ਚੰਡੀਗੜ੍ਹ, 26 ਨਵੰਬਰ: ਪੰਜਾਬ ਸਰਕਾਰ ਵੱਲੋਂ ਅੱਜ ਸਿੱਖਿਆ ਵਿਭਾਗ ਵਿੱਚ ਵੱਡੀ ਪੱਧਰ ‘ਤੇ ਰੱਦੋਬਦਲ ਕਰਦਿਆਂ 35 ਜ਼ਿਲ੍ਹਾ ਸਿੱਖਿਆ ਅਧਿਕਾਰੀਆਂ ਦੇ ਤਬਾਦਲੇ ਕਰ ਦਿੱਤੇ ਹਨ। ਸਿੱਖਿਆ ਵਿਭਾਗ ਦੇ ਪ੍ਰਮੁੱਖ ਸਕੱਤਰ ਦੇ ਦਰਖ਼ਤਾਂ ਹੇਠਾਂ ਜਾਰੀ ਇਨ੍ਹਾਂ ਤਬਾਦਲਿਆਂ ਦੀ ਸੂਚੀ ਦੋ ਦਰਜਨ ਦੇ ਕਰੀਬ ਸਰਕਾਰੀ ਸੀਨੀਅਰ ਸਕੈਂਡਰੀ ਸਕੂਲਾਂ ਦੇ ਪ੍ਰਿੰਸੀਪਲਾਂ ਨੂੰ ਦੀ ਜ਼ਿਲ੍ਹਾ ਸਿੱਖਿਆ ਅਫ਼ਸਰ ਵਜੋਂ ਤੈਨਾਤ ਕੀਤਾ ਗਿਆ ਹੈ। ਇਸ ਤੋਂ ਇਲਾਵਾ ਤਬਾਦਲਾ ਸੂਚੀ ਮੁਤਾਬਕ ਕਈ ਜ਼ਿਲਿਆਂ ਵਿਚ ਤੈਨਾਤ ਸਿੱਖਿਆ ਅਫਸਰਾਂ ਦੀ ਇੱਕ ਦੂਜੇ ਥਾਂ ਬਦਲੀ ਕੀਤੀ ਗਈ ਹੈ।

https://we.tl/t-pbEu1LlWEc

ਬਠਿੰਡਾ, 26 ਨਵੰਬਰ:ਯੂਨਾਈਟਿਡ ਅਕਾਲੀ ਦਲ ਦੀ ਅਗਵਾਈ ਵਿੱਚ ਅੱਜ ਬਠਿੰਡਾ ਤੋਂ ਚੋਥਾ ਕੇਸਰੀ ਮਾਰਚ ਬਹਿਬਲ ਕਲਾਂ ਵੱਲ ਗੁਰਦੀਪ ਸਿੰਘ ਬਠਿੰਡਾ ਦੀ ਪ੍ਰਧਾਨਗੀ ਹੇਠ ਵੱਡੀ ਗਿਣਤੀ ਵਿੱਚ ਕਾਰਾ ਦੇ ਕਾਫ਼ਿਲੇ ਨਾਲ਼ ਰਵਾਨਾ ਹੋਇਆ। ਇਸ ਮੌਕੇ ਪ੍ਰੈਸ ਨੂੰ ਸੰਬੋਧਨ ਕਰਦੇ ਹੋਏ ਗੁਰਦੀਪ ਸਿੰਘ ਬਠਿੰਡਾ ਨੇ ਕਿਹਾ ਕੇ ਪੰਜਾਬ ਦਾ ਮੁੱਖ ਮੰਤਰੀ ਅਤੇ ਪ੍ਰਧਾਨ ਮੰਤਰੀ ਦੋਵੇ ਹੀ ਪੰਥ ਅਤੇ ਪੰਜਾਬ ਦੀਆ ਸਮੱਸਿਆਵਾਂ ਨੂੰ ਅਣਗੋਲਿਆ ਕਰ ਰਹੇ ਹਨ ਅਤੇ ਉਨ੍ਹਾਂ ਦਾ ਸੰਘਰਸ਼ ਬੇਇਨਸਾਫ਼ੀ ਖਿਲਾਫ ਹੈl ਜਿਸਦੇ ਤਹਿਤ ਕਾਨੂੰਨੀ ਸਜਾਵਾ ਪੂਰੀਆ ਕਰ ਚੁੱਕੇ ਬੰਦੀ ਸਿੰਘਾਂ ਦੀਆ ਰਿਹਾਈਆਂ ਕਰਨ ਦੀ ਮੰਗ ਤੋਂ ਇਲਾਵਾ ਸ਼ਾਤਮਈ ਸੰਘਰਸ਼ ਕਰ ਰਹੇ ਜਥੇਦਾਰ ਸੂਰਤ ਸਿੰਘ ਖਾਲਸਾ ਨੂੰ ਗੈਰਕਾਨੂੰਨੀ ਨਜਰਬੰਦ ਕਰਨ, ਬੇਅਦਬੀ ਅਤੇ ਬਹਿਬਲ ਕਲਾਂ ਗੋਲੀ ਕਾਂਡ ਦੇ ਦੋਸ਼ੀਆ ਉੱਪਰ ਯੂ. ਏ. ਪੀ. ਏ ਲਗਾਉਣ ਅਤੇ ਸਪੈਸ਼ਲ ਕੋਰਟ ਬਣਾਉਣ ਨਾਲ ਜਲਦ ਸਜਾਵਾ ਦੇਣ ਦੀ ਮੰਗ ਕੀਤੀ ਜਾ ਰਹੀ ਹੈ ਪ੍ਰੰਤੂ ਮੋਜੂਦਾ ਸਰਕਾਰ ਵੀ ਇਨਸਾਫ ਦੇਣ ਦੀ ਬਿਜਾਏ ਸਰਕਾਰ ਸਿੱਟ ਤੇ ਸਿੱਟ ਬਣਾ ਕੇ ਸਿੱਖ ਭਾਵਨਾਵਾ ਦਾ ਖਿਲਵਾੜ ਕਰ ਰਹੀਆ ਹਨ। ਇਸ ਮੌਕੇ ਉਨਾਂ ਕਿਹਾ ਕਿ ਪੰਥਕ ਮੁੱਦਿਆਂ ਦੇ ਨਾਲ ਨਾਲ ਬੁਢਾਪਾ, ਅੰਗਹੀਣ ਅਤੇ ਵਿਧਵਾ ਪੈਨਸ਼ਨ ਘੱਟੋ ਘੱਟ 5000 ਰੁਪਏ ਕਰਨ, ਚੌਂਕੀਦਾਰ, ਆਗਣਵਾੜੀ, ਆਸਾ ਵਰਕਰਾਂ, ਮਿਡ ਡੇ ਮੀਲ ਵਰਕਰਾਂ ਦੀ ਤਨਖਾਹ 15000 ਰੁਪਏ ਅਤੇ ਨਰੇਗਾ ਮਜ਼ਦੂਰਾਂ ਦੀ ਦਿਹਾੜੀ 500 ਰੁਪਏ ਅਤੇ ਪਾਕਿਸਤਾਨ ਨਾਲ ਵਪਾਰਕ ਰਾਸਤਾ ਖੋਲਣ ਲਈ ਲੋਕ ਰਾਇ ਪੈਦਾ ਕਰਨ ਲਈ ਯੂਨਾਈਟਿਡ ਅਕਾਲੀ ਦਲ ਵੱਲੋ ਮਾਰਚ ਜਾਰੀ ਰੱਖੇ ਜਾਣਗੇ। ਇਸ ਦੌਰਾਨ ਮਾਰਚ ਦਾ ਰਸਤੇ ਚ ਸਿਵੀਆ ,ਨੇਹੀਆਣਾ ਤੇ ਦਬੜੀਖਾਨਾ ਵਿਖੇ ਪੜਾਅ ਸੀ ਤੇ ਰਸਤੇ ਚ ਸੰਗਤਾ ਵੱਲੋ ਕਈ ਥਾਵਾ ਤੇ ਲੰਗਰਾ ਦੇ ਪ੍ਰਬੰਧ ਸਨ।  ਦਬੜੀਖਾਨਾ ਵਿਖੇ ਸੈਕੜੇ ਪਿੰਡ ਵਾਸੀਆ ਮਾਰਚ ਦਾ ਸਵਾਗਤ ਕੀਤਾ ਤੇ ਜਥੇਦਾਰ ਨਛੱਤਰ ਸਿੰਘ ਦਬੜੀਖਾਨਾ ਨੇ ਪ੍ਰਮੁੱਖ ਆਗੂਆ ਦਾ ਸਨਮਾਨ ਕੀਤਾl ਮਾਰਚ ਵਿਚ ਸਹਿਯੋਗੀ ਜਥੇਬੰਦੀਆ ਦੇ ਆਗੂ ਲੋਕ ਅਧਿਕਾਰ ਲਹਿਰ ਦੇ ਬਲਵਿੰਦਰ ਸਿੰਘ ਫਿਰੋਜਪੁਰ ਅਤੇ ਰੁਪਿਦਰ ਸਿੰਘ ਤਲਵੰਡੀ, ਭਾਰਤੀ ਵਪਾਰ ਅਤੇ ਉਦਯੋਗ ਮਹਾਂਸੰਘ ਦੇ ਪ੍ਰਧਾਨ ਤਰੁਣ ਜੈਨ, ਕਿਰਤੀ ਅਕਾਲੀ ਦਲ ਦੇ ਆਗੂ ਬੂਟਾ ਸਿੰਘ ਰਣਸੀਹ, ਸੁੰਤਤਰ ਅਕਾਲੀ ਦਲ ਦੇ ਪ੍ਰਧਾਨ ਭਾਈ ਪਰਮਜੀਤ ਸਿੰਘ ਸਹੌਲੀ ਅਤੇ ਏਕ ਨੂਰ ਖਾਲਸਾ ਫੌਜ ਦੇ ਮੁਖੀ ਭਾਈ ਬਲਜੀਤ ਸਿੰਘ ਗੰਗਾ ਤੋਂ ਇਲਾਵਾ ਯੂਨਾਈਟਿਡ ਅਕਾਲੀ ਦਲ ਦੇ  ਸੀਨੀਅਰ ਆਗੂ ਜਤਿੰਦਰ ਸਿੰਘ ਈਸੜੂ, ਬਾਬਾ ਚਮਕੌਰ ਸਿੰਘ ਭਾਈ ਰੂਪਾ, ਭਾਈ ਜਸਵਿੰਦਰ ਸਿੰਘ ਘੋਲੀਆ, ਬਾਬਾ ਮਨਪ੍ਰੀਤ ਸਿੰਘ ਫਰੀਦਕੋਟ,  ਗੁਰਨਾਮ ਸਿੰਘ ਚੰਡੀਗੜ੍ਹ, ਪ੍ਰਿੰਸੀਪਾਲ ਪਰਮਜੀਤ ਸਿੰਘ ਮੁਕਤਸਰ, ਰਸਪਾਲ ਸਿੰਘ ਚੰਡੀਗੜ, ਸਰਬਜੀਤ ਸਿੰਘ ਅਲਾਲ, ਨੱਛਤਰ ਸਿੰਘ ਦਬੜੀਖਾਨਾ, ਹਰਭਜਨ ਸਿੰਘ ਦਬੜੀਖਾਨਾ, ਰੇਸ਼ਮ ਸਿੰਘ ਬੁਰਜ ਮਹਿਮਾ, ਵਰਿੰਦਰਪਾਲ ਸਿੰਘ ਐਡਵੋਕੇਟ, ਰਮਨਦੀਪ ਸਿੰਘ, ਹਰਿੰਦਰ ਸਿੰਘ ਡਾਲਾ, ਕੁਲਵੰਤ ਸਿੰਘ ਬੁਰਜ਼ ਮਹਿਮਾ, ਲਾਭਪ੍ਰੀਤ ਸਿੰਘ ਖਾਲਸਾ, ਇਕਬਾਲ ਸਿੰਘ ਬਰਾੜ, ਰਾਮ ਸਿੰਘ,ਸੁਖਮੰਦਰ ਸਿੰਘ ਭਾਗੀਵਾਂਦਰ,  ਗੁਰਸੇਵਕ ਸਿੰਘ ਧੂਰਕੋਟ, ਲਖਬੀਰ ਸਿੰਘ ਧੂਰਕੋਟ, ਪਰਮਜੀਤ ਸਿੰਘ, ਜਗਜੀਤ ਸਿੰਘ , ਯਾਦਵਿੰਦਰ ਸਿੰਘ ਬਰਾੜ, ਗੁਰਵਿੰਦਰ ਸਿੰਘ ਬਰਾੜ,ਹਰਜੱਸ ਸਿੰਘ ਬਰਾੜ, ਮਨਦੀਪ ਸਿੰਘ,  ਆਗੂ ਸ਼ਾਮਿਲ ਸਨ। ਭਾਈ ਬਠਿੰਡਾ ਨੇ ਦੱਸਿਆ ਕਿ 29 ਅਤੇ 30 ਨਵੰਬਰ ਨੂੰ ਜਥੇਦਾਰ ਜਗਤਾਰ ਸਿੰਘ ਹਵਾਰਾ ਅਤੇ ਬਾਬਾ ਸੇਵਾ ਸਿੰਘ ਰਾਮਪੁਰ ਖੇੜਾ ਵਾਲਿਆ ਵਲੋਂ ਰਾਮਪੁਰ ਖੇੜੇ ਵਿਚ ਸੱਦੀ ਮੀਟਿੰਗ ਵਿਚ ਪੰਥਕ ਜਥੇਬੰਦੀਆ, ਕਿਸਾਨ ਜਥੇਬੰਦੀਆ,  ਦਲਿਤ ਜਥੇਬੰਦੀਆ, ਹਿੰਦੂ ਜਥੇਬੰਦੀਆ, ਖੱਬੇ ਪੱਖੀ ਜਥੇਬੰਦੀਆ ਨਾਲ ਸਾਂਝੇ ਸੰਘਰਸ਼ ਲਈ ਹਾਂ ਪੱਖੀ ਗੱਲ ਬਾਤ ਆਖਰੀ ਦੌਰ ਵਿੱਚ ਹੈ

