👉ਪੇਂਡੂ ਜੱਟ ਰਿਕਾਰਡਜ਼ ਵਾਲਿਆਂ ਨੇ ਮੁਆਫ਼ੀ ਤੇ ਦੀਪਿਕਾ ਲੂਥਰਾ ਨੇ ਮੰਗੀ ਪੁਲਿਸ ਸੁਰੱਖਿਆ
Punjab News: ਸੌਖੀ ਕਮਾਈ ਦੇ ਚੱਕਰਾਂ ’ਚ ਸ਼ੋਸਲ ਮੀਡੀਆ (ਫ਼ੇਸਬੁੱਕ, ਯੂਟਿਊਬ ਅਤੇ ਇੰਸਟਾਗ੍ਰਾਮ ਆਦਿ) ਉਪਰ ਦੋਹਰੇ ਅਰਥਾਂ ਤੇ ਅਸ਼ਲੀਲ ਵੀਡੀਓਜ਼ ਪਾਉਣ ਵਾਲਿਆਂ ਵਿਚ ਹੁਣ ਕੰਚਨ ਤਿਵਾੜੀ ਉਰਫ਼ ਕਮਲ ਭਾਬੀ ਦੇ ਸਿੰਘਾਂ ਵੱਲੋਂ ਕੀਤੇ ਕਥਿਤ ਕਤਲ ਤੋਂ ਬਾਅਦ ਖੌਫ਼ ਦੇਖਣ ਨੂੰ ਮਿਲ ਰਿਹਾ। ਪੇਂਡੂ ਜੱਟ ਰਿਕਾਰਡਜ਼ ਵਾਲਿਆਂ ਨੇ ਜਿੱਥੈ ਮੁਆਫ਼ੀ ਮੰਗ ਲਈ ਹੈ, ਉਥੇ ਅੰਮ੍ਰਿਤਸਰ ਦੀ ਇੰਫ਼ਲੂਸਰ ਦੀਪਿਕਾ ਲੂਥਰਾ ਨੇ ਪੁਲਿਸ ਕੋਲੋਂ ਸੁਰੱਖਿਆ ਮੰਗੀ ਹੈ।
ਇਹ ਵੀ ਪੜ੍ਹੋ Insta Queen ਕੰਚਨ ਕੁਮਾਰੀ ਉਰਫ਼ ਕਮਲ ਭਾਬੀ ਦੇ ਕ.ਤ+ਲ ਮਾਮਲੇ ’ਚ ਬਠਿੰਡਾ ਦੀ ਐਸਐਸਪੀ ਦਾ ਵੱਡਾ ਖ਼ੁਲਾਸਾ
ਬਠਿੰਡਾ ਪੁਲਿਸ ਦੀ ਤਫ਼ਤੀਸ ਦੌਰਾਨ ਕੰਚਨ ਤਿਵਾੜੀ ਦੇ ਕਤਲ ਮਾਮਲੇ ਵਿਚ ਮੁੱਖ ਸਾਜਸ਼ਘਾੜੇ ਦੇ ਰੂਪ ’ਚ ਸਾਹਮਣੇ ਆਏ ਸਿੱਖ ਆਗੁੂ ਭਾਈ ਅੰਮ੍ਰਿਤਪਾਲ ਸਿੰਘ ਮਹਿਰੋਂ ਵੱਲੋਂ ਜਾਰੀ ਇੱਕ ਵੀਡੀਓ ਵਿਚ ਸਪੱਸ਼ਟ ਤੌਰ ’ਤੇ ਉਨ੍ਹਾਂ ਦੀਪਿਕਾ ਲੂਥਰਾ ਸਹਿਤ ਦੋ-ਅਰਥੇ ਅਤੇ ਅਸ਼ਲੀਲ ਕੰਟੈਂਟ ਪਾਉਣ ਵਾਲੇ ਹੋਰਨਾਂ ਸੋਸ਼ਲ ਮੀਡੀਆ ਇੰਫ਼ਲੂਸਰਾਂ ਨੂੰ ਸੁਧਰ ਜਾਣ ਦੀ ਚੇਤਾਵਨੀ ਦਿੱਤੀ ਹੈ। ਇਸ ਵੀਡੀਓ ਵਿਚ ਉਨ੍ਹਾਂ ਸਪੱਸ਼ਟ ਕੀਤਾ ਹੈ ਕਿ ਉਸਦਾ ਕਿਸੇ ਨਾਲ ਕੋੲਂੀ ਨਿੱਜੀ ਰੋਲਾ ਨਹੀਂ, ਬਲਕਿ ਸਮਾਜ ਨੂੰ ਗਲਤ ਦਿਸ਼ਾ ਵੱਲ ਧੱਕਣ ਵਾਲਿਆਂ ਨੂੰ ਬਖ਼ਸਿਆ ਨਹੀਂ ਜਾਵੇਗਾ। ਮਹਿਰੋਂ ਨੇ ਅਜਿਹਾ ਕਰਨ ਵਾਲਿਆਂ ਨੂੰ ਇੱਕ-ਦੋ ਦਿਨਾਂ ਵਿਚ ਆਪਣੀਆਂ ਦੋ-ਅਰਥੀ ਤੇ ਅਸ਼ਲੀਲ ਵੀਡੀਓ ਨੂੰ ਆਪਣੇ ਪੇਜ਼ਾਂ ਤੋਂ ਹਟਾਉਣ ਅਤੇ ਸਿੱਖ ਪੰਥ ਕੋਲੋਂ ਮੁਆਫ਼ੀ ਮੰਗਣ ਲਈ ਕਿਹਾ ਹੈ।
