Mansa News: ਮਾਨਸਾ ‘ਚ ਨਗਰ ਕੌਂਸਲ ਦੀਆਂ ਵੋਟਾਂ ਗਿਣਦੇ ਸਮੇਂ ਓਦੋਂ ਤਪਿਆ ਮਾਹੌਲ ਬਣ ਗਿਆ ਜਦੋਂ ਸ਼ਹਿਰ ਦੇ ਇੱਕ ਵੱਡੇ ਆਗੂ ਦੇ ਨਜ਼ਦੀਕੀ ਬੰਦੇ ਉੱਤੇ ਕਈ ਲੋਕਾਂ ਨੂੰ ਗਿਣਤੀ ਵਾਲੇ ਹਾਲ ਅੰਦਰ ਲੈ ਜਾਣ ਦੇ ਚਰਚੇ ਚੱਲ ਪਏ। ਇਹ ਗੱਲ ਫੈਲਦਿਆਂ ਹੀ ਉਮੀਦਵਾਰਾਂ ਤੇ ਉਹਨਾਂ ਦੇ ਹਮਾਇਤੀਆਂ ਨੇ ਰੌਲਾ ਪਾ ਦਿੱਤਾ ਤੇ ਕੇਂਦਰ ਦੇ ਬਾਹਰ ਹੀ ਧਰਨਾ ਲਾ ਬੈਠੇ।
ਲੋਕਾਂ ਦਾ ਕਹਿਣਾ ਸੀ ਕਿ ਗਿਣਤੀ ਵਾਲੀ ਥਾਂ ਉੱਤੇ ਸਿਰਫ਼ ਉਹੀ ਬੰਦੇ ਜਾਣ ਦੇ ਹੱਕਦਾਰ ਹੁੰਦੇ ਹਨ ਜਿਨ੍ਹਾਂ ਕੋਲ ਆਗਿਆ ਹੁੰਦੀ ਹੈ, ਪਰ ਫਿਰ ਵੀ ਕਈ ਹੋਰ ਲੋਕ ਅੰਦਰ ਵੜ ਗਏ। ਇਸ ਗੱਲ ਨੇ ਮੌਕੇ ਉੱਤੇ ਖੜ੍ਹੇ ਲੋਕਾਂ ਨੂੰ ਹੋਰ ਭੜਕਾ ਦਿੱਤਾ ਤੇ ਉਹਨਾਂ ਨੇ ਜ਼ੋਰਦਾਰ ਨਾਅਰੇਬਾਜ਼ੀ ਕਰਨੀ ਸ਼ੁਰੂ ਕਰ ਦਿੱਤੀ।
ਇਹ ਵੀ ਪੜ੍ਹੋ 👉Bathinda MC Elections; Bathinda ‘ਚ AAP ਦਾ ਜੇਤੂ ਰਥ ਅੱਗੇ ਵਧਣ ਲੱਗਿਆ, ਸ਼ਾਮ ਲਾਲ ਜੈਨ ਰਿਕਾਰਡ ਤੋੜ ਵੋਟਾਂ ਨਾਲ ਜੇਤੂ
ਇਸ ਦੌਰਾਨ ਵਿਰੋਧੀ ਧਿਰ ਦੇ ਆਗੂਆਂ ਨੇ ਵੀ ਮੀਡੀਆ ਅੱਗੇ ਗੁੱਸਾ ਕੱਢਿਆ। ਉਹਨਾਂ ਆਖਿਆ ਕਿ ਹਰ ਵਾਰੀ ਗਿਣਤੀ ਸਮੇਂ ਕੁਝ ਖਾਸ ਲੋਕ ਅੰਦਰ ਦਿਖਾਈ ਦਿੰਦੇ ਨੇ, ਜਿਸ ਨਾਲ ਸਾਰੀ ਪ੍ਰਕਿਰਿਆ ਉੱਤੇ ਸਵਾਲ ਖੜ੍ਹਦੇ ਹੁੰਦੇ ਹਨ। ਉਹਨਾਂ ਦਾ ਕਹਿਣਾ ਸੀ ਕਿ ਜੇ ਇਸ ਤਰ੍ਹਾਂ ਬਾਹਰਲੇ ਬੰਦੇ ਅੰਦਰ ਜਾਣ ਲੱਗ ਪਏ ਤਾਂ ਗੜਬੜ ਦਾ ਡਰ ਬਣਿਆ ਰਹਿੰਦਾ ਹੈ। ਹਾਲਾਤ ਵਿਗੜਦੇ ਵੇਖ ਕੇ ਪੁਲਿਸ ਤੇ ਹੋਰ ਅਫਸਰ ਤੁਰੰਤ ਮੌਕੇ ਉੱਤੇ ਪਹੁੰਚ ਗਏ। ਕਾਫੀ ਸਮਾਂ ਲੋਕਾਂ ਨਾਲ ਗੱਲਬਾਤ ਚੱਲਦੀ ਰਹੀ, ਜਿਸ ਤੋਂ ਬਾਅਦ ਜਿਸ ਬੰਦੇ ਉੱਤੇ ਇਲਜ਼ਾਮ ਲੱਗ ਰਹੇ ਸਨ, ਉਸਨੂੰ ਕੇਂਦਰ ਤੋਂ ਬਾਹਰ ਕਰ ਦਿੱਤਾ ਗਿਆ, ਫਿਰ ਜਾ ਕੇ ਮਾਹੌਲ ਕੁਝ ਠੰਡਾ ਹੋਇਆ। ਇਸ ਤੋਂ ਮਗਰੋਂ ਪੁਲਿਸ ਨੇ ਗਿਣਤੀ ਵਾਲੀ ਥਾਂ ਦੇ ਚਾਰੋ ਪਾਸੇ ਪਹਿਰਾ ਹੋਰ ਸਖ਼ਤ ਕਰ ਦਿੱਤਾ ਤਾਂ ਜੋ ਕੋਈ ਹੋਰ ਰੌਲਾ ਨਾ ਪੈ ਸਕੇ। ਸਾਰੇ ਸ਼ਹਿਰ ਚ ਇਹ ਮਾਮਲਾ ਚਰਚਾ ਬਣਿਆ ਹੋਇਆ ਹੈ।
👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਹੇਠ ਦਿੱਤੇ Link ਉੱਪਰ Click ਕਰੋ।
Whatsapp Channel 👉 🛑https://whatsapp.com/channel/0029VbBYZTe89inflPnxMQ0A
Whatsapp Group👉 🛑https://chat.whatsapp.com/EK1btmLAghfLjBaUyZMcLK
Telegram Channel👉 🛑https://t.me/punjabikhabarsaarwebsite
☎ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 98786-15057 ‘ਤੇ ਸੰਪਰਕ ਕਰੋ।