ਬਠਿੰਡਾ, 26 ਨਵੰਬਰ :- ਅੱਜ ਕਾਂਗਰਸ ਪਾਰਟੀ ਵੱਲੋਂ ਕਾਂਗਰਸ ਭਵਨ ਵਿਖੇ ਭਾਰਤੀ ਸਵਿਧਾਨ ਦਿਵਸ ਮਨਾਇਆ ਗਿਆ। ਇਸ ਮੌਕੇ ਵੱਡੀ ਗਿਣਤੀ ਵਿੱਚ ਕਾਂਗਰਸ ਦੀ ਸੀਨੀਅਰ ਲੀਡਰਸ਼ਿਪ ਵੱਖ-ਵੱਖ ਵਿੰਗਾਂ ਦੇ ਅਹੁਦੇਦਾਰ ਸਹਿਬਾਨ ਸਮੇਤ ਵਰਕਰ ਹਾਜ਼ਰ ਹੋਏ ਅਤੇ ਉਨ੍ਹਾਂ ਸ਼ਵਿਧਾਨ ਨਿਰਮਾਤਾ ਡਾਕਟਰ ਭੀਮ ਰਾਓ ਅੰਬੇਦਕਰ ਨੂੰ ਸ਼ਰਧਾ ਭੇਂਟ ਕੀਤੇ । ਇਸ ਮੌਕੇ ਸੀਨੀਅਰ ਕਾਂਗਰਸੀ ਆਗੂ ਅਰੁਣ ਵਧਾਵਣ ਅਤੇ ਨਵ ਨਿਯੁਕਤ ਜਿਲ੍ਹਾ ਪ੍ਰਧਾਨ ਰਾਜਨ ਗਰਗ ਦੀ ਅਗਵਾਈ ਵਿੱਚ ਹੋਏ ਪ੍ਰਭਾਵਸ਼ਾਲੀ ਸਮਾਗਮ ਦੌਰਾਨ ਭਾਰਤੀ ਸੰਵਿਧਾਨ ਤਹਿਤ ਪੰਜਾਬ ਦੀ ਖੁਸ਼ਹਾਲੀ ਅਤੇ ਦੇਸ਼ ਦੀ ਸੁਰੱਖਿਆ ਲਈ ਪ੍ਰਣ ਕਰਦੇ ਹਾ ਭਾਰਤ ਦਾ ਸੰਵਿਧਾਨ ਅਸੀਂ, ਭਾਰਤ ਦੇ ਲੋਕ, ਭਾਰਤ ਨੂੰ ਇਕ ਸੰਪੂਰਨ ਪ੍ਰਭੂਤੱਵ-ਸੰਪੰਨ ਸਮਾਜਵਾਦੀ ਪੰਥ ਨਿਰਪੱਖ ਲੋਕਤਾਂਤ੍ਰਿਕ ਗਣਰਾਜ ਬਣਾਉਣ ਲਈ, ਅਤੇ ਉਸਦੇ ਸਾਰੇ ਨਾਗਰਿਕਾਂ ਨੂੰ; ਸਮਾਜਿਕ, ਆਰਥਿਕ ਅਤੇ ਸਿਆਸੀ ਨਿਆਂ, ਵਿਚਾਰ, ਪ੍ਰਗਟਾਵਾ, ਵਿਸ਼ਵਾਸ, ਧਰਮ ਅਤੇ ਉਪਾਸਨਾ ਦੀ ਸੁਤੰਤਰਤਾ; ਵੱਕਾਰ ਅਤੇ ਮੌਕੇ ਦੀ ਸਮਾਨਤਾ ਪ੍ਰਾਪਤ ਕਰਨ ਲਈ, ਅਤੇ ਉਨ੍ਹਾਂ ਸਾਰਿਆਂ ਵਿਚ ਵਿਅਕਤੀ ਦੇ ਮਾਣ ਅਤੇ ਰਾਸ਼ਟਰ ਦੀ ਏਕਤਾ ਤੇ ਅਖੰਡਤਾ ਸੁਨਿਸ਼ਚਿਤ ਕਰਨ ਵਾਲਾ ਭਾਈਚਾਰਾ ਵਧਾਉਣ ਲਈ ਦ੍ਰਿੜ ਸੰਕਲਪ ਹੋ ਕੇ ਆਪਣੀ ਇਸ ਸੰਵਿਧਾਨ ਸਭਾ ਵਿੱਚ ਅੱਜ ਤਰੀਕ 26 ਨਵੰਬਰ, 1949 ਈ ਨੂੰ ਇਸ ਦੁਆਰਾ ਇਸ ਸੰਵਿਧਾਨ ਨੂੰ ਅਪਣਾਉਂਦੇ, ਲਾਗੂ ਕਰਦੇ ਅਤੇ ਸਮਰਪਿਤ ਕਰਦੇ ਹਾਂ।ਇਸ ਮੌਕੇ ਅਰੁਣ ਵਧਾਵਣ ਅਤੇ ਰਾਜਨ ਗਰਗ ਨੇ ਪ੍ਰਭਾਵਸ਼ਾਲੀ ਸਮਾਗਮ ਨੂੰ ਸੰਬੋਧਨ ਕਰਦੇ ਹੋਏ ਕਿਹਾ ਕਿ ਕਾਂਗਰਸ ਪਾਰਟੀ ਨੇ ਭਾਰਤ ਨੂੰ ਅੰਗਰੇਜ਼ਾਂ ਤੋਂ ਅਜ਼ਾਦ ਕਰਵਾਉਣ ਲਈ ਪੂਰੀ ਤਨਦੇਹੀ ਨਾਲ ਕੰਮ ਕੀਤਾ ਭਾਰਤੀ ਸਵਿਧਾਨ ਭਾਰਤ ਦੀ ਅਸਲ ਨੂੰ ਦਰਸਾਉਂਦਾ ਹੈ ਡਾਕਟਰ ਬੀ ਆਰ ਅੰਬੇਦਕਰ ਜੀ ਨੇ ਇਹ ਯਕੀਨੀ ਬਣਾਇਆ ਸੀ ਕੇਸਾਂ ਦੀ ਦੇਖਭਾਲ ਕੀਤੀ ਜਾਂਦੀ ਹੈ ਜਿਸ ਕਰਕੇ ਦੇਸ਼ ਖੁਸ਼ਹਾਲੀ ਦੀ ਰਾਹ ਤੇ ਤੁਰਿਆ ਹੈ ਇਸ ਲਈ ਕਾਂਗਰਸ ਪਾਰਟੀ ਵੱਲੋਂ ਸੰਵਿਧਾਨ ਦੀ ਸੁਰੱਖਿਆ ਲਈ ਵੱਡੀਆਂ ਕੁਰਬਾਨੀਆਂ ਤਹਿਤ ਕੰਮ ਕੀਤਾ । ਇਸ ਮੌਕੇ ਸੀਨੀਅਰ ਵਾਈਸ ਪ੍ਰਧਾਨ ਬਲਜਿੰਦਰ ਸਿੰਘ ਠੇਕੇਦਾਰ ਅਤੇ ਕਿਰਨਦੀਪ ਕੌਰ ਵਿਰਕ ਨੇ ਕਿਹਾ ਕਿ ਵਿਧਾਨ ਅਨੁਸਾਰ ਦੇਸ਼ ਦੇ ਚਾਰ ਥੰਮ ਨਿਆਪਾਲਿਕਾ ਕਾਰਜਕਾਰੀ ਵਿਧਾਨ ਸਭਾ ਅਤੇ ਮੀਡੀਆ ਦੇ ਖੇਤਰ ਹਨ ਜੋ ਪੂਰੀ ਤਨਦੇਹੀ ਨਾਲ ਦੇਸ਼ ਦੀ ਸੁਰੱਖਿਆ ਵਿੱਚ ਯੋਗਦਾਨ ਪਾ ਰਹੇ ਹਨ। ਇਸ ਮੌਕੇ ਜ਼ਿਲ੍ਹਾ ਬਠਿੰਡਾ ਦੇ ਬਲਾਕ ਪ੍ਰਧਾਨ ਬਲਰਾਜ ਸਿੰਘ ਪੱਕਾ,  ਹਰਵਿੰਦਰ ਸਿੰਘ ਲੱਡੂ,  ਸੁਖਦੀਪ ਸਿੰਘ ਰਾਮਨਗਰ ਮੌੜ, ਕ੍ਰਿਸ਼ਨ ਸਿੰਘ ਭਾਗੀ ਬਾਂਦਰ ਆਦਿ ਨੇ ਕਿਹਾ ਕਿ ਕਾਂਗਰਸ ਨੇ ਵਿਧਾਨ ਅਨੁਸਾਰ ਕੰਮ ਕੀਤਾ ਪਰ ਕੇਂਦਰ ਦੀ ਭਾਜਪਾ ਸਰਕਾਰ ਅਤੇ ਸੂਬੇ ਦੀ ਆਪ ਸਰਕਾਰ ਨੇ ਸੰਵਿਧਾਨ ਦੇ ਮੂਲ ਥੰਮਾਂ ਤੇ ਹਮਲਾ ਕਰਨ ਦੀ ਕੋਸ਼ਿਸ਼ ਤਹਿਤ ਮਾਹੌਲ ਖਰਾਬ ਕਰਨ ਦੇ ਜਤਨ ਹੋਏ ਅਤੇ ਚੋਣ ਕਮਿਸ਼ਨ ਤੇ ਸੀਬੀਆਈ ਵਰਗੀਆਂ ਸਥਾਨਕ ਸੰਸਥਾਵਾਂ ਦੀ ਦੁਰਵਰਤੋਂ ਕੀਤੀ ਜਾ ਰਹੀ ਹੈ। ਇਸ ਮੌਕੇ ਸਾਬਕਾ ਚੇਅਰਮੈਨ ਕੇ ਕੇ ਅੱਗਰਵਾਲ,  ਸੀਨੀਅਰ ਡਿਪਟੀ ਮੇਅਰ ਅਸ਼ੋਕ ਕੁਮਾਰ, ਡਾਇਰੈਕਟਰ ਮਾਰਕਫੈਡ ਟਹਿਲ ਸਿੰਘ ਸੰਧੂ,  ਕਿਰਨਜੀਤ ਸਿੰਘ ਗਹਿਰੀ ਅਤੇ ਰੁਪਿੰਦਰ ਬਿੰਦਰਾ ਆਦਿ ਨੇ ਕਿਹਾ ਕਿ ਕੇਂਦਰ ਦੀ ਭਾਜਪਾ ਅਤੇ ਸੂਬੇ ਦੀ ਆਪ ਸਰਕਾਰ ਦੇ ਸੰਵਿਧਾਨ ਤਹਿਤ ਧਰਮ ਮੀਡੀਆ ਨੂੰ ਆਪਣੇ ਪਾਸੇ ਕਰਨ ਲਈ ਲਿਆ ਜਾ ਰਿਹਾ ਹੈ।ਇਸ ਮੌਕੇ ਸਾਬਕਾ ਮੇਅਰ ਬਲਵੰਤ ਰਾਏ ਨਾਥ,  ਅਸ਼ੀਸ਼ ਕਪੂਰ, ਹਰੀ ਓਮ , ਸੰਜੈ ਵਿਸ਼ਵਾਲ, ਸੁਖਦੇਵ ਸਿੰਘ ਸੁੱਖਾ, ਵਿਕਰਮ ਕਰਾਂਤੀ, ਜਗਪਾਲ ਸਿੰਘ ਗੋਰਾ ,ਪ੍ਰੀਤਮ ਸਿੰਘ ਬਰਾੜ, ਹਰਵਿੰਦਰ ਸਿੱਧੂ, ਜਗਰਾਜ ਸਿੰਘ, ਵਿਨੋਦ ਸੈਣੀ ਭੁਪਿੰਦਰ ਸਿੰਘ, ਜਤਿੰਦਰ ਰੇਲਵੇ ਅਡਵਾਨੀ ਅਤੇ ਸੁਨੀਲ ਕੁਮਾਰ, ਕਰਤਾਰ ਸਿੰਘ ਗੰਗਾ, ਨੰਦ ਲਾਲ, ਅਸ਼ੋਕ ਕੁਮਾਰ ਭੋਲਾ, ਨਰੇਸ਼ ਕੁਮਾਰ, ਦੁਨੀ ਚੰਦ, ਯਸ਼ਪਾਲ, ਸੁਖਦੇਵ ਸਿੰਘ , ਗੰਡਾ ਸਿੰਘ, ਪ੍ਰੀਤਮ ਸਿੰਘ ਬਰਾੜ, ਕ੍ਰਿਸ਼ਨਾ ਰਾਣੀ, ਗੀਤਾ ਰਾਣੀ ਆਦਿ ਹਾਜ਼ਰ ਸਨ ।

