ਲੁਧਿਆਣਾ, 3 ਸਤੰਬਰ: ਇੱਕ ਦੁਖ਼ਦਾਈ ਘਟਨਾ ਦੌਰਾਨ ਸਾਈਡ ’ਤੇ ਖੜੀ ਇੱਕ ਬੱਸ ਵਿਚ ਟਰਾਲਾ ਵੱਜਣ ਕਾਰਨ ਇੱਕ ਸਵਾਰੀ ਦੀ ਮੌਤ ਹੋਣ ਅਤੇ ਡੇਢ ਦਰਜ਼ਨ ਦੇ ਕਰੀਬ ਜਖ਼ਮੀ ਹੋਣ ਦੀ ਸੂਚਨਾ ਹੈ। ਜਖ਼ਮੀਆਂ ਨੂੰ ਵੱਖ ਵੱਖ ਹਸਪਤਾਲਾਂ ਵਿਚ ਭਰਤੀ ਕਰਵਾਇਆ ਗਿਆ। ਇਹ ਘਟਨਾ ਲੁਧਿਆਣਾ-ਜਲੰਧਰ ਬਾਈਪਾਸ ’ਤੇ ਵਾਪਰੀ ਹੈ। ਇਹ ਡਬਲ ਡੈਕਰ ਬੱਸ ਦੂਜੇ ਸੂਬੇ ਵਿਚ ਆਈ ਸੀ
ਪ੍ਰਤਾਪ ਬਾਜਵਾ ਨੇ ਵਿਧਾਨ ਸਭਾ ਵਿਚ ਚੁੱਕਿਆ ਲਾਰੈਂਸ ਬਿਸ਼ਨੋਈ ਦੀ ਇੰਟਰਵਿਊ ਦਾ ਮਾਮਲਾ
ਜਲੰਧਰ ਬਾਈਪਾਸ ਉਪਰ ਟਾਈਰ ਪੰਚਰ ਹੋਣ ਕਾਰਨ ਬੱਸ ਨੂੰ ਸਾਈਡ ’ਤੇ ਖੜਾ ਕਰਕੇ ਇਸਦੇ ਟਾਈਰ ਨੂੰ ਬਦਲਿਆਂ ਜਾ ਰਿਹਾ ਸੀ। ਇਸ ਦੌਰਾਨ ਪਿੱਛੇ ਤੋਂ ਆ ਰਿਹਾ ਇੱਕ ਤੇਜ਼ ਰਫ਼ਤਾਰ ਟਰਾਲਾ ਸਿੱਧਾ ਖ਼ੜੀ ਬੱਸ ਵਿਚ ਆਣ ਵੱਜਾ। ਇਸ ਹਾਦਸੇ ਵਿਚ ਟਰਾਲੇ ਦਾ ਡਰਾਈਵਰ ਵੀ ਗੰਭੀਰ ਰੂਪ ਵਿਚ ਜਖ਼ਮੀ ਹੋ ਗਿਆ। ਇਹ ਘਟਨਾ ਟਰਾਲਾ ਡਰਾਈਵਰ ਨੂੰ ਨੀਂਦ ਦੀ ਝਪਕੀ ਆਉਣ ਕਾਰਨ ਵਾਪਰੀ ਦੱਸੀ ਜਾ ਰਹੀ ਹੈ। ਪੁਲਿਸ ਵੱਲੋਂ ਇਸ ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ।
