ ਕੇਂਦਰ ਨੇ ਇਹ ਕਾਰਵਾਈ ਕਰ ਦਿੱਤੀ ਸੀ ਤੇ ਰਿਲੀਵਿੰਗ ਦੇ ਆਰਡਰ ਵੀ ਪਰਮਪਾਲ ਕੌਰ ਨੂੰ ਸੌਂਪ ਦਿੱਤੇ ਹਨ। ਇਸਦੀ ਪੁਸ਼ਟੀ ਖ਼ੁਦ ਪਰਮਪਾਲ ਕੌਰ ਨੇ ਵੀ ਕੀਤੀ ਹੈ। ਗੌਰਤਲਬ ਹੈ ਕਿ ਅੱਜ ਭਾਜਪਾ ਵਿਚ ਸਮੂਲੀਅਤ ਤੋਂ ਬਾਅਦ ਮੁੱਖ ਮੰਤਰੀ ਭਗਵੰਤ ਮਾਨ ਨੇ ਸੋਸਲ ਮੀਡੀਆ ’ਤੇ ਇੱਕ ਮੈਸੇਜ਼ ਪਾ ਕੇ IAS ਅਧਿਕਾਰੀ ਪਰਮਾਪਲ ਕੌਰ ਮਲੂਕਾ ਦਾ ਹਾਲੇ ਤੱਕ ਅਸਤੀਫ਼ਾ ਨਾ ਹੋਣ ਦਾ ਦਾਅਵਾ ਕਰਦਿਆਂ ਅਸਿੱਧੇ ਢੰਗ ਨਾਲ ਚੇਤਾਵਨੀ ਵੀ ਜਾਰੀ ਕਰ ਦਿੱਤੀ ਸੀ ਤੇ ਅਸਤੀਫ਼ਾ ਦੇਣ ਦੇ ਤਰੀਕੇ ਕਾਰਨ ਅਪਣੀ ਸਾਰੀ ਉਮਰ ਦੀ ਕਮਾਈ ਖ਼ਤਰੇ ’ਚ ਪੈ ਸਕਦੀ ਹੈ।
ਮਲੂਕਾ ਦੀ ਨੂੰਹ ਦਾ ਹਾਲੇ ਅਸਤੀਫ਼ਾ ਨਹੀਂ ਹੋਇਆ ਸਵੀਕਾਰ, ਮੁੱਖ ਮੰਤਰੀ ਨੇ ਕੀਤੀ ਵੱਡੀ ਟਿੱਪਣੀ
ਉਧਰ ਦੇਰ ਸਾਮ ਪੰਜਾਬੀ ਖ਼ਬਰਸਾਰ ਦੇ ਪ੍ਰਤੀਨਿਧੀ ਨਾਲ ਗੱਲਬਾਤ ਕਰਦਿਆਂ ਪਰਮਪਾਲ ਕੌਰ ਮਲੂਕਾ ਨੇ ਦਸਿਆ ਕਿ ‘‘ ਕੇਂਦਰ ਸਰਕਾਰ ਨੂੰ ਉਨ੍ਹਾਂ ਅਪਣੇ ਅਸਤੀਫ਼ੇ ਦੀ ਕਾਪੀ ਭੇਜੀ ਹੋਈ ਸੀ ਤੇ ਉਸਨੂੰ ਬੀਤੇ ਕੱਲ ਹੀ ਕੇਂਦਰੀ ਪਰਸੋਨਲ ਐਂਡ ਟਰੈਨਿੰਗ ਵਿਭਾਗ ਨੂੂੰ ਮੰਨਜੂਰ ਕਰਕੇ ਉਸਨੂੰ ਰਿਲੀਵ ਕਰ ਦਿੱਤਾ ਸੀ ਤੇ ਉਸਤੋਂ ਬਾਅਦ ਹੀ ਉਨ੍ਹਾਂ ਸਿਆਸੀ ਪਾਰੀ ਸ਼ੁਰੂ ਕੀਤੀ ਹੈ।’’ ਉਨ੍ਹਾਂ ਇਸ ਮਾਮਲੇ ’ਤੇ ਕੋਈ ਹੋਰ ਟਿੱਪਣੀ ਨਹੀਂ ਕੀਤੀ। ਦਸਣਾ ਬਣਦਾ ਹੈ ਕਿ ਪਰਮਪਾਲ ਕੌਰ ਜੋਕਿ ਸਾਲ 2011 ਬੈਚ ਦੇ IAS ਅਧਿਕਾਰੀ ਹਨ, ਵੱਲੋਂ 1 ਅਪ੍ਰੈਲ ਨੂੰ ਅਪਣਾ ਅਸਤੀਫ਼ਾ ਮੁੱਖ ਸਕੱਤਰ ਨੂੰ ਭੇਜਿਆ ਗਿਆ ਸੀ। ਕਾਫ਼ੀ ਦਿਨ ਕੋਈ ਕਾਰਵਾਈ ਨਾ ਹੋਣ ਦੇ ਚੱਲਦੇ 6 ਅਪ੍ਰੈਲ ਨੂੰ ਉਸਦੀ ਕਾਪੀ ਕੇਂਦਰ ਦੇ ਪਰਸੋਨਲ ਐਂਡ ਟਰੈਨਿੰਗ ਵਿਭਾਗ ਨੂੰ ਵੀ ਭੇਜ ਦਿੱਤੀ ਸੀ, ਜਿਸਦੇ ਉਪਰ ਇਹ ਕਾਰਵਾਈ ਕੀਤੀ ਗਈ ਹੈ।
Big News: ਭਾਜਪਾ ਨੇ ‘ਬਾਦਲ ਪ੍ਰਵਾਰ’ ਨੂੰ ਦਿੱਤਾ ਵੱਡਾ ਝਟਕਾ, ਮਲੂਕੇ ਦੀ ਨੂੰਹ ਤੇ ਪੁੱਤ ਦੀ ਕਰਵਾਈ ਸਮੂਲੀਅਤ