ਬਠਿੰਡਾ, 26 ਨਵੰਬਰ: ਬੀਤੇ ਕੱਲ ਜਿਲ੍ਹੇ ਦੇ ਮੋੜ ਮੰਡੀ ਵਿਖੇ ਭਰੇ ਬਜਾਰ ਵਿਚੋਂ ਆੜਤੀ ਦੀ ਦੁਕਾਨ ‘ਚੋੰ ਪੰਜ ਲੱਖ ਦੀ ਲੁੱਟਖੋਹ ਦਾ ਮਾਮਲਾ ਹਾਲੇ ਹੱਲ ਨਹੀਂ ਹੋ ਸਕਿਆ ਸੀ ਅੱਜ ਸਵੇਰੇ ਰਾਮਪੁਰਾ ਮੰਡੀ ਵਿੱਚ ਇੱਕ ਹੋਰ ਆੜਤੀ ਦੇ ਘਰ ਵਿੱਚ ਚਾਰ ਲੁਟੇਰਿਆਂ ਨੇ ਦਾਖਲ ਹੋ ਕੇ ਉਸਦੀ ਕਾਰ ਖੋਹ ਕੇ ਸਵਾਰ ਹੋ ਗਏ। ਪੁਲਿਸ ਵਲੋਂ ਪੀੜਤ ਆੜਤੀ ਦੇ ਬਿਆਨਾਂ ਉਪਰ ਮਾਮਲੇ ਦੀ ਜਾਂਚ ਸੁਰੂ ਕਰ ਦਿੱਤੀ ਹੈ। ਪੁਲਿਸ ਸੂਤਰਾਂ ਨੇ ਖੁਲਾਸਾ ਕੀਤਾ ਹੈ ਕਿ ਇਸ ਮਾਮਲੇ ਵਿੱਚ ਉਕਤ ਆੜਤੀ ਦੇ ਡਰਾਇਵਰ ਉਪਰ ਸ਼ੱਕ ਜਾਹਰ ਕੀਤਾ ਜਾ ਰਿਹਾ ਹੈ ਕਿਉਂਕਿ ਕਾਰ ਦੀ ਚਾਬੀ ਉਕਤ ਡਰਾਇਵਰ ਕੋਲ ਹੀ ਸੀ। ਮਿਲੀ ਜਾਣਕਾਰੀ ਮੁਤਾਬਕ ਰਾਮਪੁਰਾ ਮੰਡੀ ਸਹਿਰ ਦੇ ਰਹਿਣ ਵਾਲੇ ਆੜਤੀ ਪ੍ਰਸੋਤਮ ਕੁਮਾਰ ਅੱਜ ਸਵੇਰੇ ਮੰਡੀ ਵਿੱਚ ਸਥਿਤ ਅਪਣੇ ਘਰ ਵਿੱਚ ਬੈਠੇ ਹੋਏ ਸਨ। ਇਸ ਦੌਰਾਨ ਕਰੀਬ ਸਾਢੇ 6 ਵਜੇ ਚਾਰ ਜਣੇ ਘਰ ਦੇ ਅੰਦਰ ਦਾਖਲ ਹੋਣ ਲੱਗੇ ਪਰੰਤੂ ਆੜਤੀ ਨੇ ਵਿਰੋਧ ਕੀਤਾ ਤੇ ਮੌਕੇ ਉਪਰ ਰੌਲਾ ਪੈ ਗਿਆ। ਜਿਸਦੇ ਚੱਲਦੇ ਲੁਟੇਰੇ ਉਸਦੀ ਕੁੱਟਮਾਰ ਕਰਕੇ ਘਰ ਦੇ ਅੱਗੇ ਖੜ੍ਹੀ ਕਾਰ ਲੈ ਕੇ ਫਰਾਰ ਹੋ ਗਏ। ਪੁਲਿਸ ਅਧਿਕਾਰੀਆਂ ਮੁਤਾਬਕ ਮੁਢਲੀ ਪੜਤਾਲ ਦੌਰਾਨ ਇਹ ਗੱਲ ਸਾਹਮਣੇ ਆਈ ਹੈ ਕਿ ਕਾਰ ਦੀ ਚਾਬੀ ਪਹਿਲਾਂ ਹੀ ਡਰਾਈਵਰ ਕੋਲ ਮੌਜੂਦ ਸੀ ਕਿਉਂਕਿ ਬੀਤੇ ਕੱਲ ਡਰਾਈਵਰ ਹੀ ਆੜਤੀ ਨੂੰ ਘਰ ਛੱਡ ਕੇ ਗਿਆ ਸੀ। ਇਸਤੋਂ ਇਲਾਵਾ ਇਸ ਘਟਨਾ ਤੋਂ ਬਾਅਦ ਡਰਾਈਵਰ ਦਾ ਫੋਨ ਨੰਬਰ ਵੀ ਬੰਦ ਆ ਰਿਹਾ ਦਸਿਆ ਜਾ ਰਿਹਾ। ਇਹ ਵੀ ਪਤਾ ਲੱਗਿਆ ਹੈ ਕਿ ਆੜਤੀ ਪ੍ਰਸੋਤਮ ਕੁਮਾਰ ਦਾ ਪੁੱਤਰ ਵਿਦੇਸ਼ ਵਿੱਚ ਗਿਆ ਹੋਇਆ ਹੈ ਤੇ ਉਹ ਖੁਦ ਆੜਤ ਦਾ ਕੰਮ ਕਰਦਾ ਹੈ ਅਤੇ ਘਰ ਵਿੱਚ ਦੋਨੋਂ ਮੀਆ-ਬੀਵੀ ਹੀ ਰਹਿੰਦੇ ਹਨ।