ਇਹ ਵੀ ਪੜ੍ਹੋ Canada News; ਬਠਿੰਡਾ ਦੇ ਵਪਾਰੀ ਦਾ ਕੈਨੇਡਾ ’ਚ ਗੋ+ਲੀ ਮਾਰ ਕੇ ਕੀਤਾ ਕ.ਤ+ਲ, ਪੁਲਿਸ ਜਾਂਚ ’ਚ ਜੁਟੀ
ਹਾਲਾਂਕਿ ਭਾਈ ਮਹਿਰੋਂ ਨੂੰ ਗ੍ਰਿਫਤਾਰ ਕਰਨ ਲਈ ਪੁਲਿਸ ਬੁਰੀ ਤਰ੍ਹਾਂ ਉਸਦੇ ਪਿੱਛੇ ਲੱਗੀ ਹੋਈ ਹੈ ਪ੍ਰੰਤੂ ਉਸਦੀ ਇਸ ਵੀਡੀਓ ਦਾ ਭਾਰੀ ਅਸਰ ਦੇਖਣ ਨੂੰ ਮਿਲ ਰਿਹਾ। ਪੇਂਡੂ ਜੱਟ ਰਿਕਾਰਡਜ਼ ਨਾਂ ਦਾ ਪੇਜ਼ ਚਲਾਉਣ ਵਾਲੇ ਤਿੰਨੇਂ ਸਿੱਖ ਨੌਜਵਾਨਾਂ ਨੇ ਹੱਥ ਜੋੜ ਕੇ ਮੁਆਫ਼ੀ ਮੰਗੀ ਹੈ ਤੇ ਅੱਗੇ ਤੋਂ ਅਜਿਹਾ ਨਾ ਕਰਨ ਦਾ ਵੀ ਭਰੋਸਾ ਦਿਵਾਇਆ ਹੈ। ਦੂਜੇ ਪਾਸੇ ਅੰਮ੍ਰਿਤਸਰੀ ਇੰਫਲੂਸਰ ਦੀਪਿਕਾ ਲੂਥਰਾ ਮੀਡੀਆ ਵਿਚ ਆ ਕੇ ਪੁਲਿਸ ਸੁਰੱਖਿਆ ਦੀ ਮੰਗ ਕਰ ਰਹੀ ਹੈ। ਜਿਕਰਯੋਗ ਹੈ ਕਿ ਕੰਚਨ ਤਿਵਾੜੀ ਉਰਫ਼ ਕਮਲ ਭਾਬੀ ਵੱਲੋਂ ਵੀ ਸ਼ੋਸਲ ਮੀਡੀਆ ’ਤੇ ਕਾਫ਼ੀ ਅਸਲੀਲਤਾ ਫ਼ਲਾਈ ਜਾ ਰਹੀ ਸੀ ਤੇ ਉਸਨੂੰ ਵੀ ਅੰਮ੍ਰਿਤਪਾਲ ਸਿੰਘ ਮਹਿਰੋਂ ਵੱਲੋਂ ਸੁਧਰਨ ਦੀ ਤਾਕੀਦ ਕੀਤੀ ਗਈ ਸੀ ਪ੍ਰੰਤੂ ਅਜਿਹਾ ਨਾ ਕਰਨ ’ਤੇ 9-10 ਦੀ ਰਾਤ ਨੂੰ ਉਸਦਾ ਮਹਿਰੋਂ ਦੇ ਦੋ ਸਾਥੀਆਂ ਨੇ ਕਤਲ ਕਰ ਦਿੱਤਾ ਸੀ। ਜਿੰਨ੍ਹਾਂ ਨੂੰ ਪੁਲਿਸ ਨੇ ਹੁਣ ਗ੍ਰਿਫਤਾਰ ਕਰ ਲਿਆ।
👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਸਾਡੇ whatsapp group & telegram group ਨਾਲ ਜੁੜੋਂ।
🛑https://chat.whatsapp.com/EK1btmLAghfLjBaUyZMcLK
🛑https://t.me/punjabikhabarsaarwebsite
☎️ ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 94642-76483 ‘ਤੇ ਸੰਪਰਕ ਕਰੋ।