ਡਿਪਟੀ ਕਮਿਸ਼ਨਰ ਨੇ ਕੀਤਾ ਵਿਸ਼ੇਸ਼ ਤੌਰ ਤੇ ਧੰਨਵਾਦ

ਸੁਖਜਿੰਦਰ ਮਾਨ

ਬਠਿੰਡਾ, 24 ਨਵੰਬਰ : ਸ਼੍ਰੀ ਗੁਰੂ ਗੋਬਿੰਦ ਸਿੰਘ ਰਿਫਾਇਨਰੀ (ਰਾਮਾਂ) ਵਲੋਂ ਸੀਵਰੇਜ਼ ਕਲੀਅਰਿੰਗ ਦੇ ਕੰਮ ਲਈ 47 ਲੱਖ ਰੁਪਏ ਦੀ ਸਹਾਇਤਾ ਰਾਸ਼ੀ ਦਾ ਚੈੱਕ ਡਿਪਟੀ ਕਮਿਸ਼ਨਰ ਸ਼੍ਰੀ ਸ਼ੌਕਤ ਅਹਿਮਦ ਪਰੇ ਨੂੰ ਭੇਂਟ ਕੀਤਾ ਗਿਆ। ਡਿਪਟੀ ਕਮਿਸ਼ਨਰ ਨੇ ਚੈਕ ਭੇਂਟ ਕਰਨ ਤੇ ਸ਼੍ਰੀ ਗੁਰੂ ਗੋਬਿੰਦ ਸਿੰਘ ਰਿਫਾਇਨਰੀ ਦਾ ਵਿਸ਼ੇਸ਼ ਤੌਰ ਤੇ ਧੰਨਵਾਦ ਕੀਤਾ।ਇਸ ਦੌਰਾਨ ਡਿਪਟੀ ਕਮਿਸ਼ਨਰ ਨੇ ਦੱਸਿਆ ਕਿ ਐਸਪੀਸੀਐਲ ਵਲੋਂ ਇਹ ਰਾਸ਼ੀ ਜ਼ਿਲ੍ਹੇ ਦੇ ਅਧੀਨ ਪੈਂਦੇ ਰਾਮਾਂ ਮੰਡੀ ਅਤੇ ਸਬ-ਡਵੀਜ਼ਨ ਤਲਵੰਡੀ ਸਾਬੋ ਤੋਂ ਇਲਾਵਾ ਹੋਰ ਖੇਤਰਾਂ ਵਿੱਚ ਸੀਵਰੇਜ਼ ਕਲੀਅਰਿੰਗ ਦੇ ਕੰਮਾਂ ਨੂੰ ਚਲਾਉਣ ਲਈ ਸੁਪਰ ਸਕਸ਼ਨ ਕਮ ਜੈਟਿੰਗ ਮਸ਼ੀਨ ਲਈ ਸਹਾਇਤਾ ਪ੍ਰਦਾਨ ਕੀਤੀ ਗਈ ਹੈ ਤਾਂ ਜੋ ਇਨ੍ਹਾਂ ਖੇਤਰਾਂ ਦੇ ਵਾਸੀਆਂ ਨੂੰ ਸੀਵਰੇਜ਼ ਸਬੰਧੀ ਕਿਸੇ ਤਰ੍ਹਾਂ ਦੀ ਕੋਈ ਵੀ ਸਮੱਸਿਆ ਦਰਪੇਸ਼ ਨਾ ਆਵੇ।ਇਸ ਮੌਕੇ ਵਧੀਕ ਡਿਪਟੀ ਕਮਿਸ਼ਨਰ ਸ਼੍ਰੀ ਰਾਹੁਲ, ਰਿਫ਼ਾਇਨਰੀ ਦੇ ਡਿਪਟੀ ਜਨਰਲ ਮੈਨੇਜ਼ਰ (ਡੀਜੀਐਮ) ਸ. ਚਰਨਜੀਤ ਸਿੰਘ ਅਤੇ ਸ਼੍ਰੀ ਸੰਦੀਪ ਸਿੰਘ ਵਿਸ਼ੇਸ਼ ਤੌਰ ਤੇ ਹਾਜ਼ਰ ਸਨ।

ਸੁਖਜਿੰਦਰ ਮਾਨ

ਬਠਿੰਡਾ, 24 ਨਵੰਬਰ: ਮਹਾਰਾਜਾ ਰਣਜੀਤ ਸਿੰਘ ਪੰਜਾਬ ਟੈਕਨੀਕਲ ਯੂਨੀਵਰਸਿਟੀ ਬਠਿੰਡਾ ਦੀ ਕੇਂਦਰੀ ਲਾਇਬ੍ਰੇਰੀ ਵੱਲੋਂ ਈ.ਬੀ.ਐਸ.ਸੀ.ਓ. ਅਤੇ ਆਈ.ਈ.ਈ.ਈ. ਡਿਜੀਟਲ ਲਾਇਬ੍ਰੇਰੀ ਦੇ ਸੰਬੰਧ ਵਿੱਚ ਇੱਕ ਟ੍ਰੇਨਿੰਗ ਪ੍ਰੋਗਰਾਮ ਦਾ ਆਯੋਜਨ ਯੂਨੀਵਰਸਿਟੀ ਦੇ ਐਡਟੋਰੀਅਮ ਬਲਾਕ ਵਿਚ ਕੀਤਾ ਗਿਆ।ਪ੍ਰੋਗਰਾਮ ਦੇ ਮੁੱਖ ਬੁਲਾਰੇ ਸ੍ਰੀ ਰਿਤੇਸ਼ ਕੁਮਾਰ, ਸੀਨੀਅਰ ਟਰੇਨਿੰਗ ਮੈਨੇਜ਼ਰ ਉੱਤਰੀ ਭਾਰਤ, ਈ.ਬੀ.ਐਸ.ਸੀ.ਓ. ਸੂਚਨਾ ਸੇਵਾਵਾਂ, ਨਵੀਂ ਦਿੱਲੀ ਸਨ, ਜਿਨ੍ਹਾਂ ਨੇ ਪ੍ਰੋਗਰਾਮ ਵਿੱਚ ਆਨਲਾਇਨ ਈ-ਰਿਸੋਰਸ ਦੇ ਸੰਬੰਧ ਵਿੱਚ ਆਪਣੇ ਭਾਸ਼ਣ ਦੇਣ ਦੋਰਾਨ ਵਿਸਥਾਰ ਵਿਚ ਦੱਸਿਆ ਕਿ ਅਸੀਂ ਕਿਸ ਤਰ੍ਹਾਂ ਈ-ਰਿਸੋਰਸ ਨੂੰ ਆਪਣੇ ਨਿੱਜੀ ਲੈਪਟਾਪ, ਮੋਬਾਇਲ ਫੋਨ ਤੇ ਕਿਤੇ ਵੀ ਬੈਠੇ ਚਲਾ ਸਕਦੇ ਹਾਂ।ਯੂਨੀਵਰਸਿਟੀ ਰਜਿਸਟਰਾਰ, ਪ੍ਰੋ: ਗੁਰਿੰਦਰਪਾਲ ਸਿੰਘ ਬਰਾੜ ਇਸ ਪ੍ਰੋਗਰਾਮ ਵਿਚ ਮੁੱਖ ਮਹਿਮਾਨ ਵੱਜੋਂ ਸ਼ਾਮਿਲ ਹੋਏ। ਡਾ. ਬਰਾੜ ਨੇ ਸ੍ਰੀ ਰਿਤੇਸ਼ ਕੁਮਾਰ ਅਤੇ ਸਮੂਚੀ ਟੀਮ ਦਾ ਧੰਨਵਾਦ ਕਰਦਿਆਂ ਸਮੂਹ ਵਿਭਾਗਾਂ ਨੂੰ ਵੱਧ ਤੋਂ ਵੱਧ ਲਾਇਬ੍ਰੇਰੀ ਦੀ ਸੁਵਿਧਾ ਲੈਣ ਤੇ ਜ਼ੋਰ ਦਿੱਤਾ।ਯੂਨੀਵਰਸਿਟੀ ਲਾਇਬਰੇਰੀਅਨ ਡਾ. ਇਕਬਾਲ ਸਿੰਘ ਬਰਾੜ ਨੇ ਸਭਨਾਂ ਦਾ ਸਵਾਗਤ ਕਰਦੇ ਹੋਏ ਯੂਨੀਵਰਸਿਟੀ ਦੀ ਕੇਂਦਰੀ ਲਾਇਬ੍ਰੇਰੀ ਵੱਲੋਂ ਦਿੱਤੀਆਂ ਜਾਣ ਵਾਲੀਆਂ ਸੇਵਾਵਾਂ ਬਾਰੇ ਜਾਣੂ ਕਰਵਾਇਆ। ਉਹਨਾਂ ਕਿਹਾ ਕਿ ਜਲਦ ਹੀ ਲਾਇਬ੍ਰੇਰੀ ਯੂਨੀਵਰਸਿਟੀ ਦੀ ਨਵੀਂ ਬਿਲਡਿੰਗ ਵਿੱਚ ਸ਼ਿਫਟ ਹੋਣ ਜਾ ਰਹੀਂ ਹੈ  ਜਿਸ ਵਿੱਚ ਅਸੀ ਆਪਣੇ ਪਾਠਕਾਂ ਨੂੰ ਵੱਧ ਤੋਂ ਵੱਧ ਸਹੂਲਤਾਂ ਦੇਣ ਦੀ ਕੋਸ਼ਿਸ਼ ਕਰਾਂਗੇ। ਉਹਨਾਂ ਕਿਹਾ ਕਿ ਅਜਿਹੇ ਪ੍ਰੋਗਰਾਮ ਅਸੀਂ ਭਵਿੱਖ ਵਿੱਚ ਵੀ ਉਲੀਕਾਂਗੇ। ਇਸ ਮੌਕੇ ਡੀਨਜ਼, ਡਾਇਰੈਕਟਰਜ਼, ਵੱਖ-ਵੱਖ ਵਿਭਾਗਾਂ ਦੇ ਮੁੱਖੀ, ਅਧਿਆਪਕ, ਖੋਜਾਰਥੀ ਅਤੇ ਵਿਦਿਆਰਥੀ ਮੌਜ਼ੂਦ ਸਨ। ਸਭਨਾਂ ਦਾ ਧੰਨਵਾਦ ਡਾ. ਮਲਕੀਤ ਸਿੰਘ, ਸਹਾਇਕ ਲਾਇਰੇਰੀਅਨ ਵੱਲੋਂ ਕੀਤਾ ਗਿਆ। ਲਾਇਬ੍ਰੇਰੀ ਕਲਰਕ ਰਮਨਦੀਪ ਰਾਣੀ ਨੇ ਸਟੇਜ ਦਾ ਸੰਚਾਲਨ ਬਾਖੂਬੀ ਢੰਗ ਨਾਲ ਕੀਤਾ।

 

 

 

 

ਬਠਿੰਡਾ 24 ਨਵੰਬਰ: ਸਕੂਲ ਸਿੱਖਿਆ ਵਿਭਾਗ ਪੰਜਾਬ ਦੇ ਦਿਸ਼ਾ ਨਿਰਦੇਸ਼ਾਂ ਅਨੁਸਾਰ ਜ਼ਿਲ੍ਹਾ ਸਿੱਖਿਆ ਅਫ਼ਸਰ ਸ਼ਿਵ ਪਾਲ ਗੋਇਲ ਅਤੇ ਉਪ ਜਿਲ੍ਹਾ ਸਿੱਖਿਆ ਅਫਸਰ ਮਹਿੰਦਰਪਾਲ ਸਿੰਘ ਦੀ ਰਹਿਨੁਮਾਈ ਹੇਠ ਡਾ. ਦਵਿੰਦਰ ਕੁਮਾਰ ਸਪੈਸ਼ਲ ਐਜੂਕੇਸ਼ਨ ਅਫ਼ਸਰ ਬਠਿੰਡਾ ਦੀ ਅਗਵਾਈ ਵਿੱਚ ਬਠਿੰਡਾ ਜ਼ਿਲ੍ਹੇ ਦੇ ਵਿਸ਼ੇਸ਼ ਲੋੜਾਂ ਵਾਲੇ ਬੱਚਿਆਂ ਦੀਆਂ ਜ਼ਿਲ੍ਹਾ ਪੱਧਰੀ ਖੇਡਾਂ ਸ਼ਾਨੋ ਸ਼ੌਕਤ ਨਾਲ ਸੰਪੰਨ ਹੋਈਆਂ। ਇਨ੍ਹਾਂ ਖੇਡਾਂ ਦਾ ਉਦਘਾਟਨ ਸ਼ਿਵ ਪਾਲ ਗੋਇਲ ਜ਼ਿਲ੍ਹਾ ਸਿੱਖਿਆ ਅਫ਼ਸਰ ਅਤੇ ਮਹਿੰਦਰਪਾਲ ਸਿੰਘ ਉਪ ਜ਼ਿਲ੍ਹਾ ਸਿੱਖਿਆ ਅਫ਼ਸਰ ਵੱਲੋਂ ਕੀਤਾ ਗਿਆ। ਇਨਾਮ ਵੰਡ ਸਮਾਰੋਹ ਮੌਕੇ ਮੁੱਖ ਮਹਿਮਾਨ ਵਜੋਂ ਹਲਕਾ ਵਿਧਾਇਕ ਜਗਰੂਪ ਸਿੰਘ ਗਿੱਲ ਵਿਸ਼ੇਸ਼ ਤੌਰ ‘ਤੇ ਖਿਡਾਰੀਆਂ ਨੂੰ ਆਸ਼ੀਰਵਾਦ ਦੇਣ ਲਈ ਪੁੱਜੇ। ਉਨ੍ਹਾਂ ਕਿਹਾ ਕਿ ਖੇਡਾਂ ਸਾਡੀ ਰੂਹ ਦੀ ਖੁਰਾਕ ਹਨ। ਪੰਜਾਬ ਸਰਕਾਰ ਖੇਡਾਂ ਲਈ  ਬਹੁਤ ਪੈਸਾ ਖਰਚ ਰਹੀ ਹੈ। ਇਨ੍ਹਾਂ ਵਿਸ਼ੇਸ਼ ਲੋੜਾਂ ਵਾਲੇ ਬੱਚਿਆਂ ਲਈ ਵਿਸ਼ੇਸ਼ ਫੰਡ ਰੱਖਿਆ ਜਾਵੇਗਾ। ਇਸ ਮੌਕੇ ਜ਼ਿਲ੍ਹਾ ਸਿੱਖਿਆ ਅਫ਼ਸਰ ਸ਼ਿਵ ਪਾਲ ਗੋਇਲ ਅਤੇ ਮਹਿੰਦਰਪਾਲ ਸਿੰਘ ਵੱਲੋਂ ਆਏ ਹੋਏ ਮਹਿਮਾਨਾਂ, ਖਿਡਾਰੀਆਂ ਅਤੇ ਮਾਪਿਆਂ ਦਾ ਖੇਡਾਂ ਵਿੱਚ ਪਹੁੰਚਣ ਤੇ ਧੰਨਵਾਦ ਕੀਤਾ ਗਿਆ। ਜਿਕਰਯੋਗ ਹੈ ਕਿ ਇੰਨਾਂ ਜ਼ਿਲ੍ਹਾ ਪੱਧਰੀ ਖੇਡਾਂ ਵਿੱਚ ਸੱਤ ਬਲਾਕਾਂ ਦੇ 200 ਦੇ ਕਰੀਬ ਬੱਚਿਆਂ ਨੇ ਭਾਗ ਲਿਆ।

ਜ਼ਿਲ੍ਹਾ ਸਿੱਖਿਆ ਮੀਡੀਆ ਕੋਆਰਡੀਨੇਟਰ ਬਲਵੀਰ ਸਿੱਧੂ ਕਮਾਂਡੋ ਅਤੇ ਸੁਖਪਾਲ ਸਿੰਘ ਸਿੱਧੂ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਅੰਡਰ-11 ਵਿੱਚ 100 ਮੀਟਰ ਦੌੜਾਂ ਲੜਕਿਆਂ ‘ਚੋ ਬਲਕਾਰ ਸਿੰਘ ਮੌੜ ਪਹਿਲਾ, ਸ਼ਿਵ ਕੁਮਾਰ ਰਾਮਪੁਰਾ ਦੂਜਾ, ਦਵਿੰਦਰ ਸਿੰਘ ਸੰਗਤ ਨੇ ਤੀਜਾ ਸਥਾਨ ਹਾਸਲ ਕੀਤਾ ਅਤੇ ਲੜਕੀਆਂ ਵਿੱਚ ਸਰੇਆ ਬਠਿੰਡਾ  ਨੇ ਪਹਿਲਾ, ਹਰਮਨਦੀਪ ਕੌਰ ਸੰਗਤ ਦੂਜਾ, ਸੁਖਪ੍ਰੀਤ ਕੌਰ ਗੋਨਿਆਣਾ ਨੇ ਤੀਜਾ ਸਥਾਨ ਹਾਸਲ ਕੀਤਾ। ਅੰਡਰ -14 ਵਿੱਚ 100 ਮੀਟਰ ਲੜਕਿਆਂ ‘ਚੋਂ ਨਵਦੀਪ ਸਿੰਘ ਰਾਮਪੁਰਾ ਪਹਿਲਾ, ਬਲਜਿੰਦਰ ਸਿੰਘ ਭਗਤਾ ਦੂਜਾ, ਜੋਬਨਜੀਤ ਸਿੰਘ ਰਾਮਪੁਰਾ ਨੇ ਤੀਜਾ ਸਥਾਨ ਹਾਸਲ ਕੀਤਾ ਅਤੇ ਲੜਕੀਆਂ ਵਿੱਚ ਅਮਨਦੀਪ ਕੌਰ ਭਗਤਾ ਨੇ ਪਹਿਲਾ, ਸਰਬਜੀਤ ਕੌਰ ਭਗਤਾ ਦੂਜਾ, ਆਰਤੀ ਬਠਿੰਡਾ ਨੇ ਤੀਜਾ ਸਥਾਨ ਹਾਸਲ ਕੀਤਾ। ਅੰਡਰ-11 ਵਿੱਚ 200 ਮੀਟਰ ਲੜਕਿਆਂ ਵਿੱਚ ਮਹਿਕਪ੍ਰੀਤ ਸਿੰਘ ਤਲਵੰਡੀ ਸਾਬੋ ਨੇ ਪਹਿਲਾ, ਅਨਮੋਲਪ੍ਰੀਤ ਸਿੰਘ ਰਾਮਪੁਰਾ ਨੇ ਦੂਜਾ ਅਤੇ ਹਰਪ੍ਰੀਤ ਸਿੰਘ ਤਲਵੰਡੀ ਸਾਬੋ ਨੇ ਤੀਜਾ ਸਥਾਨ ਹਾਸਲ ਕੀਤਾ ਅਤੇ ਲੜਕੀਆਂ ਵਿੱਚ ਅਰਸ਼ਦੀਪ ਕੌਰ ਗੋਨਿਆਣਾ ਨੇ ਪਹਿਲਾ, ਅਰਸ਼ਦੀਪ ਕੌਰ ਰਾਮਪੁਰਾ ਨੇ ਦੂਜਾ, ਊਸਾ ਰਾਣੀ ਮੌੜ ਨੇ ਤੀਜਾ ਸਥਾਨ ਹਾਸਲ ਕੀਤਾ। ਅੰਡਰ-14 ਵਿੱਚ 200 ਮੀਟਰ ਲੜਕਿਆਂ ਦੀ ਦੌੜ ਦੌਰਾਨ ਬਲਵਿੰਦਰ ਸਿੰਘ ਰਾਮਪੁਰਾ ਪਹਿਲਾ, ਲਵਪ੍ਰੀਤ ਸਿੰਘ ਮੌੜ ਦੂਜਾ, ਜਸ਼ਨਦੀਪ ਸਿੰਘ ਰਾਮਪੁਰਾ ਨੇ ਤੀਜਾ ਸਥਾਨ ਹਾਸਲ ਕੀਤਾ। ਅੰਡਰ-14 ਲੜਕੀਆਂ ਦੀ 200 ਮੀਟਰ ਦੌੜ ਦੌਰਾਨ ਊਸਾ ਕੌਰ ਰਾਮਪੁਰਾ ਪਹਿਲਾ, ਰਾਜਵਿੰਦਰ ਕੌਰ ਗੋਨਿਆਣਾ ਦੂਜਾ, ਰਾਜਵੀਰ ਕੌਰ ਮੌੜ ਨੇ ਤੀਜਾ ਸਥਾਨ ਹਾਸਲ ਕੀਤਾ। ਅੰਡਰ-19 ਵਿੱਚ ਲੜਕਿਆਂ ਦੀ 100 ਮੀਟਰ ਦੌੜ ਦੌਰਾਨ ਮਿਹਰਦੀਨ ਮੌੜ ਪਹਿਲਾ, ਗੁਰਦੀਪ ਸਿੰਘ ਮੌੜ ਦੂਜਾ, ਮਹਿਕਦੀਪ ਸਿੰਘ ਬਠਿੰਡਾ ਨੇ ਤੀਜਾ ਸਥਾਨ ਹਾਸਲ ਕੀਤਾ ਅਤੇ ਅੰਡਰ-19 ਲੜਕੀਆਂ 100 ਮੀਟਰ ਦੌੜ ਦੌਰਾਨ ਸੁਖਪਾਲ ਕੌਰ ਸੰਗਤ ਪਹਿਲਾ, ਜਸ਼ਨ ਮੌੜ ਦੂਜਾ ਅਤੇ ਹਰਪ੍ਰੀਤ ਕੌਰ ਗੋਨਿਆਣਾ ਨੇ ਤੀਜਾ ਸਥਾਨ ਹਾਸਲ ਕੀਤਾ। ਰਿਲੇਅ ਰੇਸ ਵਿੱਚ ਪਹਿਲਾ ਸਥਾਨ ਮੌੜ, ਦੂਜਾ ਸਥਾਨ ਤਲਵੰਡੀ ਸਾਬੋ ਅਤੇ ਤੀਜਾ ਸਥਾਨ ਗੋਨਿਆਣਾ ਮੰਡੀ ਨੇ ਹਾਸਲ ਕੀਤਾ। ਵੀਲ ਚੇਅਰ ਦੌੜ ਵਿੱਚ ਤਲਵੰਡੀ ਸਾਬੋ ਦੇ ਅੰਸੂ ਨੇ ਪਹਿਲਾ, ਸੰਗਤ ਮੰਡੀ ਦੇ ਗੁਰਸੇਵਕ ਸਿੰਘ ਨੇ ਦੂਜਾ ਅਤੇ ਰਾਮਪੁਰਾ ਦੇ ਦਲਬੀਰ ਸਿੰਘ ਨੇ ਤੀਜਾ ਸਥਾਨ ਹਾਸਲ ਕੀਤਾ। ਇਨ੍ਹਾਂ ਖੇਡਾਂ ਦੌਰਾਨ ਆਲ ਓਵਰ ਟਰਾਫੀ ਵਿੱਚ ਮੌੜ ਬਲਾਕ ਨੇ ਪਹਿਲਾ, ਰਾਮਪੁਰਾ ਬਲਾਕ ਨੇ ਦੂਜਾ ਅਤੇ ਸੰਗਤ ਮੰਡੀ ਬਲਾਕ ਨੇ ਤੀਜਾ ਸਥਾਨ ਹਾਸਲ ਕੀਤਾ। ਇਸ ਮੌਕੇ ਦਵਿੰਦਰ ਕੁਮਾਰ ਡੀ.ਐਸ.ਈ. ਆਈ.ਈ.ਡੀ, ਗੁਰਪ੍ਰੀਤ ਸਿੰਘ ਬਰਾੜ ਜ਼ਿਲ੍ਹਾ ਖੇਡ ਅਫਸਰ, ਬਲਜੀਤ ਕੌਰ ਡੀ.ਐਸ.ਈ.ਟੀ, ਪ੍ਰਿੰਸੀਪਲ ਕ੍ਰਿਸ਼ਨ ਕੁਮਾਰ ਗੁਪਤਾ, ਦਰਸ਼ਨ ਸਿੰਘ ਜੀਦਾ ਬੀਪੀਈਓ, ਲਖਵਿੰਦਰ ਸਿੰਘ ਬੀਪੀਈਓ, ਭਰਪੂਰ ਸਿੰਘ ਬੀਪੀਈਓ, ਬੇਅੰਤ ਕੌਰ ਸੈਂਟਰ ਹੈੱਡ ਟੀਚਰ, ਰੰਜੂ ਬਾਲਾ ਸੈਂਟਰ ਹੈੱਡ ਟੀਚਰ, ਬੂਟਾ ਸਿੰਘ ਸੁਨਾਮੀ ਸੈਂਟਰ ਹੈੱਡ ਟੀਚਰ, ਅੰਗਰੇਜ਼  ਸਿੰਘ ਬੀ.ਐਮ.ਟੀ. ਗੋਨਿਆਣਾ, ਜਤਿੰਦਰ ਸ਼ਰਮਾ ਸਹਾਇਕ ਕੋਆਰਡੀਨੇਟਰ, ਭੁਪਿੰਦਰ ਸਿੰਘ ਬਰਾੜ, ਰਾਜਵੀਰ ਸਿੰਘ ਮਾਨ, ਐਮ.ਸੀ. ਸੁਖਦੇਵ ਸਿੰਘ ਢਿੱਲੋਂ, ਰਵੀ ਕੁਮਾਰ, ਵਿਰੇਂਦਰ ਸਿੰਘ, ਮਨਪ੍ਰੀਤ ਕੌਰ, ਗੁਰਪ੍ਰੀਤ ਕੌਰ ਬਠਿੰਡਾ,ਮੋਨਾ ਰਾਣੀ ਬਠਿੰਡਾ, ਅਮਨਦੀਪ ਕੌਰ ਸੁਰਿੰਦਰ ਪਾਲ ਸਿੰਘ, ਜਸਵੀਰ ਕੌਰ ਗੋਨਿਆਣਾ, ਵੀਰਪਾਲ ਕੌਰ ਸੋਨੀਆ, ਰਾਜਿੰਦਰ ਕੌਰ ਬਰਾੜ, ਬਲਰਾਜ ਸਿੰਘ ਸਿੱਧੂ ਪੀਟੀਆਈ, ਸੁਰਿੰਦਰਪਾਲ ਕੌਰ ਹਾਜਰ ਸਨ।

ਇਸ ਮੌਕੇ ਜ਼ਿਲ੍ਹਾ ਭਾਸ਼ਾ ਅਫ਼ਸਰ ਕੀਰਤੀ ਕਿਰਪਾਲ ਨੇ ਆਏ ਹੋਏ ਮਹਿਮਾਨਾਂ ਦਾ ਧੰਨਵਾਦ ਕੀਤਾ ਅਤੇ ਦੱਸਿਆ ਕਿ ਪੰਜਾਬੀ-ਮਾਹ ਅਧੀਨ ਜ਼ਿਲ੍ਹਾ ਭਾਸ਼ਾ ਦਫ਼ਤਰ ਬਠਿੰਡਾ ਵੱਲੋਂ ਪੰਜ-ਰੋਜ਼ਾ ਸਮਾਗਮਾਂ ਦੇ ਆਖ਼ਰੀ ਪੜਾਅ ਦੀ ਸ਼ੁਰੂਆਤ ਨੁੱਕੜ ਨਾਟਕ ਰਾਹੀਂ ਹੋ ਗਈ ਹੈ ਜੋ ਕਿ 26 ਨਵੰਬਰ ਤੱਕ ਜਾਰੀ ਰਹੇਗੀ। ਪਹਿਲੇ ਪੜਾਅ ਵਿੱਚ ਵਿਭਾਗ ਵੱਲੋਂ ਪੰਜਾਬੀ ਬੋਲੀ ਦੀ ਪ੍ਰਫੁੱਲਤਾ ਲਈ ਚੇਤਨਾ ਰੈਲੀ ਕੱਢੀ ਗਈ। ਦੂਜੇ ਪੜਾਅ ਵਿਚ ਉੱਘੇ ਵਾਰਤਾਕਾਰ ਨਿੰਦਰ ਘੁਗਿਆਣਵੀ ਨਾਲ ਰੂਬਰੂ ਸਮਾਗਮ ਕਰਵਾਇਆ ਗਿਆ । ਇਸ ਮੌਕੇ ਐਸ. ਐਸ. ਡੀ. ਗਰਲਜ ਕਾਲਜ ਬਠਿੰਡਾ ਦੇ ਪ੍ਰਿੰਸੀਪਲ ਡਾ਼ ਨੀਰੂ ਗਰਗ, ਸਰਕਾਰੀ ਸਕੂਲ ਪਰਸਰਾਮ ਨਗਰ ਦੇ ਪ੍ਰਿੰਸੀਪਲ ਗੁਰਮੇਲ ਸਿੰਘ, ਖੋਜ ਅਫ਼ਸਰ ਨਵਪ੍ਰੀਤ ਸਿੰਘ  ਤੋਂ ਇਲਾਵਾ ਕਾਲਜ ਅਤੇ ਸਕੂਲ ਦਾ ਸਮੂਹ ਸਟਾਫ਼ ਮੌਜੂਦ ਸੀ।

ਬਠਿੰਡਾ, 24 ਨਵੰਬਰ : ਅੱਜ ਇੱਥੇ ਸੀਟੂ ਨਾਲ ਸਬੰਧਤ ਸਾਰੀਆਂ ਜਥੇਬੰਦੀਆਂ ਵੱਲੋਂ ਮਿਤੀ 19 ਨਵੰਬਰ ਤੋਂ 28 ਨਵੰਬਰ ਤੱਕ ਚੱਲੀ ਮੁਹਿੰਮ ਤਹਿਤ ਚਿਲਡਰਨ ਪਾਰਕ ਵਿਖੇ ਇਕੱਠੇ ਹੋ ਕੇ ਰੈਲੀ ਕੀਤੀ ਗਈ।ਇਸ ਸਮੇਂ ਆਗੂਆਂ ਨੇ ਦੱਸਿਆ ਕਿ ਸੀਟੂ ਪੰਜਾਬ ਵੱਲੋਂ ਪਿਛਲੇ ਸਮੇਂ ਦੌਰਾਨ ਰਾਜ ਕਰਦੀਆਂ ਸਰਕਾਰਾਂ ਨੂੰ  ਕਿਰਤੀਆਂ ਦੀਆਂ ਮੰਗਾਂ ਪ੍ਰਤੀ ਮੰਗ ਪੱਤਰ ਸੌਂਪੇ ਗਏ। ਪ੍ਰੰਤੂ ਪਿਛਲੀਆਂ ਸਰਕਾਰਾਂ ਵਾਂਗ ਅਤੇ ਮੌਜੂਦਾ ਆਮ ਆਦਮੀ ਪਾਰਟੀ ਦੀ ਸਰਕਾਰ ਵੀ ਕਿਰਤੀਆਂ ਦੀਆਂ ਮੰਗਾਂ ਪ੍ਰਤੀ ਸੰਜੀਦਾ ਨਹੀਂ ਹੈ। ਉਨ੍ਹਾਂ ਦੋਸ਼ ਲਗਾਇਆ ਕਿ ਪਿਛਲੀਆਂ ਸਰਕਾਰਾਂ ਤੋਂ ਤੰਗ ਆਏ ਲੋਕਾਂ ਨੇ ਬਦਲਾਅ ਵਜੋਂ ਚੁਣੀ ਆਮ ਆਦਮੀ ਸਰਕਾਰ ਵੀ ਕਾਰਪੋਰੇਟ ਪੱਖੀ ਨੀਤੀਆਂ ਅਤੇ ਮਜ਼ਦੂਰ ਵਿਰੋਧੀ ਨੀਤੀਆਂ ਲਾਗੂ ਕਰ ਰਹੀ ਹੈ। ਕੇਂਦਰ ਦੀ ਮੋਦੀ ਸਰਕਾਰ ਦੀਆਂ ਲੋਕ ਵਿਰੋਧੀ ਨੀਤੀਆਂ ਕਾਰਨ ਅੱਜ ਮਹਿੰਗਾਈ ਅਤੇ ਬੇਰੁਜ਼ਗਾਰੀ ਲਗਾਤਾਰ ਵੱਧ ਰਹੀ ਹੈ। ਜਿਸ ਕਰਕੇ ਆਮ ਆਦਮੀ ਦਾ ਗੁਜ਼ਾਰਾ ਮੁਸ਼ਕਲ ਹੋ ਰਿਹਾ ਹੈ। ਇਸ ਸਮੇਂ ਆਗੂਆਂ ਨੇ ਮੰਗ ਕੀਤੀ ਕਿ ਪੰਜਾਬ ਦੇ ਕਿਰਤੀਆਂ ਦੀਆਂ ਘੱਟੋ ਘੱਟ ਉਜਰਤਾਂ ਵਿਚ ਪਿਛਲੇ ਦਸ ਸਾਲਾਂ ਤੋਂ ਰੋਕਿਆ ਹੋਇਆ ਵਾਧਾ ਫੌਰੀ ਕਰਨ, ਟਰਾਂਸਪੋਰਟ ਦੇ ਕਾਮਿਆਂ ਸਮੇਤ ਹਰ ਤਰ੍ਹਾਂ ਦੇ ਕੱਚੇ ਮੁਲਾਜ਼ਮਾਂ ਨੂੰ ਰੈਗੂਲਰ ਕਰਨ, ਆਂਗਨਵਾੜੀ, ਆਸ਼ਾ ਵਰਕਰਾਂ, ਮਿਡ ਡੇ ਮੀਲ, ਪੇਂਡੂ ਚੌਕੀਦਾਰਾਂ, ਹਰ ਤਰ੍ਹਾਂ ਦੇ ਸਕੀਮ ਵਰਕਰਾਂ ਨੂੰ ਸਥਾਈ ਕਰਮਚਾਰੀ ਮੰਨਕੇ ਤਨਖਾਹ ਸਕੇਲ ਲਾਗੂ ਕਰਨ, ਮਜ਼ਦੂਰ ਵਿਰੋਧੀ 4 ਲੇਬਰ ਕੋਡ ਰੱਦ ਕਰਨ, ਤਿੰਨ ਧਿਰੀ ਲੇਬਰ ਕਮੇਟੀਆਂ ਕਾਇਮ ਕਰਨ, ਨਿੱਜੀ ਕਰਨ ਬੰਦ ਕਰਨ ਪ੍ਰਾਵੀਡੈਂਟ ਫੰਡ ਨਾਲ ਸੰਬੰਧਿਤ ਘੱਟੋ ਘੱਟ ਪੈਨਸ਼ਨ 6000/ਰੁਪਏ ਪ੍ਰਤੀ ਮਹੀਨਾ ਤੈਅ ਕਰਨ ਸਾਰੇ ਗੈਰਜਥੇਬੰਦਕ ਕਾਮਿਆਂ ਸਮੇਤ ਸਮਾਜਿਕ ਸੁਰੱਖਿਆ ਯਕੀਨੀ ਬਣਾਉਣ , ਅੰਤਰਰਾਜੀ ਪਰਵਾਸੀ ਕਿਰਤੀਆਂ ਲਈ ਪੂਰੇ ਦੇਸ਼ ਵਿਚ ਕੰਮ ਆਉਣ ਵਾਲਾ ਸਥਾਈ ਪਹਿਚਾਣ ਪੱਤਰ ਜਾਰੀ ਕਰਨ, ਹਰ ਕਾਮੇਂ ਲਈ ਸਸਤਾ ਅਤੇ ਸਰਕਾਰੀ ਰਾਸ਼ਨ ਦੇਣ ਦੀ ਵਿਵਸਥਾ ਕਰਨ, ਨਿਰਮਾਣ ਕਾਮਿਆਂ ਲਈ ਲਾਭ ਰਾਸ਼ੀਆਂ ਵਿੱਚ ਵਾਧਾ ਕਰਨ, ਮਨਰੇਗਾ ਕਾਨੂੰਨ ਨੂੰ ਸ਼ਹਿਰਾਂ ਵਿੱਚ ਵੀ ਲਾਗੂ ਕਰਨ, 700 ਰੁਪਏ ਦਿਹਾੜੀ ਕਰਨ, ਅਤੇ ਸਾਲ ਵਿਚ 200 ਦਿਹਾੜੀਆਂ ਦੇ ਕੰਮ ਦੀ ਗਰੰਟੀ ਕਰਨ ਅਤੇ ਵਧੇਰੇ ਬੱਜਟ ਰਾਸ਼ੀ ਦੀ ਵਿਵਸਥਾ ਕਰਨ, ਲੋੜ ਅਨੁਸਾਰ ਵਧੇਰੇ ਲੇਬਰ ਦਫ਼ਤਰ ਅਤੇ ਲੇਬਰ ਕੋਰਟ ਖੋਲ੍ਹਣ, ਸਾਰੇ ਹਾਕਰ ਅਤੇ ਸਟਰੀਟ ਵੈਂਡਰਾਂ ਲਈ ਬਣਾਈ ਗਈ ਪਾਲਿਸੀ ਅਨੁਸਾਰ ਸੁਵਿਧਾਵਾਂ ਲਈ ਕੰਮ ਦੇਣ ਲਈ ਪੱਕੀਆਂ ਥਾਵਾਂ ਅਲਾਟ ਕਰਨ, ਪੇਂਡੂ ਚੌਕੀਦਾਰਾਂ ਅਤੇ ਸਫ਼ਾਈ ਕਰਮਚਾਰੀਆਂ ਲਈ ਰੈਗੂਲਰ ਤਨਖਾਹਾਂ ਅਤੇ ਸਹੂਲਤਾਂ ਦੇਣ ਲਈ ਆਦਿ ਮੰਗਾਂ ਉੱਚੀਆਂ ਕੀਤੀਆਂ ਜਾਣਗੀਆਂ। ਸੀਟੂ ਨੇ ਇਹ ਵੀ ਐਲਾਨ ਕੀਤਾ ਹੈ ਕਿ ਇਨ੍ਹਾਂ 10 ਦਿਨਾਂ ਮੰਗ ਪ੍ਰਚਾਰ ਤੋਂ ਬਾਅਦ ਪੰਜਾਬ ਵਿੱਚ ਕੰਮ ਕਰਦੀਆਂ ਬਾਕੀ ਟਰੇਡ ਯੂਨੀਅਨ ਕੇਂਦਰਾਂ ਨਾਲ਼ ਮਿਲਕੇ ਕਿਰਤੀਆਂ ਦੇ ਸਾਂਝੇ ਸੰਘਰਸ਼ ਨੂੰ ਹੋਰ ਵੀ ਤੇਜ਼ ਕੀਤਾ ਜਾਵੇਗਾ। ਇਦ ਦੌਰਾਨ ਅਗਲੇ ਬਜ਼ਟ ਸੈਸ਼ਨ ਦੌਰਾਨ 5ਅਪ੍ਰੈਲ 2023 ਨੂੰ ਦਿੱਲੀ ਵਿਖੇ ਤੈਅ ਕੀਤੇ ਮਜ਼ਦੂਰ ਕਿਸਾਨ ਮਾਰਚ ਦੀ ਪੜਾਅ ਵਾਰ ਤਿਆਰੀ ਕਰਨ ਦਾ ਫੈਸਲਾ ਕੀਤਾ। ਇਸ ਮੁਹਿੰਮ ਦੌਰਾਨ ਸਰਕਾਰੀ ਵਿਭਾਗਾਂ , ਬੋਰਡਾਂ, ਨਿਗਮਾਂ, ਸਥਾਨਕ ਸਰਕਾਰਾਂ, ਕੋਅਪਰੇਟਿਵ ਅਦਾਰਿਆਂ ਵਿਚ ਖਾਲੀ ਅਸਾਮੀਆਂ ਲਈ ਫੌਰੀ ਸਥਾਈ ਭਰਤੀ ਕਰਨ, 2005 ਤੋਂ ਪੁਰਾਣੀ ਪੈਨਸ਼ਨ ਬਹਾਲ ਕਰਨ ਅਤੇ ਫਿਰਕੂ ਸ਼ਕਤੀਆਂ ਦੀਆਂ ਵੰਡ ਪਾਊ ਕੁਚਾਲਾਂ ਤੋਂ ਕਿਰਤੀ ਵਰਗ ਨੂੰ ਸੁਚੇਤ ਕੀਤਾ ਜਾਵੇਗਾ । ਮਜ਼ਦੂਰ ਕਿਸਾਨ ਏਕਾ ਮਜ਼ਬੂਤ ਕਰਨ ਅਤੇ ਭਗਵੰਤ ਮਾਨ ਸਰਕਾਰ ਵੱਲੋਂ ਚੋਣਾਂ ਦੌਰਾਨ ਕੀਤੀਆਂ ਗਰੰਟੀਆਂ ਨੂੰ ਪੂਰਾ ਕਰਾਉਣ ਲਈ ਸਾਂਝੀ ਲਾਮਬੰਦੀ ਨੂੰ ਮੁੱਖ ਸੇਧ ਬਣਾਕੇ ਅੱਗੇ ਵਧਾਇਆ ਜਾਵੇਗਾ। ਇਸ ਸਮੇਂ ਆਗੂਆਂ ਵੱਲੋਂ ਐਸ.ਡੀ.ਐਮ.ਬਠਿੰਡਾ ਰਾਹੀਂ ਪੰਜਾਬ ਸਰਕਾਰ ਨੂੰ ਮੰਗ ਪੱਤਰ ਸੌਂਪਿਆ ਗਿਆ।ਇਸ ਸਮੇਂ ਹੋਰਨਾਂ ਤੋਂ ਇਲਾਵਾ ਸੀਟੂ ਦੇ ਸੂਬਾਈ ਆਗੂ ਬਲਕਾਰ ਸਿੰਘ, ਐਡਵੋਕੇਟ ਐਮ.ਐਮ.ਬਹਿਲ ਕੁਲਜੀਤਪਾਲ ਸਿੰਘ ਗੋਲਡੀ, ਜ਼ਿਲ੍ਹਾ ਵਿੱਤ ਸਕੱਤਰ ਪ੍ਰਤਿਭਾ ਸ਼ਰਮਾ, ਹਰਮਿੰਦਰ ਸਿੰਘ ਢਿੱਲੋਂ, ਸ੍ਰੀ ਨਿਵਾਸ ਚੌਧਰੀ, ਲਛਮਣ ਚੌਧਰੀ ਆਦਿ ਹਾਜ਼ਰ ਸਨ।

ਹੁਸ਼ਿਆਰਪੁਰ/ਤਰਨਤਾਰਨ , 24 ਨਵੰਬਰ: ਸੂਬੇ ਵਿੱਚ ਭ੍ਰਿਸ਼ਟਾਚਾਰ ਨੂੰ ਨੱਥ ਪਾਉਣ ਦੇ ਮਕਸਦ ਨਾਲ ਪੰਜਾਬ ਵਿਜੀਲੈਂਸ ਬਿਊਰੋ ਨੇ ਵੀਰਵਾਰ ਨੂੰ ਹੁਸ਼ਿਆਰਪੁਰ ਜ਼ਿਲ੍ਹੇ ਦੇ ਦਸੂਹਾ ਵਿਖੇ ਤਾਇਨਾਤ ਮਾਲ ਪਟਵਾਰੀ ਲਖਬੀਰ ਸਿੰਘ ਨੂੰ 10,000 ਰੁਪਏ ਦੀ ਰਿਸ਼ਵਤ ਲੈਂਦਿਆਂ ਰੰਗੇ ਹੱਥੀਂ ਕਾਬੂ ਕੀਤਾ। ਇਸ ਮਾਮਲੇ ਵਿੱਚ ਗਿਰਦਾਵਰ ਤੇਜਿੰਦਰ ਸਿੰਘ ਗੋਲਡੀ ਨੂੰ ਵੀ ਨਾਮਜ਼ਦ ਕੀਤਾ ਗਿਆ ਹੈ ਅਤੇ ਜਲਦ ਹੀ ਗ੍ਰਿਫ਼ਤਾਰ ਕਰ ਲਿਆ ਜਾਵੇਗਾ।ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਵਿਜੀਲੈਂਸ ਬਿਊਰੋ ਦੇ ਬੁਲਾਰੇ ਨੇ ਦੱਸਿਆ ਕਿ ਉਕਤ ਪਟਵਾਰੀ ਨੂੰ ਜੁਗਰਾਜ ਸਿੰਘ ਵਾਸੀ ਪਿੰਡ ਉਸਮਾਨ ਸ਼ਹੀਦ, ਤਹਿਸੀਲ ਦਸੂਹਾ ਦੀ ਸ਼ਿਕਾਇਤ ’ਤੇ ਗ੍ਰਿਫਤਾਰ ਕੀਤਾ ਗਿਆ ਹੈ।ਇਸ ਸਬੰਧੀ ਹੋਰ ਜਾਣਕਾਰੀ ਦਿੰਦੇ ਹੋਏ ਉਨ੍ਹਾਂ ਦੱਸਿਆ ਕਿ ਸ਼ਿਕਾਇਤਕਰਤਾ ਨੇ ਵਿਜੀਲੈਂਸ ਬਿਊਰੋ ਕੋਲ ਪਹੁੰਚ ਕਰਕੇ ਦੋਸ਼ ਲਾਇਆ ਕਿ ਉਕਤ ਪਟਵਾਰੀ ਅਤੇ ਗਿਰਦਾਵਰ ਉਸਦੀ ਜੱਦੀ ਖੇਤੀਯੋਗ ਜ਼ਮੀਨ ਦੀ ਤਕਸੀਮ ਅਤੇ ਨਿਸ਼ਾਨਦੇਹੀ ਕਰਨ ਲਈ 10,000 ਰੁਪਏ ਦੀ ਰਿਸ਼ਵਤ ਦੀ ਮੰਗ ਕਰ ਰਹੇ ਹਨ।